Span Jou Tyd In Vir God

Elisa: Die Verhaal Van Ongelooflike Geloof

Glo God Is Goed — Ongeag

Kom Ons Lees Saam die Bybel (Januarie)

Blaas Geestelike Passie In Jou Huwelik

Een Woord Wat Jou Lewe Sal Verander

Bid Vir Jou Olifant - Bid Moedige Gebede

Bly In Jesus - Dra Vrugte Wat Hou

Reis deur Handelinge in 10 dae

Geanker in geloof

<div class="version vid6 iso6393afr" data-vid="6" data-iso6393="afr">
 <div class="book bkACT">
 <div class="chapter ch5" data-usfm="ACT.5">
 <div class="label">5</div><div class="s1">Ananias en Saffira</div><div class="p"> 1Maar daar was ook 'n sekere man, Ananias, en sy vrou, Saffira, wat 'n eiendom verkoop het. 2Met die medewete van sy vrou het hy van die verkoopprys vir hulleself agtergehou en net 'n gedeelte daarvan gebring en vir die apostels gegee. 3Petrus s&#234; toe vir hom: &#8220;Ananias, hoekom het jy jou deur die Satan laat omhaal om vir die Heilige Gees te lieg en van die verkoopprys van die grond vir jouself agter te hou? 4Die grond was mos joune, en toe dit verkoop is, kon jy met die geld gemaak het wat jy wou. Wat het jou besiel om dit te doen? Jy het nie vir mense gelieg nie maar vir God.&#8221;</div><div class="p"> 5Toe Ananias dit hoor, het hy dood neergeval; en al die ander wat dit gehoor het, het baie bang geword. 6'n Paar van die jonges het nader gekom, hom toegedraai en gaan begrawe.</div><div class="p"> 7Omtrent drie uur later het sy vrou daar aangekom, onbewus van wat gebeur het. 8Petrus vra toe vir haar: &#8220;S&#234; vir my, het julle die grond vir soveel verkoop?&#8221;</div><div class="p">&#8220;Ja,&#8221; s&#234; sy, &#8220;vir soveel.&#8221;</div><div class="p"> 9Toe s&#234; Petrus vir haar: &#8220;Waarom het julle ooreengekom om die Gees van die Here uit te tart? Die mense wat jou man begrawe het, is nou net weer by die deur, en hulle sal jou ook uitdra.&#8221;</div><div class="p"> 10Sy het onmiddellik voor Petrus dood neergeval. Die jongmanne het ingekom, gesien sy is dood, en haar by haar man gaan begrawe.</div><div class="p"> 11Die hele gemeente en al die ander mense wat hiervan gehoor het, het baie bang geword.</div><div class="s1">Baie tekens en wonders</div><div class="p"> 12Deur die apostels het daar baie tekens en wonders onder die volk plaasgevind. En al die gelowiges het gereeld saamgekom in die Pilaargang van Salomo, 13maar van die ander mense het niemand dit gewaag om by hulle aan te sluit nie al het die volk hulle hoog geag. 14Tog is baie mense wat in die Here geglo het, mans sowel as vrouens, algaande by hulle getal gevoeg. 15Die mense het selfs siekes op straat uitgedra en hulle daar op draagbare en beddens neergesit sodat, as Petrus daar verbygaan, al is dit maar net sy skaduwee op party van hulle kon val. 16Daar het ook baie mense van die dorpe in die omgewing van Jerusalem af gekom en siekes gebring en mense wat onder onrein geeste gely het. Hulle is almal gesond gemaak.</div><div class="s1">Die vervolging van die apostels</div><div class="p"> 17Die ho&#235;priester en al sy ondersteuners, wat aan die party van die Sadduse&#235;rs behoort het, is met afguns vervul en het besluit om in te gryp. 18Hulle het die apostels oop en bloot laat vang en in die tronk gestop. 19Maar 'n engel van die Here het in die nag die tronkdeure oopgemaak, die apostels uitgelei en vir hulle ges&#234;: 20&#8220;Gaan staan in die tempel en verkondig aan die volk die volle boodskap van hierdie nuwe lewe.&#8221;</div><div class="p"> 21Hulle het gehoor gegee en die m&#244;re vroeg na die tempel toe gegaan en die mense geleer.</div><div class="p">Intussen het die ho&#235;priester en sy ondersteuners die leiers van Israel vir 'n volle vergadering van die Joodse Raad bymekaargeroep en wagte na die tronk toe gestuur om die apostels te gaan haal.</div><div class="p"> 22Maar toe die wagte daar kom, het hulle hulle nie in die tronk gekry nie. Hulle het teruggekom en vertel: 23&#8220;Ons het die tronk behoorlik toegesluit gekry en die bewaarders op hulle pos voor die deure; maar toe ons oopmaak en ingaan, was daar niemand nie.&#8221;</div><div class="p"> 24Toe die bevelvoerder van die tempelwag en die priesterhoofde dit hoor, was hulle uit die veld geslaan en hulle het gewonder wat van die apostels geword het. 25Net toe kom daar iemand en s&#234; vir hulle: &#8220;Weet julle, die mans vir wie julle in die tronk gesit het, staan daar in die tempel en leer die volk!&#8221;</div><div class="p"> 26Toe het die bevelvoerder en die wagte die apostels gaan haal, maar sonder geweld, omdat hulle bang was die volk steek hulle onder die klippe. 27Hulle het hulle voor die Raad gebring, en die ho&#235;priester s&#234; toe vir hulle: 28&#8220;Het ons julle nie uitdruklik belet om die mense in hierdie Naam te leer nie? En nou l&#234; die hele Jerusalem vol van julle leer! Boonop wil julle ons ook nog verantwoordelik hou vir hierdie man se dood.&#8221;</div><div class="p"> 29Petrus en die ander apostels het geantwoord: &#8220;'n Mens moet eerder aan God gehoorsaam wees as aan mense! 30Die God van ons voorvaders het Jesus uit die dood opgewek nadat julle Hom vermoor het deur Hom aan die kruis te hang. 31God het Hom verhoog tot Leidsman en Verlosser aan sy regterhand, sodat Hy Israel tot bekering kan bring en hulle sondes kan vergewe. 32En ons is getuies hiervan, ons en die Heilige Gees wat deur God gegee is aan di&#233; wat aan Hom gehoorsaam is.&#8221;</div><div class="p"> 33Toe die Raad dit hoor, was hulle woedend, en hulle wou die apostels doodmaak. 34Een van die Farise&#235;rs in die Raad, 'n man met die naam Gamali&#235;l, wat as leermeester van die wet van Moses by die hele volk in ho&#235; aansien was, het toe opgestaan en gevra dat die apostels 'n rukkie buitentoe gevat moet word. 35Daarna s&#234; hy vir die Raad: &#8220;Israeliete, julle moet versigtig wees wat julle met hierdie mense gaan doen. 36'n Tyd gelede was daar die geval van Teudas, wat in opstand gekom en daarop aanspraak gemaak het dat hy iemand van betekenis is. Hy het 'n aanhang gekry van omtrent vier honderd man. Hy is doodgemaak, en al sy volgelinge is verstrooi, en die opstand het op niks uitgeloop nie. 37Daarna was dit Judas die Galile&#235;r, wat in die tyd van die volkstelling in opstand gekom het met 'n deel van die volk agter hom aan. Ook hy is om die lewe gebring, en al sy volgelinge is uitmekaar gejaag. 38Wat die huidige geval betref, my raad aan julle is: Laat staan hierdie mense en laat hulle los, want as wat hulle wil en wat hulle doen, mensewerk is, sal daar niks van kom nie. 39Maar as dit van God kom, sal julle hulle nie kan keer nie. Moenie dat dit dalk later blyk dat julle selfs teen God gestry het nie!&#8221;</div><div class="p">Die Raad het na hom geluister. 40Hulle het die apostels ingeroep, hulle laat slaan en hulle belet om weer in die Naam van Jesus te praat. Daarna het hulle hulle losgelaat.</div><div class="p"> 41Die apostels het van die Raad af weggegaan, bly dat hulle bevoorreg was om ter wille van die Naam van Jesus vernedering te ly. 42En hulle het nie opgehou om die mense elke dag in die tempel en in hulle huise te leer en die evangelie te verkondig dat Jesus die Christus is nie.</div>
 </div>
 </div>
</div>

<div class="version vid6 iso6393afr" data-vid="6" data-iso6393="afr">
 <div class="book bkACT">
 <div class="chapter ch6" data-usfm="ACT.6">
 <div class="label">6</div><div class="s1">Sewe diakens word gekies</div><div class="p"> 1In daardie tyd, toe die gelowiges nog steeds meer geword het, het daar teen die Hebreeussprekendes klagtes gekom van die Griekssprekendes dat hulle weduwees in die daaglikse versorging afgeskeep word. 2Die twaalf apostels roep toe al die gelowiges bymekaar en s&#234; vir hulle: &#8220;Dit is nie reg dat ons die verkondiging van die woord van God verwaarloos om die versorging te kan behartig nie. 3Nou, broers, soek sewe mans onder julle uit wat daarvoor bekend is dat hulle vol van die Heilige Gees is en wysheid het, sodat ons hulle vir hierdie taak kan aanstel. 4Ons sal dan al ons aandag aan gebed en die bediening van die woord bly gee.&#8221;</div><div class="p"> 5Die voorstel het by al die gelowiges byval gevind, en hulle het Stefanus gekies, 'n man met 'n vaste geloof en vol van die Heilige Gees, en verder Filippus, Progorus, Nikanor, Timon, Parmenas, en Nikolaus wat van Antiogi&#235; afkomstig was en vantevore uit die heidendom tot die Jodedom oorgegaan het. 6Die gelowiges het hulle voor die apostels gebring, en di&#233; het vir hulle gebid en hulle die hande opgel&#234;.</div><div class="p"> 7Die woord van God het verder versprei, en die getal gelowiges in Jerusalem het geweldig toegeneem. Selfs 'n groot aantal priesters het gelowig geword.</div><div class="s1">Stefanus word gevange geneem</div><div class="p"> 8Stefanus, aan wie God baie genade en krag gegee het, het groot wonders en tekens onder die volk gedoen. 9Party van die lede van die Sinagoge van die Vrygelate Slawe, soos dit genoem is, wat bestaan het uit Jode wat van Sirene en Aleksandri&#235; afkomstig was, het toe saam met Jode wat van die provinsies Silisi&#235; en Asi&#235; gekom het, met Stefanus begin redeneer. 10Hulle was egter nie opgewasse teen die wysheid wat hy van die Gees ontvang het en waarmee hy gepraat het nie. 11Toe het hulle mense omgekoop om te s&#234;: &#8220;Ons het hom teen Moses en God hoor laster.&#8221;</div><div class="p"> 12Hulle het die volk en die familiehoofde en die skrifgeleerdes opgesweep. Di&#233; het op hom afgestorm, hom gegryp en voor die Joodse Raad gebring 13en vals getuies gekry om te s&#234;: &#8220;Hierdie man wil nie ophou om dinge teen die heilige tempel en die wet van Moses te s&#234; nie. 14Ons het hom hoor s&#234; dat hierdie Jesus van Nasaret die tempel sal afbreek en die voorskrifte wat Moses vir ons gegee het, sal verander.&#8221;</div><div class="p"> 15Toe al die lede van die Raad stip na Stefanus sit en kyk, sien hulle dat sy gesig soos di&#233; van 'n engel lyk.</div>
 </div>
 </div>
</div>

<div class="version vid6 iso6393afr" data-vid="6" data-iso6393="afr">
 <div class="book bkACT">
 <div class="chapter ch7" data-usfm="ACT.7">
 <div class="label">7</div><div class="s1">Stefanus se toespraak</div><div class="p"> 1Die ho&#235;priester vra toe vir Stefanus: &#8220;Is dit waar?&#8221;</div><div class="p"> 2Toe s&#234; Stefanus: &#8220;Broers en vaders, luister na my! God, aan wie al die eer toekom, het aan ons voorvader Abraham verskyn toe hy nog in Mesopotami&#235; was, voordat hy in Haran gaan woon het. 3God het vir hom ges&#234;: &#8216;Trek uit jou vaderland uit, weg van jou familie af, en gaan na die land toe wat Ek vir jou sal wys.&#8217; 4Abraham het toe die land van die Galde&#235;rs verlaat en in Haran gaan woon. N&#225; sy pa se dood het God hom daarvandaan laat trek na hierdie land toe waarin julle vandag woon. 5God het hom geen eiendom in hierdie land gegee nie, selfs nie 'n handbreedte daarvan nie. Maar Hy het wel belowe om dit as besitting vir hom te gee, en n&#225; hom vir sy nageslag, alhoewel hy nog nie 'n kind gehad het nie. 6God het s&#243; ges&#234;: &#8216;Sy nageslag sal bywoners wees in 'n land wat aan ander behoort. Daar sal hulle slawe wees en vier honderd jaar lank baie swaar kry. 7Maar Ek sal die nasie straf wat hulle as slawe aanhou.&#8217; Verder het God ges&#234;: &#8216;Daarna sal hulle wegtrek en My op hierdie plek dien.&#8217; 8God het met Abraham 'n verbond gesluit waarvan die besnydenis die teken is. So het dit gekom dat Abraham sy seun Isak op die agste dag na sy geboorte besny het. Isak het dieselfde gedoen met Jakob, en Jakob met die twaalf stamvaders.</div><div class="p"> 9&#8220;Uit jaloesie het die stamvaders vir Josef as slaaf verkoop, en so is hy Egipte toe. Maar God was by hom 10en het hom uit al sy ellende gered. God het aan Josef wysheid gegee, sodat hy in die guns van die farao, die koning van Egipte, gekom het. Die farao het hom as onderkoning van Egipte en as hoof van sy hele koninklike hof aangestel. 11Later het daar hongersnood in die hele Egipte en ook in Kana&#228;n gekom. Die nood was hoog, en ook ons voorouers kon nie kos in die hande kry nie. 12Toe Jakob hoor dat daar kos in Egipte is, het hy ons voorvaders op hulle eerste reis daarheen gestuur. 13Op hulle tweede reis het Josef hom aan sy broers bekend gemaak. Toe het die farao ook van Josef se familie te hore gekom. 14Josef het vir Jakob, sy pa, en die hele familie laat haal, vyf en sewentig mense altesaam. 15Jakob het na Egipte toe gegaan en daar het hy en ons voorvaders gesterwe. 16Hulle liggame is na Sigem toe gebring en begrawe in die graf wat Abraham vir 'n som geld daar in Sigem by die nakomelinge van Hemor gekoop het.</div><div class="p"> 17&#8220;Teen die tyd dat God die belofte wat Hy aan Abraham gegee het, sou uitvoer, het die volk in Egipte reeds tot 'n groot getal aangegroei. 18'n Nuwe koning, wat nie vir Josef geken het nie, het egter in Egipte aan die bewind gekom, 19en hy het 'n slim plan teen ons mense beraam en ons voorouers wreed behandel. Hy het hulle verplig om hulle babatjies buite aan hulle lot oor te laat, sodat hulle nie aan die lewe sou bly nie. 20In di&#233; tyd is Moses gebore, en hy was baie mooi. Drie maande lank is hy in sy ouerhuis versorg, 21en daarna is hy buite aan sy lot oorgelaat. Daar het die farao se dogter hom gekry, en sy het hom as haar eie seun grootgemaak. 22Moses is opgelei in al die wysheid van die Egiptenaars en hy het uitgeblink in woord en daad.</div><div class="p"> 23&#8220;Op veertigjarige leeftyd het die verlange by hom opgekom om te gaan kyk hoe dit met sy mense, die volk Israel, gaan. 24Toe hy sien dat een van hulle deur 'n Egiptenaar mishandel word, het hy die slagoffer gaan help en die misdaad gewreek deur die Egiptenaar dood te slaan. 25Hy het gemeen sy mense sou begryp dat God hom wou gebruik om hulle te red, maar hulle het dit nie verstaan nie. 26Toe hy die volgende dag op twee Israeliete afkom wat baklei, wou hy vrede maak en hy s&#234;: &#8216;Mense, julle is tog broers! Hoekom baklei julle dan met mekaar?&#8217; 27Maar die een wat met die bakleiery begin het, stamp vir Moses opsy en s&#234;: &#8216;Wie het jou as ons leier en as regter oor ons aangestel? 28Wil jy my ook doodslaan, soos jy gister die Egiptenaar doodgeslaan het?&#8217; 29Toe Moses dit hoor, het hy gevlug en 'n bywoner in Midian geword. D&#225;&#225;r is vir hom twee seuns gebore.</div><div class="p"> 30&#8220;Veertig jaar later het 'n engel eendag in die woestyn by Sinaiberg in die vlamme van 'n brandende doringbos aan Moses verskyn. 31Moses was baie verbaas oor wat hy sien, en toe hy nader gaan om te kyk wat dit is, hoor hy die stem van die Here: 32&#8216;Ek is die God van jou voorvaders, die God van Abraham, Isak en Jakob.&#8217; Moses het gebewe en dit nie gewaag om te kyk nie. 33En die Here s&#234; vir hom: &#8216;Trek jou skoene uit, want die plek waarop jy staan, is gewyde grond. 34Die mishandeling van my volk in Egipte het Ek gesien, en hulle gekerm het Ek gehoor. Daarom het Ek gekom om hulle te red. Kom nou nader; Ek wil jou na Egipte toe stuur.&#8217; </div><div class="p"> 35&#8220;Dit is dieselfde Moses vir wie die Israeliete nie wou aanvaar nie en vir wie hulle ges&#234; het: &#8216;Wie het jou as leier en regter aangestel?&#8217; Tog het God juis vir Moses as leier en redder na hulle toe gestuur deur die engel wat in die doringbos aan hom verskyn het. 36So het dit gekom dat Moses hulle uitgelei het. Veertig jaar lank het hy tekens en wonders in Egipte, by die Rooisee en in die woestyn gedoen. 37Dit is dieselfde Moses wat vir die volk Israel ges&#234; het: &#8216;God sal uit julle eie geledere vir julle 'n Profeet soos ek laat voortkom.&#8217; </div><div class="p"> 38&#8220;Dit is hy wat, toe die volk daar in die woestyn bymekaar was, die skakel was tussen ons voorvaders en die engel wat met hom op Sinaiberg gepraat het. Hy het die lewende woorde ontvang om aan ons mee te deel. 39Ons voorvaders wou egter nie na hom luister nie. Hulle het hom verontagsaam en na Egipte terug verlang. 40Toe het hulle vir A&#228;ron ges&#234;: &#8216;Maak vir ons gode wat voor ons uit kan trek, want hierdie Moses wat ons uit Egipte uitgelei het &#8211; ons weet nie wat van hom geword het nie.&#8217; 41Die gevolg was dat hulle destyds 'n afgodsbeeld gemaak het in die vorm van 'n kalf en daaraan offers gebring het en feesgevier het tot eer van hulle eie handewerk. 42Maar God het Hom van hulle afgewend en hulle laat begaan om die sterre te aanbid, soos daar geskrywe staan in die boek van die profete:</div><div class="b"></div><div class="q1">&#8220;Was dit vir My, Israel,</div><div class="q1">dat julle brandoffers en</div><div class="q1">ander diereoffers gebring het</div><div class="q1">gedurende die veertig jaar in die woestyn?</div><div class="q1"> 43Nee! Julle het die tent van Molek saamgeneem</div><div class="q1">en die ster van julle god Refan.</div><div class="q1">Julle het hierdie beelde gemaak om te aanbid.</div><div class="q1">Daarom sal Ek julle tot anderkant Babilon wegstuur. </div><div class="b"></div><div class="p"> 44&#8220;Ons voorvaders het die tent met die getuienis by hulle in die woestyn gehad. Moses het dit op bevel van God gemaak volgens die voorbeeld wat hy gesien het. 45Die volgende geslag het die tent ontvang en dit saamgeneem toe hulle onder leiding van Josua die land in besit geneem het waaruit God die inwoners voor ons voorvaders uit verdrywe het. Dit het daar gebly tot die tyd van Dawid. 46God was vir hom goed, en Dawid het gevra om toegelaat te word om vir God 'n tempel te bou vir gebruik deur die nageslag van Jakob. 47Maar dit was Salomo wat die tempel gebou het. 48God, die Allerhoogste, woon egter nie in geboue wat deur mense gemaak is nie. Soos die profeet dit stel:</div><div class="b"></div><div class="q1"> 49&#8220;Die hemel is my troon</div><div class="q1">en die aarde die rusplek vir my voete, s&#234; die Here.</div><div class="q1">Watter soort huis sal julle tog vir My bou</div><div class="q1">of watter plek as my rusplek?</div><div class="q1"> 50Het Ek nie self al hierdie dinge gemaak nie? </div><div class="b"></div><div class="p"> 51&#8220;Julle hardkoppiges! Julle is heidens in julle harte. Julle is doof vir die woord van God. Julle weerstaan altyd die Heilige Gees. Soos julle voorvaders gemaak het, maak julle ook. 52Was daar ooit 'n profeet wat nie deur julle voorvaders vervolg is nie? Hulle het God se boodskappers doodgemaak wat lank tevore die koms van die Regverdige aangekondig het. Nou het julle self die Regverdige verraai en vermoor. 53Julle is die mense wat deur bemiddeling van engele die wet van God ontvang het, en tog het julle dit nie gehoorsaam nie.&#8221;</div><div class="s1">Stefanus word gestenig</div><div class="p"> 54Toe die lede van die Joodse Raad dit hoor, het hulle van woede op hulle tande gekners. 55Maar Stefanus, vol van die Heilige Gees, het opgekyk na die hemel en die heerlikheid van God gesien en Jesus wat aan die regterhand van God staan.</div><div class="p"> 56&#8220;Kyk,&#8221; het hy ges&#234;, &#8220;ek sien die hemel geopen en die Seun van die mens wat aan die regterhand van God staan.&#8221;</div><div class="p"> 57Toe het hulle hard geskreeu en hulle ore toegedruk. Soos een man het hulle op hom afgestorm, 58hom uit die stad uitgesleep en gestenig. Die getuies het hulle klere neergesit by 'n jongman met die naam Saulus. 59Terwyl hulle vir Stefanus stenig, het hy geroep: &#8220;Here Jesus, ontvang my gees!&#8221;</div><div class="p"> 60Toe het hy op sy knie&#235; neergesak en hard uitgeroep: &#8220;Here, moet hulle tog nie hierdie sonde toereken nie!&#8221;</div><div class="p">Met hierdie woorde het hy gesterwe.</div>
 </div>
 </div>
</div>

60-dag Nuwe Testamentiese ReisVoorbeeld

Skrif

Aangaande hierdie leesplan

Verwante Leesplanne