'n Bybelse Perspektief Op Sosiale VeranderingVoorbeeld

Triomf

Jesus is nie tevrede dat mense in nood bly lewe nie. Ons sien dit as ons die evangelie van Markus lees. Hy het deernis vir hulle en wil toesien dat hulle kos kry. Sy metode is egter om saam met sy dissipels te werk. Hulle speel 'n belangrike rol om die kos in die hande te kry. Dit word dan vermenigvuldig en vir die mense uitgedeel.

Jesus wil hê dat ons die hulpbronne wat God ons gegee het sal raaksien. Dit maak nie saak hoe onvoldoende hulle voorkom nie, ons moet dit aanwend om in die behoeftes van ander te voorsien.

"Jesus het dít wat ons kan gee nodig. Dis dalk nie baie nie, maar hy het dit nodig. Dalk word die wêreld van wonderwerke en oorwinnings weerhou, omdat ons nie gewillig is om dit wat ons het, en dit wat ons is, vir Jesus te bring nie. As ons onsself op die altaar plaas, in diens van hom, is die moontlikhede eindeloos van wat hy met ons en deur ons kan doen. Ons is dalk jammer of skaam oor dit wat ons kan bring — en met reg, maar dit is nie 'n rede om na te laat om te bring wat ons het nie. Min is altyd baie in Christus se hande."
- William Barclay

Oordink:

Hoe wil Jesus saam met ons werk tot voordeel van ander? Watter spesifieke stappe sou Hy ons kon vra om te neem om in die behoeftes van die mense om ons te voorsien?