Laai die Bybeltoep afInfinitum Gesin Advent, Week 2Voorbeeld
Vrygewigheid bou ons vertroue in God
Neem 'n oomblik om 'n paar dinge wat ons van God weet, te noem. Ons sal jou aan die gang kry: God is sagmoedig, geduldig, betroubaar, veilig en beskermend. Kan jy nog 'n paar noem?
Is dit nie van die eienskappe waarna ons in 'n vriend soek nie? Wil ons nie mense in ons lewens (na aan ons harte) hê wat sagmoedig en betroubaar, beskermend en geduldig is nie? Om tyd te neem om aan God te dink as ons VRIEND, help ons om te onthou dat ons in goeie geselskap is. Hy sien om na ons. Hy gee om wat met ons gebeur. Hy sal dinge doen om ons te help.
Wanneer dit is hoe ons God voorstel, gee dit ons die moed om vrygewig te wees, want ons hoef nie bekommerd te wees oor wie na ons omsien terwyl ons omsien na ander nie. Ons WEET wie ons bystaan: God. Ons Vriend.
Is daar 'n omstandigheid in jou wêreld waar jy vrygewig WIL wees, maar jy hou terug omdat jy bang vir iets is? Hoe kan die uitbeelding van God as jou Vriend jou die moed gee om die risiko van vrygewigheid te neem?
Skrif
Aangaande hierdie leesplan
Ons is gevul met afwagting terwyl ons hierdie feestydperk nader met die doel om meer bewus te word van God se hart. Sluit by ons aan vir vier weke terwyl ons: Skoonheid Aanskou, Hindernisse Breek, Plek Maak en Verras Word deur God. Soos met al die beste dinge in die lewe, word hierdie reis die beste saam met ander geneem — kry dus 'n vriend of twee asook jou sin van verwondering terwyl jy die Adventstyd inbeweeg.
More
