Laai die Bybeltoep af’n Rede om fees te vierVoorbeeld
Jy kan solank feesvier
Ons Heiland het met een doel aarde toe gekom. Om ons – vir my en jou – sy kinders te maak. Daarom hou Kerstyd ’n ander stuk onthou ook in: dié van die jong Man aan die kruis wat sterf sodat ons vir altyd kan leef.
Die vraag is: Het jy al vir hierdie Man gesê: “Here, U is mý God!” Het jy al werklik met jou lewe voor die kruis gaan kniel en die verlossing wat Hy jou bied, sonder voorbehoud aanvaar?
Maak in hierdie Feestyd die Christus-kind, die Man aan die kruis, die Een wat langs sy Vader se troon sit, (weer) jou eie. Loof en dank Hom met oorgawe vir die feit dat jy eendag vir altyd saam met Hom kan feesvier.
Kniel by die kruis en vier nou reeds ’n vreugdefees; die vreugde van ’n vry mens.
Dankie, Jesus, dankie dat ek met vrede in my hart van die kruis af kan wegloop.
Skrif
Aangaande hierdie leesplan
Neem vanjaar die besluit om rustig te raak en nie in die dolle gejaag van die Kerstyd vasgevang te raak nie. Besluit om die Jesus van die krip weer te ontmoet en toe te laat dat Hy – die groot God – sy hand om joune sluit. Hoor die deernis in sy stem wanneer Hy sê: "Ek het vir jóú na hierdie wêreld gekom sodat jý nooit verlore sal gaan nie."
More
Ons wil graag Christian Art Publishers bedank vir die verskaffing van hierdie plan. Vir meer inligting, besoek asseblief: https://www.cumbooks.co.za/
