Ken die WoordVoorbeeld

Thomas het Jesus geken. Hy het net nie besef dat Jesus "die weg" is nie. Net so ken mense vandag gedeeltes van die Woord van God, maar besef nie dat die Woord van God hulle weg na oorwinning is nie. Dikwels roep mense uit dat God met hulle moet praat terwyl hul Bybel onoopgemaak op hul bedkassie lê. God het met ons deur sy Woord gepraat. Ons moet dit glo en die waarhede daarvan ontvang as ons weg na oorwinning.

Jesus het nie gesê: "Ek is 'n weg, 'n waarheid en 'n lewe" nie. Hy het beweer dat hy die enigste weg, waarheid en lewe is. Geen mens kan na die Vader kom behalwe deur Jesus nie. Dit beteken dat enigiemand wat daarop aanspraak maak dat hy Jesus eer terwyl hy ander maniere voorstaan om by God, die waarheid of die lewe naas Jesus, uit te kom, mislei of 'n bedrieër is.

Jesus se verklaring oor Homself, waarvan daar net een is, het geen ruimte gelaat vir ander bedoelings tot verlossing nie. Hy is wie Hy sê Hy is óf die grootste bedrieër van alle tye. Sy uitsprake oor Homself laat geen ander alternatiewe nie. Daarom is ander godsdienste wat Jesus en sy leringe as wonderlike voorbeelde erken, maar nie glo dat Hy die enigste weg tot verlossing is nie, vals.

Die Woord van God is 'n geestelike boek geskryf onder leiding van die Heilige Gees. Dit is nie in ons koppe geskryf nie maar in die binneste van ons harte. Dit is hoekom sommige mense die Bybel so moeilik vind om te verstaan. Hulle probeer dit begryp deur slegs hul verstand te gebruik. Die Woord van God moet eers ons harte inspireer voordat dit ons insig kan gee.

Baie dankie aan Andrew Wommack vir die verskaffing van hierdie leesplan. Vir meer inligting, besoek asseblief: https://www.awmi.net/.