Ervaar die Geopenbaarde Teenwoordigheid van God

Terwyl ons ons tweede week in hierdie leesplan afsluit, kom ons fokus daarop om die geopenbaarde teenwoordigheid van God te ervaar.

Wanneer ons die teenwoordigheid van God meer as enigiets wil hê, meer as 'n nuwe huis, bevordering, eer of 'n nuwe motor, sal Hy opdaag op al die plekke waar ons Hom soek.

Ons is geroep tot die belewing van die teenwoordigheid van God. Dit het vandag 'n verlore dissipline in die kerk geword. Baie weet nie eens hoe om die geopenbaarde teenwoordigheid van God te beoefen nie, want hulle het nie eens 'n idee wat dit is nie. In ons korporatiewe aanbiddingsinstellings het ons so in die gewoonte gekom om binne 'n sekere tyd in en uit te wees dat ons geen ruimte laat vir God om sy teenwoordigheid onder ons te openbaar nie. God kom nie op ons voorwaardes nie.

Kom ons gaan terug na Johannes 14:21. In hierdie vers sê Jesus dat die een wat Hom liefhet, deur die Vader liefgehê sal word en Hy (Jesus) sal Homself ook aan hulle wys!

In Eksodus 33:1-3 en 12-16 gee God vir Moses instruksies om die Israeliete te lei. Wanneer Moses nie vir die uitdaging kans sien nie en vir God vra, sê God dat Hy sy teenwoordigheid sal stuur om hulle te lei. Terwyl God se teenwoordigheid in die Ou Testament 'n wolkkolom in die dag en 'n vuurkolom in die nag was, openbaar Hy Homself nou anders. Deur Christus se offer en die Heilige Gees wat in ons woon, kan Hy Homself nou deur óns openbaar.

Ons het 'n desperate behoefte aan die geopenbaarde teenwoordigheid van God. As al wat ons het beloftes is, het ons die belangrikste ding gemis. Ons behoort nie tevrede te wees om 'n dag sonder die geopenbaarde teenwoordigheid van God te leef nie. Ons behoort nie tevrede te wees met 'n kerkdiens, 'n gebedsbyeenkoms of enige ander bediening sonder die geopenbaarde teenwoordigheid van God nie. Dit is sy teenwoordigheid wat die verskil sal maak. Jesus het gesê as ons Hom liefhet en sy gebooie onderhou, sal Hy Homself aan ons openbaar. Ons is hiervoor geskep.