Onverskrokke GebedeVoorbeeld

GEBEDE WAT ONS HERSKEP

Om vir ander te bid is 'n bron van genesing vir onsself. Om vir ander te bid, stel ons in staat om die woede en frustrasie te laat vaar wat ons teen mense koester. Die vuur van gegriefdheid en woede tree op soos 'n stadig-verterende vuur wat moontlik ons fisieke en geestelike welstand kan benadeel. Deur vir ander te bid, maak ons hiervan vry en blus die vernietigende krag van ons negatiewe emosies.

In wese, om vir ander te bid, herskep ons eers voordat dit ander herskep. Nuwe Era-ideologieë lê altyd klem op die krag van positiewe denke. Het ons egter al ooit die krag van “positiewe gebed” ondersoek? Wanneer ons om die goeie vir ander bid, herskep dit onsself. Die vinnigste manier om 'n verhouding van sleg na goed te verander, is om God in gebed te begin dank vir daardie mense van wie ons nie besonder baie hou nie.

Wat moet ons vir hulle bid? Ons is baie keer ingestel om materialistiese gebede vir ander te bid. Paulus het egter 'n heel ander benadering. Hy gee vir ons vier wenke. Dit is 'n herskeppende gebed wat die krag het om ons gesindhede en ander te verander. In Filippense 1:9-11 word ons vermaan om te:

- Bid dat "ons liefde al hoe meer sal toeneem in begrip en fyn aanvoeling" (vers 9).

- Bid "sodat julle die dinge sal kan onderskei waarop dit werklik aankom" (vers 10a).

- Bid dat "julle op die dag wanneer Christus kom, onberispelik en sonder blaam wees" (vers 10b).

- Bid dat ons "in die regte verhouding met God [sal] wees, tot sy lof en eer" (vers 11).

Vir wie moet ons bid?

Die Bybel wys ons om vir hierdie groepe mense te bid:

- Vriende en familie.

- Kwesbares en behoeftiges in die samelewing.

- Ons vyande en diegene wat ons te na kom.

- Die amptenare en leiers wat verkies is, of ons vir hulle gestem het of nie.

Wanneer ons vir mekaar in gebed intree, weerspieël ons die sorgsame aard van God en so verheerlik ons Hom. Om vir ander te bid, help ons om met God saam te werk om sy wil op aarde te laat geskied. Wil jy 'n vennoot van die Koning van die heelal wees? Sodra jy vir ander begin bid, kan jy deel van sy span word.

Nadenke:

1. Maak 'n lys van mense van wie jy nie besonder baie hou nie, en begin bid vir hulle.

2. Dink na oor jou gedrag wat jy vind deur ander veroorsaak word, en doen selfondersoek of daardie gedragseienskappe in jou gevind kan word.

3. Skryf jou prentjie van 'n wêreld neer wat soos "hemel op aarde" lyk en bid daarvoor.

Gesels 'n bietjie met God oor alles wat jy neergeskryf het.