Besluiteloos?Voorbeeld

Parallelle

God kan oor alle tye heen sien, soos golwe op die horison van die hemel. Hy sien jou − elke weergawe van jou. Hy sien die selfsugtige en onbaatsugtige, die wyse en die dwaas. Hy sien jou donkerste skaamte en trotste vreugde. Hy sien jou in die hede en die verlede net so duidelik soos Hy jou in die toekoms sien.

Trouens, Hy sien elke moontlike weergawe van jou toekoms − al die alternatiewe weergawes van wat jy met verskillende keuses en omstandighede kan word. Hy ken jou grootste potensiaal en die grootste bedreigings vir jou lot. God bestaan buite tyd en het die ongelooflike vermoë om al hierdie weergawes van jou op een slag te sien. Die goeie en die slegte − die verlede, hede en toekoms − in Sy oë is dit alles ineen verweef.

Ons is gewoond daaraan om onsself te sien soos ons vandag is. Ons neem aan dat God ons op dieselfde manier sien, maar God se gevoelens vir jou is soos die lig van sterre. Wanneer jy die skoonheid van 'n sterrenag waardeer, kan dit voel asof daardie oomblik net vir jou gereël is. Maar die lig van die verste sterre is al duisende jare lank besig om net jou oë te ontmoet terwyl jy na dit kyk.

Die naaste sterre moes hul ligstrale net vir 'n paar jaar skyn om jou op dieselfde tyd te bereik. Hulle is almal deel van 'n antieke simfonie wat God gechoreografeer het om jou op dié presiese oomblik te bereik. Dit lyk dalk lukraak, maar God het sy dirigeerstok getik om die konsert te laat begin, lank voor jou grootouers gebore was.

Stel jou voor jy leef vir nog 'n honderd jaar, en jy lê op jou rug en kyk na die hemelruim, hoe die konstellasies vroeg in die aand begin vorm aanneem. Daardie toekomstige hemelse konsert is alreeds geskryf, en dit spoed voort na die toekomstige oomblik saam met jou in die agterplaas van 'n huis wat jy nog nie eens op 'n wolklose nag besit op die spesifieke oomblik wanneer jy buitentoe loop nie.

God se gevoelens vir jou is net so gechoreografeer. Lank voordat jy jou eerste asem gegee het, en voordat jy ooit jou eerste gedeeltes uit die Bybel gelees het, en lank voordat jy iets gedoen het om goedkeuring of straf van God te verdien − was Hy al aan die skryf aan die simfonie van sy liefde vir jou − alles van jou.

Dit is hoekom, toe God se engel met 'n bang, onvermoënde Gideon in die wynpers gepraat het, hy gesê het: "Die Here is met jou, Magtige Soldaat." Hierdie was nie 'n motiveringspraatjie nie. Hy wou Gideon nie moed inpraat sodat hy met dapperheid sou optree nie. God het elke weergawe van Gideon gesien, insluitende die toekomstige vegter wat binnekort die goddelose afgode van sy pa sou vernietig en 'n dapper leier wat 'n onwaarskynlike weermag sou lei om die boosheid wat Israel geteister het, te verdryf.

As jy ooit van plan is om 'n dieper verhouding met God te hê as wat jy nou het, sal jy moet leer om sy onvoorwaardelike liefde te aanvaar. Moenie jou skuldige veronderstellings bring nie. Jesus het al jou sondes gesien voordat Hy hulle aan die kruis gedra het, en Hy het ten spyte daarvan gely, omdat sy liefde vir jou lankal gevestig is.

Gebed

Vader God, help my om die diepte en kompleksiteit van u liefde te verstaan. U weet meer van my as wat ek kan begryp, en nogtans het U my lief. Maak my oë oop, sodat ek die klein oomblikke herken wat U net vir my gechoreografeer het.