Wandel Deur Die GeesVoorbeeld

Jy is kosbaar

Dit maak nie saak wat die wêreld van jou sê nie, jy is kosbaar vir God. Wanneer jy twyfel oor wie jy is en waarom jy geskep is, kan jy vir seker weet dat God jou uniek gemaak het om ’n baie spesifieke taak te verrig wat slegs jy kan doen. Jy is geroep en kosbaar.

Jy moet onthou dat jy geskep is na die beeld van God, jy moet sy heerlikheid weerspieël en Hom eer. Op daardie dae wanneer jy “ongeliefd” voel, wanneer jy verwerp en alleen voel, moet jy onthou dat God jou verseker het dat jy Syne is, en dat jy gekies is. Ek sal vir jou die wysheid en insig gee om op die geloofspad te stap wat God vir jou voorberei het.

Ek sal deur die beloftes van God met jou praat sodat jou geloof nie sal wankel nie. Vertrou op My vir jou krag en vrede, en Ek sal jou vul met God se liefde vir jou.

WAARHEID UIT DIE WOORD

Jy is ’n heilige volk wat aan die HERE jou God behoort. Die HERE jou God het jou uit al die volke op aarde gekies om sy eiendomsvolk te wees. DEUTERONOMIUM 7:6