'n Lewe van IntegriteitVoorbeeld

"Ons Integriteit in Gevaar"

Om enigiets behalwe God se waarheid te kies, stel ons integriteit in gevaar. Dit maak nie saak hoe gering die situasie is waarvoor ons skik nie, dit sal integriteit in sy wese skaad. Hier lê die probleem – 'n skikking lei tot regverdiging en regverdiging lei tot verwarring. Wat swart en wit was verdof na grys en ons regverdig waarom God se waarheid nie nodig is om ons in elke situasie te lei nie.

Ons woorde is een van die maklikste maniere wat ons gebruik om te skik. Met ons woorde oordryf ons die waarheid, skinder ons, vertel ons wit leuens en maak ons beloftes wat ons nie kan nakom nie. Dan begin die regverdiging. 'n Wit leuen is nie regtig 'n leuen nie, is dit? Buitendien, dis beter as om iemand se gevoelens seer te maak. Wat is die probleem as niemand seerkry nie? Swart en wit word grys.

Ons kan ook ons dade in gevaar stel. Ons vat iets kleins sonder toestemming, teken nie ons tyd aan wanneer ons vir middagete gaan nie of aanvaar krediet vir iets wat ons nie gedoen het nie. Dan begin ons dit regverdig. Ons het nie die vorige keer die krediet gekry wat ons toegekom het nie; dus is dit in orde. Hulle sal nie agterkom as een item weg is nie; hulle kan dit bekostig. Swart en wit word grys.

Met elke verskoning, skikking en regverdiging word God se waarheid verdraai, en die rol wat dit in ons lewens speel word aangepas. God kyk na ons harte; nie hoe groot die skikking is wat ons aangaan nie. Daar is geen plek vir grys areas in sy waarheid wat swart en wit is nie.

'n Skikking kan op 'n gegewe oomblik na die makliker uitweg lyk, maar God se waarheid is lewegewend. Wanneer ons woorde en dade met dit wat ons glo ooreenstem, of met dit wat ons sê ons glo, wy ons minder tyd en energie daaraan om onsself te bevraagteken en bekommerd te wees of ander sal uitvind. 'n Skikking en regverdiging vertroebel die waarheid van God se begeerte vir ons lewens. Kies die waarheid, selfs wanneer dit ongemaklik en moeilik is.