Laai die Bybeltoep afLewenslustig: 'n Lewe van VreugdeVoorbeeld
Die lewe is moeilik, is dit nie? Teleurstellings tref ons fel en meedoënloos terwyl moedeloosheid ons daagliks afknou. Ek verstaan dalk nie waardeur jy vandag gaan nie, maar ek ken wel die Een wat jou pyn ken. Ek is intiem bekend met die Een wat jou aakligste uitroepe hoor. In my lewe, kan ek jou verseker, is dit deur die diepste pyn wat God die vrugbaarste vrugte geoes het.
Petrus het dadelik die aandag van die vervolgde vreemdelinge weggedraai van die swaarkry wat hulle in die gesig gestaar het en aan hulle alles uitgewys wat ons s'n is in Christus Jesus. Ek het tydens my uitdagende reis hierdie kant van die hemel die noodsaaklikheid gevind om die rigting van my gedagtelewe te bepaal. Ek kan óf net aan myself dink, óf ek kan aan Hom dink. Ek kan óf oor my teleurstelling nadink, óf ek kan by sy hoop vertoef. Ek kan óf mediteer oor my pyn, óf ek kan sy beloftes koester. Ek moet kies wat die gedagtes van my dae en die woorde van my gebede sal vul. Ek moet kies.
Petrus verklaar dat wanneer jy jou in 'n beproewing verheug, jou geloof versterk en gereinig word. Jou geloof in die Here Jesus Christus sal 'n briljante getuienis van krag en vreugde word. Het jy geweet dat jou geloof die waardevolste kommoditeit van jou hele lewe is? Wanneer jy juig, selfs terwyl jy in die vuur van die lewe is, neem jou geloof toe in waarde.
Jou geloof, as jou mees kosbare geestelike kommoditeit, moet deur die vuur gaan om die betekenis daarvan in jou lewe te verwesenlik. Lyding of beproewings was nooit bedoel om krag uit ons lewens te onttrek nie, maar is ontwerp om die krag van ons geloof te verhoog. Beproewinge duur nie vir ewig nie en aardse goud is verganklik maar ons geloof is ewig en ons lied is oneindig.
Die vreugde wat ons s'n as gelowiges in Christus is, is eenvoudig onuitspreeklik. Daar is geen mensewoorde wat in staat is om die vreugde wat ons s'n is, as gevolg van Hom, te kommunikeer nie. Daar is geen byvoeglike naamwoorde of bywoorde wat die vermoë het om die onbegryplike blydskap wat behoort aan diegene wat aan Jesus behoort te beskryf nie. Ons vreugde is dalk onuitspreeklik, maar ons sal die res van ons lewens probeer om dit uit te druk.
Praktiese Aanwending:
Skryf aan Carol by carol@carolmcleodministries.com en vertel haar hoe sy vir jou kan bid om ook 'n lewenslustige en oorvloedige lewe te leef.
Skrif
Aangaande hierdie leesplan
Daar is mense in die wêreld wat lewenslustig leef. Hulle vreugde is aansteeklik, hulle vrede diep gewortel, en hulle ontferming is innemend. Jy is gekies om lewenslustig te leef in jou oomblik in die geskiedenis. Nie net het jy die werk gekry om lewenslustig te lewe nie, maar jy is ook ten volle toegerus om 'n lewenslustige en uitgebreide lewe te lei.
More
