’n Nuwe BeginVoorbeeld

Soek altyd die goeie 

Kan verandering goeie dinge tot gevolg hê? Natuurlik kan dit. Dit is ongelukkig die waarheid dat die beste dinge baie keer slegs kom wanneer jy jou ingesteldheid verander. Jy moet vir die goeie dinge soek selfs terwyl jy die verandering aanvaar. 

Ons weet nie hoe Adam en Eva gevoel het toe hulle uit die Tuin van Eden verban is nie. Miskien was daar dae wanneer hulle skuldgevoel omdat hulle aan God ongehoorsaam was, hulle heeltemal oorweldig het. Het daar enigiets goeds uit hierdie verandering gekom? Ja … hulle was nog steeds deel van God se groot verhaal; trouens, die begin van die menslike deel van God se verhaal. Hulle kon werk, kos vind en oorleef. Hulle het ’n gesin gehad (wat sy eie goeie en slegte dinge ingehou het). Hulle het heel waarskynlik steeds ’n verhouding met God gehad, veral as hulle hulle sonde bely en vergifnis gevra het – Hy was immers lief vir hulle. 

Wat doen jy wanneer jou keuses pynlike gevolge het? Begin deur te erken wat jy gedoen het en wat jou deel in die situasie was, bely jou sonde voor God en enigiemand wat deur jou keuses geraak is en vra hulle om vergifnis (en bedoel dit). Wees gewillig om iets uit die gebeure te leer en soek die positiewe dinge wat nou in jou nuwe situasie is. Jou positiewe gesindheid, nederigheid en gewilligheid om te leer, is dalk net die sleutel om weer geluk te vind.