Nuwe Jaar, Dieselfde GodVoorbeeld

Glo in jouself

Dit is vir ons maklik om die goeie in alles en almal raak te sien. Ons wy ons lewens daaraan om ander mense se talente en voorkoms te bewonder en te prys, en dit is wonderlik. Wanneer dit egter by onsself kom, lyk dit nie so eenvoudig nie. Of jy dit wil hê of nie, jy gaan jou hele lewe met jouself deurbring, dus moet jy nie jou waarde onderskat nie!

God het elkeen van  ons met verskillende talente en vermoëns geskape, ons as sy beeld en gelykenis gemaak, en ons word hoog geag. Hy sien al jou potensiaal, en in sy Woord herinner Hy jou soveel keer hoe belangrik en waardevol jy is, want Hy het geweet dat jy dit een of ander tyd kan vergeet.

Om in jouself te glo en te waardeer hoe Hy jou geskep het, is noodsaaklik. Hoeveel dinge het jy nagelaat omdat jy dink jy het nie wat dit verg om suksesvol te wees nie? Soms mis ons groot geleenthede deur nie te vertrou dat ons daartoe opgewasse is nie. Ek hoop dat ons almal 'n jaar van seëninge en geen twyfel kan begin. Hierdie is die jaar van vertroue — nie vrees nie. Dit is die jaar om uitdagings te aanvaar, want "alles wat jy wil hê, is aan die ander kant van vrees" (Jack Canfield).

Hier is vier kort wenke wat jou kan help om jou selfvertroue te verbeter:

1. Glo dat jy kan.  Dit begin alles in jou denke, daarom is dit belangrik om positiewe denke te hê. Die eerste stap om iets te bereik, is om te glo dat jy dit kan doen.

2. Praat met mense wat vir jou lief is. Mense wat jou waardeer, sien gewoonlik dinge in jou wat jy self nie sien nie en wat jou kan herinner aan hoe waardevol jy is. Bestee tyd saam met mense wat jou laat voel jy is nodig en wat jou geliefd laat voel (soos God).

3. Vind iets waarin jy belangstel of waarmee jy goed is.  Dit is baie makliker, en ek wil dit waag om te sê dat dit selfs aangenaam is om te werk vir iets waarvan jy regtig hou. Maak seker jy soek dinge waaroor jy passievol is, sodat jou wil en moeite groter beloning sal inhou.

4. Glo wat God van jou sê.  Jy is so belangrik dat as Jesus weer sy lewe vir jou moes aflê, Hy dit sou doen. Daar is baie pragtige verse in die Bybel wat spesiaal aan jou opgedra is. God sê dat jy geliefd is, dat jy sterk is, dat jy waardevol is en dat jy bevoeg is. As die Koning van die heelal in jou glo, hoekom nie jy nie?

Vandag kan jy kies om op te hou om aan jouself te twyfel. Dit kan 'n jaar wees wanneer jy in die spieël kyk, jy iemand mooi en heel in Christus sien. Moenie toelaat dat onsekerheid en vrees beheer oor jou lewe neem nie. God is reeds in beheer daarvan.

Aktiwiteit: Identifiseer drie dinge van jouself wat jy moeilik vind om te waardeer. Verander dit wat jy kan; en hou van dit wat jy nie kan verander nie.

Leslie Ramírez