Volg God se HartVoorbeeld

Keuses, Keuses, Keuses

Uiteindelik het 'n dag aangebreek wat Dawid koning kon word! Koning Saul was saam met sy troepe op soek na Dawid om hom dood te maak toe hy in 'n grot gaan rus het — dieselfde grot waarin Dawid en sy manne weggekruip het. Dawid het nader gesluip, sy wapen uitgehaal en … 'n stukkie materiaal uit Saul se klere gesny. Dawid het nie net nié vir Saul doodgemaak nie, maar ook sy manne om verskoning gevra omdat hy selfs sy hande op God se gesalfde se klere gelê het. Hy het 'n geleentheid gehad om sy lotsbestemming in eie hande te neem, maar in plaas daarvan het hy dit in God s'n gelaat.

Uiteindelik was dit Dawid se keuse om nie vir Saul dood te maak nie, wat Saul se weerstand teen Dawid se koningskap uit die weg geruim het. Met Dawid se integriteit wat so geseëvier het, kon Saul hom nie meer doof hou vir die koninklike lotsbestemming van Dawid se lewe nie. As Dawid nie so na aan God se hart was nie, kon hy hierdie oomblik maklik geïnterpreteer het as 'n geleentheid wat God vir hom voorsien het om vir Saul dood te maak en self koning te word. In plaas daarvan het hy geweet dit was 'n geleentheid om sy eie vleeslike begeertes te verwerp en God as Heerser te kroon. Watter deurslaggewende geleenthede om jou karakter te bou, staar ​jy in die gesig? Soek jy daarna om jouself te kroon of om jou God te kroon?

Wenk vir die Leier: Leiers bou hul karakters wanneer hulle voor 'n keuse tussen reg of verkeerd staan, en hulle kies reg.