Laai die Bybeltoep afGeloof in plaas van Vrees tydens die Pandemie Voorbeeld
Gaan Deur sy Poorte van Vreugde in
Kom ons wees eerlik. Hierdie hele Corona-virus-ding het baie mense ontsenu. Die wêreld is in ‘n toestand van paniek. Hoe hanteer jy dit regtig?
Wanneer al die berigte wat jy oor die nuus hoor, jou vertel hoe sleg dinge gaan ... aandeelmarkte stort ineen, aftree-spaargeld verdamp en ondernemings moet hulle deure sluit ... dan is dit maklik om saam met die stroom te gaan. Dit is maklik om paniekerig te raak.
Ja, ons weet dat God in beheer is, ons ken die teorie. Ons weet dat ons meer geloof moet hê, maar nou ja ... jy weet ...
Koning Dawid moes baie gevare in sy lewe trotseer. Maar toe hy vir sy lewe gevrees het, het hy die volgende gesê:
Ek het die Here aangeroep, en Hy het my geantwoord, Hy het my gered uit alle doodsgevare.
Ek glo met my hele hart dat dit is wat God vandag vir jou sê. Roep na die Here. Hy sal jou antwoord. Hy sal jou verlos van al jou vrees.
- Neem 'n oomblik om terug te staan en na te dink oor hoe jy die Corona Virus-pandemie hanteer.
- Hoe goed hanteer jy jou situasie regtig — op 'n skaal van 0 tot 10 (0 = absolute paniek ... 10 = volkome vrede en vertroue)?
- Watter spesifieke dinge bekommer jou werklik?
- Lees die hele Psalm 34 ... skryf die 3 belangrikste beloftes wat God uit sy Woord, in jou hart sê, neer.
- Neem 'n bietjie tyd om deur jou spesifieke bekommernisse te bid.
Skrif
Aangaande hierdie leesplan
In ‘n tyd waarin selfs gelowiges in vrees leef, is dit tyd om onbevrees vir ons geloof op te staan en die lig van Jesus se liefde in die harte van mense te laat skyn. Sluit gerus by Berni Dymet van Christianityworks aan, as hy die Bybel oopmaak en die Heilige Gees die geleentheid bied om rustigheid en vrede in jou hart te bring.
More
Ons bedank Christianityworks vir hierdie plan. Besoek gerus vir meer inligting: https://christianityworks.com/
