Vriendskap Met GodVoorbeeld

Dag 4 — Teleurstelling saam met God

Teleurstelling is só 'n groot storie. Sommige teleurstellings is so groot dat hulle ons kan verwoes as ons dit toelaat. Ander teleurstellings is klein en dit voel asof ons wil doodgaan as gevolg van derduisende snye deur skerp lemmetjies.  

Teleurstelling is een van daardie dinge wat, as ons dit nie verwerk nie, uiteindelik soos kanker vreet en ons tot ontevredenheid lei. Dit sal uiteindelik veroorsaak dat ons aan God se goedheid twyfel. As ons nie glo dat God goed is nie, wat is dan die nut daarvan om sy manier eerder as die wêreld se manier te kies?  

Deur met teleurstelling te worstel, sal ons sien dat sy goedheid en liefde soms anders lyk as ons s'n. Dit kom weereens daarop neer dat Hy op 'n ander vlak bestaan wat ons eenvoudig net nie kan begryp nie. Dink vir 'n oomblik na oor Jesus se reaksie toe hy uitvind dat sy vriend, Lasarus, siek was. Johannes vertel ons in Johannes 11:6 dat toe Jesus hoor dat Lasarus siek was, "... het Hy egter nog twee dae op die plek gebly waar hy was" voordat Hy vertrek het, omdat Hy so lief was vir Lasarus en sy susters. WAT?! 

Wanneer jy die res van die verhaal lees, sal jy sien dat Jesus baie meer aan hulle openbaar het met Lasarus wat sterf en weer opgewek word, as wat Hy kon deur hom net eenvoudig gesond te maak. Soms moet daar dinge in ons doodgaan en dit is nie 'n aangename keuse nie. Hy het egter belowe Hy sal voltooi wat Hy in ons begin het!  

Dink vandag na waaroor jy in God teleurgesteld voel. Waar het jy gevoel dat Hy nie daar was vir jou nie? Waar is jou hart seer van pyn? Nooi Hom by daardie plekke in en begin om daardeur te werk.