Laai die Bybeltoep afLeef Vry van Wellus – 'n 7-Dag ReisVoorbeeld
Wellus is 'n keuse
Is wellus 'n keuse of 'n verskoning om 'n "stout seun" te wees, en nie verantwoordelikheid te aanvaar nie? Ek glo alle gedrag is 'n keuse. Een van die primêre onderskeidings om as die beeld van God geskape te wees, is dat ons almal 'n wil het. Ons word toegelaat om ons wil na eie goeddunke te gebruik, maar elke gebruik van ons wil is 'n keuse. Ons is 100 persent verantwoordelik en aanspreeklik teenoor God vir ons keuses op hierdie aarde.
Wellus is 'n "keuse". Jy het 'n magdom keuses wanneer jy 'n vrou sien. Wellus is een daarvan, maar na my mening die ergste een. Ek en jy is 100 persent verantwoordelik vir elke keuse wat ons maak om te begeer: om weer 'n keer te kyk, om om te kyk, haar ondersoekend aan te kyk, haar as 'n voorwerp te beskou, haar te beoordeel, of op enige ander manier 'n wellustige opsomming van 'n vrou maak, of sy nou werklik is of 'n foto.
In Spreuke 6:25 staan daar: “Moenie dat haar skoonheid jou begeerte wek nie, moenie dat sy jou vang met haar oë nie.” Ons het die mag om 'n keuse te maak – en as Jesus vir ons gesê het om ons van wellus te weerhou, behoort dit die besluit te wees wat ons sonder huiwering neem. Wellus is 'n keuse wat ons moet neem om nie aan deel te hê nie.
Die duiwel kan slegs 'n manier bied om na iets te kyk (jou verlei om anders te dink as wat God dink). Jy kan besluit om soos God te dink (liefde en heiligheid) of jy kan 'n mens anders sien en begeer.
Jy kan nie van iets genees word as jy geen keuse het nie. Persoonlik het ek 'n wellusvrye leefstyl ervaar, en dit is 'n keuse wat ek elke dag maak.
Dit is 'n keuse wat jy kan maak. As jy nie dink dit is 'n keuse nie, kan jy nie in vryheid wandel nie. Onthou, daar is alreeds 'n paar vroue wat jy kies om nie te begeer nie. Jou dogter, niggie, ma, tannie, suster en enige ander vrou wat jy werklik respekteer. Jy was dus reeds suksesvol om nie te begeer nie. Jy is in staat tot 'n toekomstige lewe wat meer wellusvry is!
Stap na Vryheid
1. Hoe voel jy regtig daaroor dat wellus 'n keuse is?
2. Hoe voel jy oor jou keuse om wellustig te wees of nie?
3. Wanneer 'n geleentheid om te begeer voorkom en jy dit oorwin het, hoe voel jy daaroor?
4. Kan jy vandag kies om jou van wellus te begin weerhou?
Aangaande hierdie leesplan
As Christene is dit ons eersgeboortereg om vry van wellus te leef. Die sekulêre wêreld waarin ons leef, roep ons om ons daagliks aan wellus te vergryp. God roep ons egter om 'n lewe van seksuele integriteit te lei – vry van wellus en seksuele sonde. Hierdie oordenking is 'n uitnodiging aan jou om 'n wellusvrye leefstyl te begin. Jy sal toegerus word met Bybelse beginsels wat jou kan help om te veg en vry van die versoekings van wellus te wees.
More
