Liefde Is 'n PersoonVoorbeeld

“[Liefde] is nie jaloers nie ...” 1 Korintiërs 13:4 NLV.

Jaloesie openbaar homself wanneer ons weier om ander se geluk, talente en vermoëns te vier. Afguns en jaloesie is deel van die vyand se oorspronklike leuen, 'n bedding waarin hy saad van vergelyking saai en ons vra om te glo dat God sy goedheid van ons weerhou en dat Hy dit eerder aan iemand anders gee. Hierdie soort denke is 'n vesting van slawerny en leuens.

Afguns is 'n subtiele, bose gees wat hom in opstand ophef, in teenstelling met goedheid wat oor ander neerdaal. Afguns is in direkte teenkanting met liefde. 

Afguns en jaloesie spruit voort uit 'n denkwyse van gebrek wat glo dat die goedheid van God beperk is – dat daar net 'n beperkte hoeveelheid goedheid beskikbaar is. Dit is om te glo wat iemand anders het of ontvang, van wat ons moet kry afgetrek sal word.

Afguns is om in 'n valse wiskunde probleem te glo: Jy + jou geluk = minder vir my. 

Dikwels, wanneer ons deur afguns en jaloesie aangespoor word, is ons natuurlike reaksie om die sukses van ander af te takel om beter oor onsself te voel – 'n desperate poging om die valse vergelyking in ons gedagtes uit te kanselleer. 

Hierdie vers gaan daaroor: 

“Liefde spog nie met 'n mens se prestasies nie en blaas ook nie sy eie belangrikheid op nie."

'n Opgeblase mening van ons vermoëns sal ander van ons wegdryf. Spreuke noem so iemand 'n spotter en beterweterig. Dit is baie maklik vir ons om in hierdie kategorie te val, want ons glo dat ons menings ons definieer en bepaal wie ons is. Ons is vir dit, maar teen dat en so beland ons in 'n godsdienstige standaard van eiegeregtigheid. Kan ons werklik ons liefde van ander weerhou as gevolg van ons menings? 

Om ander se prestasies te eer en te erken, ongeag wie dit is of hoe hulle leef, verarm jou nie. Om die waarheid te sê, in die koninkryk van God sal die verheffing van 'n ander se belangrikheid deur hulle te eer, meer eer na jou lok en is 'n uitdrukking van volwassenheid in jou hart. Die vermoë om 'n ander te erken en te eer, is 'n sterk bewys dat jy jou beperkende oortuigings oor God oorkom.

Liefde kies om alle goeie dinge te vier! Liefde is bly saam met die wat bly is. Om ander lief te hê deur hulle te eer, word 'n groot ruimte van vryheid geskep, deur te glo daar is meer as genoeg goedheid vir ons almal. 

Wanneer ek deur jaloesie en afguns aangehits word, is dit vir my 'n teken om dit na Jesus toe te neem. Hy was nog altyd getrou om te openbaar wat in my hart aangaan.

“... God het Hom in ons plek laat doodgaan. As Hy bereid was om so ver vir ons te gaan, sal Hy mos enigiets vir ons doen” Romeine 8:32 DB.

Oorweeg om vandag se Skriflesing uit Die Boodskap (DB) te volg.

Om verder te leer oor afguns, lees hierdie YouVersion leesplan. Breek Vry Van Afguns.