Jesus is Lewe — 'n Studie oor die Boek JohannesVoorbeeld

Jesus is Lewe. 

Oor die volgende 25 dae gaan ons saam die evangelie van Johannes bestudeer. 'n Kantaantekening vir kleingroepe: Indien julle beplan om weekliks bymekaar te kom om die leesplan te behandel, lees dan vyf dae van die leesplan deur die week vir 'n totaal van vyf weke. 

Die goeie nuus volgens Johannes, is 'n kragtige en unieke evangelie. Johannes was deeglik bewus dat in sy kultuur twyfel en verwarring oor Jesus se identiteit was. Dus het hy sy verslag van Jesus se lewe strategies geskryf, met die doel dat almal wat dit lees kan glo dat Jesus is wie Hy sê Hy is — die Messias, God se enigste Seun en ons Verlosser.

Trouens, Johannes se evangelie openbaar hierdie hoofdoel, deur die woord "glo" 91 keer te gebruik. 

Interessant genoeg is nog 'n prominente tema in sy 21 hoofstukke die woord "lewe", wat 36 keer in sy boek gebruik word — baie meer as in die ander drie evangelies. Hoekom dink jy het Johannes voortdurend klem gelê op die woord “lewe”?

• Lewe in Grieks is “zoe.” Zoe verteenwoordig beide ons fisieke en geestelike lewe. 
• Oorvloed is “perissos” in Grieks. Dit kan vertaal word as “meer as, bo verwagting, groter, oortref alle verwagting.” 

Johannes het geweet wat baie van ons geseënd is om te weet: Jesus is die lewe! 

Trouens, hy skryf in Johannes 10:10 dat Jesus gekom het sodat "ons die lewe kan hê en dit in oorvloed". Ons fisiese bestaan is betekenisloos (en dood) as ons nie die bron van alle lewe in ons het en ken nie. 

Wanneer ons glo dat Jesus is wie Hy sê Hy is, gee Hy Homself vir ons! Hy gee ons ware lewe — oorvloedige lewe, groter as hierdie fisieke, tydelike lewe, en uitermate oorvloedig met die volheid van sy teenwoordigheid! 

Nadenke: 

Wat beteken dit vir jou om deur Jesus oorvloedige lewe te hê? 

Jesus Is … 

As jy in hierdie leesplan 'n bietjie dieper wil delf, moedig ons jou aan om met 'n joernaal te begin om die vrae in elke oordenking te beantwoord. Begin met 'n “Jesus Is …” joernaal en skryf jou persoonlike antwoorde en gebede daarin. Lees deur vandag se Skrifgedeeltes en teken al jou “Jesus is …” bevindinge aan. 

Terwyl jy vandag elke Skrifgedeelte bestudeer, wil ek jou aanmoedig om elke vers stadig en herhaaldelik deur te lees om na besonderhede te soek. Soek hoofgedagtes, herhalende woorde en algehele betekenisse. Die belangrikste doelwit is dat ons in ons geloof sal groei, in ons vertroue en liefde vir Christus Jesus, ons Verlosser. 

Gebed: 

Vader van alle lewe, U is die lewe self, en ek loof U! Ek ontvang u lewe! My vreugde is die hele dag lank in U. Ek verwerp en gee alles in my oor wat nie van U is nie of van die oorvloed wat in U gevind word.  

Laai die Jesus Is Lewe besprekingsgids vir die gebruik in kleingroepe af. 

Wil jy jou kleingroep vooraf ontmoet om deur die inhoud te gaan? Laai die bykomende Jesus Is Life besprekingsgids vir die bekendstellingsweek af.