Woorde Maak SaakVoorbeeld

Lees: Spreuke 12:18, Spreuke 18:21

SOAP: Spreuke 18:21

Ons tonge het groot krag. Dit het krag om lewe te gee en om dood te maak. Dis ons persoonlike besluit om te neem, en 'n groot verantwoordelikheid, omdat almal van ons ander beïnvloed. Dalk het ons nie 'n sosiale media-platform waarop ons ons boodskap versprei nie, maar ons het wel 'n groepie mense rondom ons wat deur ons woorde beïnvloed word.

Ons kan ons woorde gebruik om te vertroos, aan te moedig, te onderrig en instruksies oor te dra. Ons kan dit gebruik om lewe te spreek teenoor diegene wat seer het, om die Evangelie te deel met diegene wat geen hoop het nie.

Maar ons kan dit ook op 'n harde manier gebruik. Ons kan dit gebruik om te lieg en te skinder. Ons kan in woede uitbars en ander seermaak met die dinge wat ons sê. Ons het die mag om beide goed en kwaad met ons woorde te spreek.

Ons kan die woorde kies wat ons sê en hoe ons ander daarmee gaan beïnvloed, maar onthou dat ons maai wat ons saai. Ons sal die vrugte van ons woorde eet. Ek daag jou vandag uit om bewus te word van die krag van jou woorde en om die besluit te neem om lewe daardeur te spreek.

Liewe Vader, help my asseblief om lewe te spreek deur my woorde. Help my om 'n goddelike invloed te hê op die lewens van diegene rondom my. In Jesus se naam, amen.