Die heel moeilikste woord

Daar is ’n woord met baie krag en gesag. Dit het die vermoë om die meeste mense in hulle spore te stuit en om ’n klompie mense aanstoot te gee. Maar dit dwing ook respek af wanneer dit reg gebruik word. Dit het my 25 jaar geneem om te leer om hierdie woord te sê, en ek sukkel steeds soms daarmee. Dit bestaan uit net drie letters: N-e-e.

Van ’n jong ouderdom af ly ek aan wat in Engels "the disease to please" genoem word. Dit is vir my bitter moeilik om nee te sê, want ek is bang dit sal mense kwaad maak of teleurstel. Daarom het ek vir my ’n paar “brandmure” opgerig om my te help om nee te sê:

Oefen in die spieël om hardop nee te sê.

Omring jouself met mense wat namens jou nee kan sê. 

Probeer situasies voorsien waarin dit vir jou moeilik sal wees om nee te sê en doen alles in jou vermoë om dit te vermy.

Sê jy op die oomblik ja vir dinge waarvoor jy weet jy eintlik nee moes gesê het? 

ONTHOU: Die heel moeilikste woord in die wêreld is kort en eenvoudig om te sê. Laat jou “ja” altyd “ja” en jou “nee” “nee” wees, soos daar in vandag se teksvers staan.