Ses Stappe Tot Suksesvolle LeierskapVoorbeeld

'n Risiko Wat Jy Moet Neem

Of jy 'n tiener op kollege, in 'n gevestigde loopbaan of afgetree is, nou is die regte tyd om 'n risiko te neem. Neem risiko's terwyl jy groei én wanneer jou kragte afneem. Niemand het nog ooit enigiets bereik deur die veilige pad te kies nie. 

Ek sê nie jy moet met die verkeerde dinge risiko's neem nie. Moenie risiko's met gesonde verhoudings neem nie, moenie jou gesondheid in gevaar stel nie en moenie peuter met dit wat goed werk nie. Wat is jou teorie? Wat oorweeg jy? Watter diepgewortelde motivering het jy? Neem 'n risiko in die geloof. 

Ek hou van wat President Jimmy Carter gesê het: "Neem die risiko, want dis waar jy resultate gaan kry." 

Dalk het jy gehoor van die ryk, maar waarskynlik oneerlike sakeman in die Bybel wat 'n kans gevat het net om Jesus te kon sien. As hooftollenaar was hy bekend as 'n finansiële bedrieër, en het hy sy rykdom op daardie reputasie gebou. Eendag het hy sy aansien en sy lewe gewaag deur fisiek in 'n boom te klim sodat hy vir Jesus kon sien. Jesus het ook vir Saggeus gesien, Homself na sy huis genooi, en Saggeus se lewe het byna onmiddellik in iets sóveel ryker verander. 

As jy wil wees wie jy altyd was, doen dan wat jy altyd gedoen het. As jy wil verander wie jy altyd was, verander dan wat jy doen. Met ander woorde, om die vrug van jou lewe te verander, sal jy risiko's moet neem.

Wil jy begin om 'n boek te skryf, iemand uitnooi op 'n afspraak, 'n produk bekendstel, 'n bediening begin, 'n kerk begin bywoon, 'n potgooi maak of enigiets anders? Afhangende van wat God jou lei om te doen, watter risiko sal jy moet neem?

Aktiwiteit: Vertel vir iemand wat jy vertrou van die risiko wat jy wil neem. Neem dan die eerste tree.