Laai die Bybeltoep afWaarheid OorwinVoorbeeld
Lees: Jeremia 17:9-10; 1 Korintiërs 3:18. Esegiël 36:26
SOAP: Jeremia 17:9-10 
Het jy al ooit in 'n karnaval-prethuis in geloop? Binne hierdie aantrekkingskrag is ‘n muur van spieëls waar jy vir jouself kan bewys dat misleiding in baie vorms kom. Deur die blote buiging van lig, verander die manier waarop jy lyk drasties.
Die Skrif waarsku ons dat die hart bedrieglik is bo alle dinge. Ons emosies kan nie vertrou word nie. Tog, hoe dikwels reageer ons volgens hoe ons op daardie oomblik voel? Dink aan selfs die geringste besluite wat jy hierdie week geneem het op grond van jou emosies. Die moontlikheid is dat, as jy 'n tweede kans sou kry, jy heel moontlik van jou besluite sou heroorweeg.
Ons Hemelse Vader verstaan dat ons soms tekortkominge het. Omdat Hy ons liefhet, verlos Hy ons eiesinnige harte. Deur Jesus het ons vergifnis wanneer ons onsself mislei en dan word ons verhouding met God herstel. God gee ons 'n nuwe hart en laat ons toe om uit ons foute te leer, sodat ons in wysheid kan groei.
Hoe het jy op jou emosies in plaas van feite staat gemaak? Het jou emosies jou mislei?
Hemelse Vader, dankie dat U vir ons 'n nuwe hart gegee het deur Christus. Help my om te vertrou op u wysheid om my te lei eerder as my eie gevoelens. Dankie dat U lief bly vir my selfs wanneer ek struikel. U is 'n goeie en genadige God.
In Jesus se naam,
Amen.
Aangaande hierdie leesplan
Glo jy leuens, in plaas van God se Waarheid? Voel jy dat jy nie voldoende is nie? Weerhou jou mislukkings in die verlede jou daarvan om die lewe wat God vir jou vandag gegee het, te geniet? In hierdie studie gaan ons baie van die algemene leuens wat ons neig om te glo, ontbloot en met die hulp van die Skrif, elke leuen beveg met God se Waarheid.
More
Ons wil graag vir Love God Greatly Afrikaans bedank vir hierdie plan. Vir meer inligting, besoek gerus:
http://www.liefgodgrootliks.wordpress.com
