Waarheid OorwinVoorbeeld

Lees: Hebreërs 13:20-21; Filippense 4:13

SOAP: Hebreërs 13:20-21 

Soms ervaar ons 'n seer, gewoonte of hindernis waarin ons vasgevang word en skynbaar nie kan afskud nie. Ons begin om die leuen te glo dat ons nie kan verander nie. Ons sal altyd 'n slagoffer wees. Ons sal altyd sukkel met die verslawing. Tog weerspreek God se Woord hierdie leuens baie sterk.

Deur Christus is ons 'n nuwe mens. Hy is ons Groot Herder. As ons Herder help Hy ons om te beweeg in die rigting wat Hy wil hê ons moet gaan. In Hom het ons die krag om oor enige struikelblok te kom wat keer dat ons floreer in ons wandel met die Here.

Watter pyn, gewoonte of hindernis in jou lewe het jy vir jouself vertel kan jy nie verander nie? Neem tyd vandag om te besin oor hoe jy met Christus se hulp kan oorwin wat dit ookal is wat jy in die gesig staar.

Hemelse Vader, dankie vir die waarheid van u Woord. Dankie dat ek na U toe kan kom met my worstelinge. Help my om u Waarheid in gedagte te hou wanneer ek twyfel dat ek kan verander. Dankie vir die krag van Christus in my lewe.

In Jesus se naam,

Amen.