PSALMS 18:1-32
PSALMS 18:1-32 Bybel vir almal (ABA)
Vir die leier van die koor: Van Dawid, die dienaar van die Here. Hy het hierdie lied vir die Here gesing op die dag toe die Here hom gered het van sy vyande en van Saul. Vir die leier van die koor: Van Dawid, die dienaar van die Here. Hy het hierdie lied vir die Here gesing op die dag toe die Here hom gered het van sy vyande en van Saul. Dawid het gesing: Dawid het gesing: Here, ek is baie lief vir U, U maak my sterk. Here, ek is baie lief vir U, U maak my sterk. Here, U is my Rots, my veilige plek in die berge, Here, U is my Rots, my veilige plek in die berge, U maak my vry. U maak my vry. My God, U is my rots, ek voel veilig by U, My God, U is my rots, ek voel veilig by U, U is vir my soos 'n skild, U is vir my soos 'n skild, U is sterk en U red my, U is vir my 'n veilige plek. U is sterk en U red my, U is vir my 'n veilige plek. Here, ek wil U prys, Here, ek wil U prys, want U het my gered van my vyande. want U het my gered van my vyande. Die dood wou my vasbind met toue, Die dood wou my vasbind met toue, waterstrome het oor my gespoel waterstrome het oor my gespoel en wou my doodmaak. en wou my doodmaak. Toue van die doderyk het my vasgebind, Toue van die doderyk het my vasgebind, vangstrikke van die dood het my vasgevang. vangstrikke van die dood het my vasgevang. Wanneer dit sleg gaan, dan skree ek: Here! Wanneer dit sleg gaan, dan skree ek: Here! Ek roep na my God, ek vra dat Hy my moet help. Ek roep na my God, ek vra dat Hy my moet help. Hy hoor my stem in sy paleis, Hy hoor my stem in sy paleis, Hy hoor wanneer ek na Hom roep Hy hoor wanneer ek na Hom roep en vra Hy moet my help. en vra Hy moet my help. Die aarde het geskud en gebewe, Die aarde het geskud en gebewe, die fondamente van die berge die fondamente van die berge het gebewe en geskud, het gebewe en geskud, want die Here was kwaad. want die Here was kwaad. Rook het uit sy neus gekom, Rook het uit sy neus gekom, vuur het uit sy mond gebrand, vuur het uit sy mond gebrand, kole vuur het uit Hom gekom. kole vuur het uit Hom gekom. Hy het die hemel oopgeskuif en Hy het afgekom, Hy het die hemel oopgeskuif en Hy het afgekom, daar was donker wolke onder sy voete. daar was donker wolke onder sy voete. Hy het op 'n gerub geklim en Hy het gevlieg, Hy het op 'n gerub geklim en Hy het gevlieg, Hy het verskyn op die vlerke van die wind. Hy het verskyn op die vlerke van die wind. Dit was donker rondom Hom, Dit was donker rondom Hom, donker water en dik wolke het Hom toegemaak. donker water en dik wolke het Hom toegemaak. Dit het geblink voor Hom, wolke het verbygegaan, Dit het geblink voor Hom, wolke het verbygegaan, en daar was hael en kole vuur. en daar was hael en kole vuur. Die Here het die donderweer laat raas in die lug, Die Here het die donderweer laat raas in die lug, die Hoogste God het hard gepraat, die Hoogste God het hard gepraat, en daar was hael en kole vuur. en daar was hael en kole vuur. Die baie weerligstrale was sy pyle, Die baie weerligstrale was sy pyle, Hy het sy vyande na al die kante toe gejaag Hy het sy vyande na al die kante toe gejaag en Hy het hulle laat vlug. en Hy het hulle laat vlug. Wanneer die Here met sy vyande raas, Wanneer die Here met sy vyande raas, wanneer die asem uit sy neus 'n stormwind word, wanneer die asem uit sy neus 'n stormwind word, dan word die see leeg, dan word die see leeg, en die fondamente van die wêreld lê oop. en die fondamente van die wêreld lê oop. Die Here steek sy hand uit die hemel Die Here steek sy hand uit die hemel en Hy gryp my, en Hy gryp my, Hy tel my op uit die baie water. Hy tel my op uit die baie water. Hy red my van my sterk vyande, Hy red my van my sterk vyande, van die mense wat my haat, van die mense wat my haat, want hulle is te sterk vir my. want hulle is te sterk vir my. Hulle val my aan wanneer ek swaarkry, Hulle val my aan wanneer ek swaarkry, maar die Here hou my regop. maar die Here hou my regop. Hy bring my na 'n plek waar ek vry is, Hy bring my na 'n plek waar ek vry is, Hy red my, want Hy is lief vir my. Hy red my, want Hy is lief vir my. Ek is onskuldig, Ek is onskuldig, en die Here gee vir my wat ek moet kry, en die Here gee vir my wat ek moet kry, ek het niks verkeerd gedoen nie, ek het niks verkeerd gedoen nie, en die Here beloon my. en die Here beloon my. Ja, ek het gedoen wat die Here wil hê. Ja, ek het gedoen wat die Here wil hê. Wanneer my God my oordeel, Wanneer my God my oordeel, dan is ek nie skuldig nie. dan is ek nie skuldig nie. Ek het onthou wat Hy gesê het ek moet doen Ek het onthou wat Hy gesê het ek moet doen en ek het gedoen wat Hy beveel het. en ek het gedoen wat Hy beveel het. Ek het alles gedoen wat Hy gesê het, Ek het alles gedoen wat Hy gesê het, ek het aangehou om reg te doen. ek het aangehou om reg te doen. Ek is onskuldig, Ek is onskuldig, my God het gesien ek doen niks verkeerd nie, my God het gesien ek doen niks verkeerd nie, en Hy het my beloon. en Hy het my beloon. U doen wat U belowe het U doen wat U belowe het vir die mense wat doen wat húlle belowe, vir die mense wat doen wat húlle belowe, U is altyd goed vir die mense wat net goed doen. U is altyd goed vir die mense wat net goed doen. Wanneer mense rein is en by U mag wees, Wanneer mense rein is en by U mag wees, dan is U by hulle. dan is U by hulle. Wanneer mense vals is, Wanneer mense vals is, dan is U te slim vir hulle. dan is U te slim vir hulle. Ja, dit is U wat mense red Ja, dit is U wat mense red wat hulleself nie kan beskerm nie, wat hulleself nie kan beskerm nie, dit is U wat mense verneder dit is U wat mense verneder wat dink hulle is belangrik. wat dink hulle is belangrik. Ja, Here, dit is U wat vir my lig gee, Ja, Here, dit is U wat vir my lig gee, dit is U, my God, wat lig maak dit is U, my God, wat lig maak wanneer dit donker is om my. wanneer dit donker is om my. Ja, wanneer U by my is, Ja, wanneer U by my is, dan kan ek 'n klomp mense aanval, dan kan ek 'n klomp mense aanval, wanneer my God by my is, wanneer my God by my is, dan kan ek oor 'n hoë muur spring. dan kan ek oor 'n hoë muur spring. Wat God doen, is alles reg, Wat God doen, is alles reg, wat die Here sê, is altyd waar. wat die Here sê, is altyd waar. Hy is soos 'n skild vir almal wat na Hom toe vlug. Hy is soos 'n skild vir almal wat na Hom toe vlug. Die Here is die enigste God, Die Here is die enigste God, net ons God is 'n rots. net ons God is 'n rots.
PSALMS 18:1-32 Afrikaans 1933/1953 (AFR53)
VIR die musiekleier. 'n Psalm van Dawid, die kneg van die HERE, wat die woorde van hierdie lied tot die HERE gespreek het op die dag toe die HERE hom gered het uit die hand van al sy vyande en uit die hand van Saul. En hy het gesê: Ek het U hartlik lief, HERE, my sterkte. Die HERE is my rots en my bergvesting en my redder; my God, my rots by wie ek skuil; my skild en die horing van my heil, my rotsvesting. Ek roep die HERE aan wat lofwaardig is, en van my vyande word ek verlos. Bande van die dood het my omring, en strome van onheil het my oorval. Bande van die doderyk was rondom my; strikke van die dood het my teëgekom. Toe ek benoud was, het ek die HERE aangeroep, en ek het tot my God geroep om hulp; Hy het my stem uit sy paleis gehoor, en my hulpgeroep voor sy aangesig het in sy ore gekom. Toe het die aarde geskud en gebewe; die fondamente van die berge het gesidder en geskud, omdat Hy toornig was. Rook in sy neus het opgegaan, en 'n vuur uit sy mond het verteer; kole uit Hom het gebrand. En Hy het die hemel gebuig en neergedaal, en donkerheid was onder sy voete. En Hy het op 'n gérub gery en gevlieg; ja, Hy het gesweef op die vleuels van die wind. Duisternis het Hy sy skuilplek gemaak, sy hut rondom Hom: duisternis van waters, diktes van wolke. Deur die glans voor Hom het sy wolke verbygetrek, hael en gloeiende kole. En die HERE het in die hemel gedonder, en die Allerhoogste het sy stem laat hoor; hael en gloeiende kole. En Hy het sy pyle uitgestuur en hulle verstrooi; ja, sy bliksems in menigte, en Hy het hulle verwar. En die beddings van die waters het sigbaar geword, en die fondamente van die wêreld is blootgelê vanweë u dreiging, o HERE, vanweë die geblaas van die wind van u neus. Hy het uit die hoogte sy hand uitgestrek, Hy het my gegryp, Hy het my uit groot waters getrek. Hy het my verlos van my magtige vyand en van my haters, omdat hulle te sterk was vir my. Hulle het my oorval op die dag van my nood; maar die HERE was my steun. En Hy het my uitgelei in die ruimte; Hy het my gered, omdat Hy behae in my gehad het. Die HERE het met my gehandel na my geregtigheid; Hy het my vergelde na die reinheid van my hande. Want ek het die weë van die HERE gehou en nie goddeloos van my God afgewyk nie; want al sy verordeninge was voor my, en sy insettinge het ek nie van my verwyder nie. Maar ek was opreg by Hom, en ek was op my hoede vir my ongeregtigheid. So het die HERE my dan vergelde na my geregtigheid, na die reinheid van my hande, voor sy oë. By die liefderyke betoon U Uself liefderyk, by die opregte man opreg, by die reine rein; maar by die valse betoon U Uself verkeerd. Want U verlos die verdrukte volk; maar U verneder die oë wat hoog is. Want U laat my lamp skyn; die HERE my God laat my duisternis opklaar. Want met U loop ek 'n bende storm, en met my God spring ek oor 'n muur. Die weg van God is volmaak; die woord van die HERE is gelouter; Hy is 'n skild vir almal wat by Hom skuil. Want wie is God buiten die HERE, en wie is 'n rots behalwe onse God?
PSALMS 18:1-32 Afrikaans 1983 (AFR83)
Vir die koorleier. 'n Lied van Dawid, die dienaar van die Here. Hy het dié woorde tot die Here gerig op die dag toe die Here hom gered het uit die mag van al sy vyande en uit die mag van Saul. Hy het gesê: Ek het U baie lief, Here, my Sterkte. Die Here is my rots, my skuilplek en my redder, my God, my rots, by wie ek skuil, my skild en sterk verlosser, my veilige vesting. Onder bespotting roep ek na die Here, dan word ek van my vyande verlos. Bande van die dood het my omsluit, strome van onheil het my verskrik. Bande van die doderyk het my vasgetrek, strikke van die dood het my bedreig. In my nood roep ek na die Here, ja, ek roep om hulp na my God. In sy paleis hoor Hy my geroep. Ek roep na Hom om hulp, en Hy luister na my. Die aarde het geskud en gebewe, die fondamente van die berge het getril en geskud, want Hy was vertoorn. Rook het uit sy neus getrek, vuur uit sy mond het alles verteer, gloeiende kole uit sy binneste. Hy het die hemel afgebuig en afgekom, onder sy voete was duisternis. Hy het op 'n gerub geklim en gevlieg; op die vleuels van die wind het Hy nadergesweef. Hy het Hom in donkerte gehul, donker waters en wolkemassas was sy bedekking. Uit die gloed voor Hom het wolke getrek, hael en weerligstrale. Die Here het dit uit die hemel laat dreun, die Allerhoogste het sy stem laat hoor in hael en weerligstrale. Hy het sy pyle afgeskiet en die vyand uitmekaar gejaag, hulle met 'n menigte weerligstrale op loop gejaag. Die seebodem het sigbaar geword, die fondamente van die aarde is blootgelê deurdat U, Here, op hulle gebulder het met die orkaan van u toorn. Van bo af het Hy sy hand uitgestrek en my gegryp, my uit geweldige waters uitgelig. Hy het my gered van my vyand wat sterk was, van my haters toe hulle vir my te magtig was. Die dag toe hulle my aangeval het, was my ondergang naby, maar die Here het my daarvan bewaar. Hy het my in vryheid laat uitgaan, my gered omdat Hy my liefhet. Die Here het aan my reg laat geskied, Hy het my onskuld aanvaar, want ek het die wil van die Here gehoorsaam en my nie teenoor my God skuldig gemaak nie; ek het my deur al sy bepalings laat lei en nie van sy voorskrifte afgewyk nie. Ek was opreg voor Hom, ek was op my hoede teen enige ongeregtigheid. Die Here het aan my reg laat geskied, want ek was onskuldig in sy oë. U betoon U getrou teenoor die getroue, opreg teenoor die opregte, rein teenoor die reine, maar U verwerp die huigelaar. U red die verdrukte volk, U verneder die trotses. U, Here, laat my lamp helder skyn; my God gee lig as dit donker is om my. Met u hulp loop ek 'n oormag storm, met my God by my is geen stadsmuur vir my te hoog nie. Wat God doen, is volmaak; wat die Here sê, is suiwer. Elkeen wat by Hom skuiling soek, beskerm Hy. Waarlik, wie anders as die Here is God? Ja, wie anders as ons God is 'n rots?
PSALMS 18:1-32 Die Bybel 2020-vertaling (AFR20)
Vir die •musiekleier. Van die dienskneg van die HERE. Van Dawid. Hy het die woorde van hierdie lied vir die HERE voorgedra in die tyd toe die HERE hom gered het uit die hand van al sy vyande en uit die hand van Saul. Hy het gesê: Ek het U lief, HERE, my sterkte! Die HERE is my rotsvesting, my bergskuiling, my bevryder. My God is my rots by wie ek skuil, my skild en die horing van my redding, my toevlugsoord. Die Een wat geloof moet word – roep ek uit – is die HERE! En van my vyande word ek verlos. Bande van die dood het my omsluit, strome van vernietiging het my verskrik, bande van die •doderyk het my verstrengel, vangstrikke van die dood het my ingewag. In my benoudheid het ek na die HERE bly roep; na my God het ek om hulp geroep. In sy paleis het Hy my stem gehoor; my hulpgeroep voor Hom het sy ore bereik. Toe het die aarde geskud en gebewe; die fondamente van die berge het gesidder. Dit het geskud want sy toorn het ontbrand: Rook het uit sy neus opgestyg, 'n verterende vuur uit sy mond; gloeiende kole het daaruit opgevlam. Hy het die hemel afgebuig en neergedaal; diepe duisternis was onder sy voete. Hy het op 'n gerub gery, Hy het gevlieg, gesweef op die vlerke van die wind. Hy het van die donker sy beskutting gemaak; rondom Hom was sy skuiling swaar wolke, donker van water. Uit die glans voor Hom het sy wolke verbygetrek met hael en gloeiende kole vuur. Die HERE laat die donder weerklink in die hemelruim; die Allerhoogste laat sy stem hoor met hael en gloeiende kole vuur. Hy stuur sy pyle en jaag hulle uiteen; Hy werp sy weerligstrale en bring hulle in verwarring. Die beddings van die strome het sigbaar geword; die fondamente van die aarde is ontbloot deur u dreiging, HERE, deur die windvlaag uit u neus. Uit die hoogte het Hy sy hand uitgestrek, my gegryp, my uit die watermassa opgetrek. Hy het my weggeruk van my magtige vyand, weg van my haters, want hulle was sterker as ek. Op die dag van my teenspoed het hulle my ingewag, maar die HERE was vir my 'n stut: Hy het my uitgelei na 'n oopte; Hy het my bevry omdat Hy my goedgesind is. Die HERE het aan my goed gedoen op grond van my geregtigheid; omdat my hande skoon is, het Hy my vergoed. Want ek het op die HERE se paaie gebly en my nie skuldig gemaak voor my God nie. Ja, ek hou al sy wette voor oë, en sy vaste voorskrifte – daarvan wyk ek nie af nie. Ek was onberispelik voor Hom, en het my weerhou van sondeskuld. Die HERE het my vergoed op grond van my geregtigheid, omdat my hande skoon is in sy oë. Teenoor getroue volgelinge tree U getrou op; teenoor iemand wat onberispelik is, tree U onberispelik op; teenoor dié wat hulle rein hou, bewys U Uself rein; maar teenoor dié wat vals is, tree U berekenend op! Ja, dit is U wat 'n magtelose volk verlos en trotse oë verneder; dit is U wat my lig laat skyn, HERE. My God verlig my donkerte. Ja, met U hardloop ek 'n bende tegemoet, met my God spring ek oor 'n muur. God, sy weg is volmaak; die woord van die HERE is gelouter. Hy is 'n skild vir almal wat by Hom skuil. Ja, wie is God behalwe die HERE? Wie is 'n rots buiten ons God?
PSALMS 18:1-32 Contemporary Afrikaans Bible 2023 (CAB23)
Ek sal U liefhê, HERE, my sterkte. Die HERE is my rots en my vesting en my redder; my God, my sterkte, op wie ek sal vertrou; my skild en die horing van my heil en my hoë toring. Ek sal die HERE aanroep wat lofwaardig is; so sal ek van my vyande verlos word. Die smarte van die dood het my omring, en die vloede van goddelose mense het my bang gemaak. Die smarte van die doderyk het my omring: strikke van die dood het my verhinder. In my benoudheid het ek die HERE aangeroep en my God aangeroep; Hy het my stem uit sy tempel gehoor, en my geroep het voor Hom uit gekom, tot in sy ore. Toe het die aarde gebewe en gebewe; En die fondamente van die heuwels het geswaai en geskud, omdat Hy toornig was. Daar het 'n rook uit sy neusgate opgegaan en vuur uit sy mond het verteer; kole het daardeur aangesteek. Hy het ook die hemel gebuig en neergedaal, en duisternis was onder sy voete. En hy het op 'n gérub gery en gevlieg; ja, hy het op die vlerke van die wind gevlieg. Hy het die duisternis sy skuilplek gemaak; sy paviljoen rondom hom was donker waters en digte wolke van die lug. By die glans wat voor hom was, het sy dik wolke verbygegaan, haelklippe en vuurkole. Die HERE het ook in die hemele gedonder, en die Allerhoogste het sy stem laat hoor; haelklippe en vuurkole. Ja, hy het sy pyle uitgestuur en hulle verstrooi; en hy het weerlig uitgeskiet en hulle in verwarring gebring. Toe is die waterstrome gesien, en die fondamente van die wêreld is ontdek deur U teregwysing, o HERE, deur die geblaas van die asem van U neus. Hy het van bo af gestuur, Hy het my geneem, Hy het my uit baie waters getrek. Hy het my gered van my magtige vyand en van die wat my haat, want hulle was te sterk vir my. Hulle het my verhinder op die dag van my onheil, maar die HERE was my steun. Hy het my ook uitgelei op 'n groot plek; Hy het my gered, omdat Hy behae in my gehad het. Die HERE het my vergeld na my geregtigheid; volgens die reinheid van my hande het Hy my vergeld. Want ek het die weë van die HERE bewaar en nie goddeloos van my God afgewyk nie. Want al sy verordeninge was voor my, en ek het sy insettinge nie van my af weggeneem nie. Ek was ook opreg voor hom, en ek het my van my ongeregtigheid bewaar. Daarom het die HERE my vergelde na my geregtigheid, na die reinheid van my hande voor sy oë. Met die barmhartige sal U Uself barmhartig wees; by 'n opregte man sal jy jou opreg toon; By die reines sal jy jouself rein vertoon; en saam met die verkeerde sal jy jouself vertolk. Want U sal die geteisterde volk red; maar sal hoë voorkoms afbring. Want U sal my lamp aansteek: die HERE my God sal my duisternis verlig. Want deur jou het ek 'n bende deurgeloop; en deur my God het ek oor 'n muur gespring. Wat God betref, sy weg is volmaak; die woord van die HERE is getoets; Hy is 'n skild vir almal wat op Hom vertrou. Want wie is God behalwe die HERE? of wie is 'n rots behalwe onse God? Dit is God wat my met krag omgord en my weg volmaak maak.
PSALMS 18:1-32 Nuwe Lewende Vertaling (NLV)
Hy het gesê: Ek het U baie lief, HERE; U is my sterkte. Die HERE is my rots, my vesting en my redder, my God, en my rots by wie ek skuil. Hy is my skild, my magtige redder, my veilige vesting. Ek het tot die HERE geroep, Hy wat lofwaardig is, want Hy red my van my vyande. Bande van die dood omring my; strome van onheil oorweldig my. Bande van die dood draai my vas; strikke van die dood wag my in. In my angs het ek tot die HERE geroep, tot my God geroep om hulp. In sy heiligdom het Hy geluister; my hulpgeroep het Hy gehoor. Toe het die aarde geskud en gebewe; die fondamente van die berge het gerammel, hulle het geruk vanweë sy toorn. Rook het uit sy neusgate geborrel, verterende vlamme uit sy mond, gloeiende kole uit sy binnekant. Hy het die hemele oopgebreek en afgekom; donkerte was onder sy voete. Hy het ’n gerub bestyg en gevlieg, Hy het gesweef op die vlerke van die wind. Hy het Homself met donkerte omhul, reënwolke en wolkemassas het Hom bedek. Uit die gloed voor Hom het wolke gekom, hael en weerligstrale. Die HERE se stem donder uit die hemel; die Allerhoogste laat sy stem hoor: hael en weerligstrale. Hy skiet sy pyle, verstrooi sy vyande; sy weerlig flits, hulle is verbysterd. Die bodem van die see word sigbaar, die fondamente van die aarde word ontbloot deur die gebulder van die HERE, en die rukwind van sy asem. Van bo af het Hy sy hand uitgestrek en my gegryp, uit diepwaters het Hy my getrek. Hy verlos my van magtige vyande, van haters wat te sterk was vir my. Hulle het aangeval toe ek in die moeilikheid was, maar die HERE hou my staande. Hy lei my na veiligheid, en red my omdat Hy my liefhet. Die HERE beloon my opregtheid; Hy vergoed my onskuld. Want ek was getrou aan die voorskrifte van die HERE; ek was nie skuldig teenoor my God nie. Want sy voorskrifte het ek onderhou; en van sy bepalings nie afgewyk nie. Ek is onskuldig voor Hom; ek het weggebly van sonde. Die HERE het my opregtheid beloon, want ek was onskuldig voor Hom. Vir die getroues is U getrou; vir die opregtes is U opreg. Vir dié wat rein is, is U rein, vir dié wat vals is, is U vals. U red hulle wat nederig is, maar die hoogmoediges verneder U. U laat my lamp skyn, HERE my God. U verlig my duisternis. Met U loop ek ’n leër storm; met my God spring ek oor ’n muur. God se pad is volmaak. Die HERE se woorde is betroubaar. Hy beskerm dié wat by Hom skuil. Want wie anders as die HERE is God? Wie anders as God is ’n rots?
