PSALMS 119:76-77

Deel

PSALMS 119:76-77 Bybel vir almal (ABA)

U moet doen wat U belowe het, dit sal dinge beter maak vir my. U het dit vir my gesê, vir my, u dienaar. U moet jammer wees vir my sodat ek kan lewe, want ek geniet wat U vir my leer.

PSALMS 119:76-77 Afrikaans 1933/1953 (AFR53)

Laat tog u goedertierenheid wees om my te troos volgens u belofte aan u kneg. Laat u barmhartighede oor my kom, dat ek kan lewe; want u wet is my verlustiging.

PSALMS 119:76-77 Afrikaans 1983 (AFR83)

Gee tog vir my uitkoms deur u troue liefde, soos U my beloof het. Ontferm U oor my, dat ek kan lewe, want ek verlustig my in u wet.

PSALMS 119:76-77 Die Bybel 2020-vertaling (AFR20)

Laat u troue liefde tog vir my tot troos wees volgens u woord aan u dienskneg. Laat u ontferming my deel word, sodat ek kan lewe; want u wet is my vreugde.

PSALMS 119:76-77 Contemporary Afrikaans Bible 2023 (CAB23)

Laat tog U goedertierenheid tot my vertroosting wees, volgens U woord aan U kneg. Laat u barmhartighede oor my kom, dat ek kan lewe, want U wet is my behae.

PSALMS 119:76-77 Die Boodskap (DB)

Vandag het ek u liefde bitter nodig! Help my, soos U belowe het. Kry my asseblief jammer, kom hou my styf vas, dan sal ek weer voluit lewe! Ek stap elke dag op die pad wat U in u wet vir my wys.

PSALMS 119:76-77 Nuwe Lewende Vertaling (NLV)

Laat u troue liefde my nou vertroos soos U aan u dienaar beloof het. Laat u medelye my oordek sodat ek kan lewe, want u gebooie is my vreugde.