SPREUKE 10:1-2

Deel

SPREUKE 10:1-2 Afrikaans 1983 (AFR83)

Spreuke van Salomo. 'n Wyse seun maak sy vader en moeder bly; 'n dwase seun maak hulle hartseer. Goed wat deur onreg bekom is, bring geen voordeel nie; om te lewe volgens die wil van God, red 'n mens van die dood.

SPREUKE 10:1-2 Bybel vir almal (ABA)

Spreuke van Salomo. 'n Pa en 'n ma is bly as hulle kinders wysheid het, maar hulle is hartseer as hulle kinders dwase is. As 'n mens verkeerd lewe, dan help dit niks dat hy baie goed gekry het nie. As hy reg lewe, dan sal dit hom red van die dood.

SPREUKE 10:1-2 Afrikaans 1933/1953 (AFR53)

DIE spreuke van Salomo. 'n Wyse seun verbly die vader, maar 'n dwase seun is 'n bekommernis vir sy moeder. Skatte deur goddeloosheid verwerf, bring geen voordeel nie, maar geregtigheid red van die dood.

SPREUKE 10:1-2 Die Bybel 2020-vertaling (AFR20)

Spreuke van Salomo. 'n Wyse seun verheug sy vader, maar 'n dwase seun doen sy moeder verdriet aan. Skatte deur onreg verkry, baat niks nie, maar geregtigheid red van die dood.

SPREUKE 10:1-2 Contemporary Afrikaans Bible 2023 (CAB23)

Die spreuke van Salomo. 'n Wyse seun verbly 'n vader, maar 'n dwase seun is die swaarkry van sy moeder. Skatte van goddeloosheid baat niks, maar geregtigheid red van die dood.

SPREUKE 10:1-2 Die Boodskap (DB)

’n Gelowige kind maak sy ouers gelukkig. ’n Kind wat nie weet hoe om reg te leef nie, maak hulle hartseer. Geld wat oneerlik verkry is, bring net verdriet. Eerlike optrede maak ’n mens gelukkig.

SPREUKE 10:1-2 Nuwe Lewende Vertaling (NLV)

Die spreuke van Salomo. ’n Kind wat verstandig is, maak sy pa bly. ’n Seun wat dwaas is, maak sy ma hartseer. Goed wat onwettig verkry is, bring geen blywende voordeel nie. Om reg te lewe, red ’n mens van die dood.