MATTEUS 14:20-21

Deel

MATTEUS 14:20-21 Bybel vir almal (ABA)

Almal het genoeg geëet, en hulle het twaalf mandjies vol stukkies kos opgetel wat oorgebly het. Daar was baie mense wat geëet het. Die mans was omtrent 5 000. Daar was ook nog vroue en kinders.

MATTEUS 14:20-21 Afrikaans 1933/1953 (AFR53)

En almal het geëet en versadig geword, en hulle het die oorskot van die brokstukke opgetel, twaalf mandjies vol. En dit was omtrent vyfduisend manne wat geëet het, buiten die vroue en kinders.

MATTEUS 14:20-21 Afrikaans 1983 (AFR83)

Al die mense het geëet en genoeg gekry, en hulle het nog twaalf mandjies vol bymekaargemaak van die stukke brood wat oorgebly het. Daar was omtrent vyf duisend mans wat geëet het, afgesien van die vrouens en kinders.

MATTEUS 14:20-21 Die Bybel 2020-vertaling (AFR20)

Almal het geëet en het versadig geword. Hulle het van die stukke wat oorgebly het, twaalf mandjies vol opgetel. Afgesien van die vroue en kindertjies, was daar ongeveer vyfduisend mans wat geëet het.

MATTEUS 14:20-21 Contemporary Afrikaans Bible 2023 (CAB23)

En hulle het almal geëet en versadig geword, en van die brokstukke wat oorgebly het, het hulle twaalf mandjies vol opgetel. En die wat geëet het, was omtrent vyf duisend man, buiten vroue en kinders.

MATTEUS 14:20-21 Die Boodskap (DB)

Na die ete het die dissipels twaalf mandjies vol oorskietkos opgetel. Net die mans alleen was sowat 5 000. Dit is behalwe al die vroue en kinders wat ook daar was.

MATTEUS 14:20-21 Nuwe Lewende Vertaling (NLV)

Hulle het almal geëet totdat hulle versadig was. Van die oorskiet van die brood het hulle nog twaalf mandjies vol opgetel! Omtrent 5 000 mans het van hierdie kos geëet – afgesien van al die vroue en kinders.