JOHANNES 14:25-26
JOHANNES 14:25-26 Bybel vir almal (ABA)
Ek het hierdie dinge vir julle gesê terwyl Ek nog by julle was. Later, wanneer Ek weggegaan het, sal die Vader vir julle 'n Helper stuur om by julle te wees omdat Ek nie meer by julle is nie. Die Helper is die Heilige Gees. Hy sal vir julle alles leer. Ja, Hy sal julle laat onthou wat Ek vir julle gesê het.
JOHANNES 14:25-26 Afrikaans 1933/1953 (AFR53)
Dit het Ek tot julle gespreek terwyl Ek by julle bly; maar die Trooster, die Heilige Gees, wat die Vader in my Naam sal stuur, Hy sal julle alles leer en sal julle herinner aan alles wat Ek vir julle gesê het.
JOHANNES 14:25-26 Afrikaans 1983 (AFR83)
“Dit sê Ek vir julle terwyl Ek nog by julle bly; en wanneer die Vader in my Naam die Voorspraak, die Heilige Gees, stuur, sal Hy julle alles leer en julle herinner aan alles wat Ek vir julle gesê het.
JOHANNES 14:25-26 Die Bybel 2020-vertaling (AFR20)
“Dit het Ek vir julle gesê terwyl Ek by julle gebly het. Die Parakleet, die Heilige Gees, wat die Vader in my Naam sal stuur, Hy sal julle in alles onderrig en julle aan alles herinner wat Ek vir julle gesê het.
JOHANNES 14:25-26 Contemporary Afrikaans Bible 2023 (CAB23)
Hierdie dinge het Ek tot julle gespreek terwyl ek nog by julle was. Maar die Trooster, wat die Heilige Gees is, wat die Vader in my Naam sal stuur, Hy sal julle alles leer en julle herinner aan alles wat Ek vir julle gesê het.
JOHANNES 14:25-26 Die Boodskap (DB)
Ek sê dit vir julle terwyl Ek nog hier by julle is. Later sal my Vader vir julle julle spesiale Helper, die Heilige Gees, stuur. Hy sal namens My kom en sorg dat julle alles goed sal onthou wat Ek vir julle gesê het.
JOHANNES 14:25-26 Nuwe Lewende Vertaling (NLV)
Ek sê dit nou al lank vir julle, terwyl Ek nog by julle is; en wanneer die Raadgewer, die Heilige Gees, kom wat die Vader in my Naam sal stuur, sal Hy julle in alle opsigte onderrig en julle ook herinner aan alles wat Ek vir julle gesê het.
