JEREMIA 3:21-22
JEREMIA 3:21-22 Bybel vir almal (ABA)
Hy het gesê: “Ek het gehoor hoe die mense van Israel gehuil het op die heuwels waar nie bome is nie. Hulle het gebid en gevra dat Ek moet luister, want hulle het verkeerd gedoen, hulle het hulle God die Here vergeet. Kinders wat My verraai het, julle moet terugkom. Ek sal julle gesond maak sodat julle My nie weer verraai nie.” Die mense van Israel sê: “Hier is ons, ons kom na U toe, want U is ons God die Here!
JEREMIA 3:21-22 Afrikaans 1933/1953 (AFR53)
'n Stem is gehoor op die kaal heuwels, smekende geween van die kinders van Israel, omdat hulle hul weg verdraai het, die HERE hulle God vergeet het. Keer terug, o afkerige kinders; Ek sal julle afkerighede genees. Hier is ons, ons kom na U toe, want U is die HERE onse God.
JEREMIA 3:21-22 Afrikaans 1983 (AFR83)
Hoor hoe smeek en huil die Israeliete op die heuweltoppe, want hulle het die verkeerde pad geloop, hulle het die Here hulle God vergeet. Kom terug, kinders wat afgedwaal het, Ek wil 'n einde maak aan julle afdwaling.
JEREMIA 3:21-22 Die Bybel 2020-vertaling (AFR20)
'n Stem klink op langs die woestynpaaie: die gehuil, die smeekbedes van die Israeliete, want hulle het die pad byster geraak, hulle het die HERE hulle God vergeet. “Keer terug, afvallige kinders! Ek sal julle afvalligheid genees.”
JEREMIA 3:21-22 Contemporary Afrikaans Bible 2023 (CAB23)
'n Stem is op die hoogtes gehoor, geween en smekinge van die kinders van Israel, want hulle het hul weg verdraai en die HERE hulle God vergeet. Keer terug, julle afkerige kinders, en Ek sal julle afkerighede genees. Kyk, ons kom na jou toe; want U is die HERE onse God.
JEREMIA 3:21-22 Die Boodskap (DB)
Op die heuweltoppe hoor ’n mens uitroepe. Dit is die gehuil en gesoebat van Israel se mense. Hulle huil, want hulle besef dat hulle op ’n verkeerde koers is. Hulle het van die Here vergeet. Die Here sê: “My kinders, julle het My in die steek gelaat. Maar kom terug na My toe en Ek sal julle van julle skandelike optrede gesond maak.” Hierop het hulle geantwoord: “Ja, Here, ons wil terugkom, want U is die Here, ons God!
JEREMIA 3:21-22 Nuwe Lewende Vertaling (NLV)
“Op die heuweltoppe hoor ’n mens uitroepe. Dit is die gehuil en gesoebat van Israel se mense. Hulle het afgedwaal en van die HERE hulle God vergeet.” Die HERE sê: “Ontroue kinders, kom terug na My toe. Ek sal julle van julle ontrouheid genees.” Hulle het geantwoord: “Ja, ons wil terugkom, want U is die HERE ons God!