JESAJA 64:6-9
JESAJA 64:6-9 Bybel vir almal (ABA)
Ons almal het soos onrein mense geword, alles wat ons reg probeer doen, is nog soos vuil klere. Ons almal is soos blare wat droog is en verlep het en ons sondes is soos 'n wind wat ons wegwaai. Niemand het U aanbid nie, niemand het probeer om vas te hou aan U nie. Daarom het U weggekyk van ons, U het ons laat wegsmelt omdat ons sonde gedoen het. Maar, Here, U is ons Vader. Ons is die klei, en U is die Pottebakker. U het ons almal gemaak. Here, U moenie aanhou om vir ons kwaad te wees nie, U moenie altyd aan ons sondes dink nie. Kyk asseblief na ons, onthou ons almal is u mense.
JESAJA 64:6-9 Afrikaans 1933/1953 (AFR53)
En ons het almal geword soos 'n onreine, en al ons geregtighede soos 'n besoedelde kleed; en ons het almal verdor soos blare, en ons ongeregtighede het ons weggevoer soos die wind. En daar was niemand wat u Naam aangeroep het, wat hom beywer het om U aan te kleef nie; want U het u aangesig vir ons verberg en laat ons wegsmelt deur ons ongeregtighede. Maar nou, HERE, U is ons Vader; ons is die klei, en U is ons Formeerder, en ons almal is die werk van u hand. HERE, wees nie uitermate toornig nie, en dink nie vir ewig aan die ongeregtigheid nie; aanskou dit tog dat ons almal u volk is.
JESAJA 64:6-9 Afrikaans 1983 (AFR83)
Ons het almal geword soos mense wat onrein is, ons beste dade is soos vuil klere; ons is almal soos verdroogde blare, ons word deur ons sondes weggewaai soos deur 'n wind. Daar is niemand wat tot U om hulp roep nie, niemand wat sy krag in U soek nie. U het ons aan onsself oorgelaat, U laat ons wegkwyn deur ons sondes. U is ons vader, Here, ons is klei en U het ons gevorm, ons is almal die werk van u hande. Moet tog nie aanhou kwaad wees vir ons nie, Here, moenie ons sonde vir altyd teen ons hou nie, onthou tog ons is almal u volk.
JESAJA 64:6-9 Die Bybel 2020-vertaling (AFR20)
Ons almal het geword soos iets wat onrein is, soos 'n besoedelde kledingstuk is al ons geregtighede. Ons almal het verwelk soos blare, en soos die wind het ons sondeskuld ons weggedra. Daar is niemand wat u Naam aanroep of homself wakker skud om aan U vas te hou nie; want U het u gesig vir ons verberg, ons oorgelewer aan die greep van ons sondeskuld. Maar nou, HERE, U is ons Vader. Ons is die klei en U is ons pottebakker – ons almal is die werk van u hande. Moenie mateloos toornig wees nie, HERE; moenie vir altyd ons sondeskuld onthou nie! Ja, sien tog in: Ons almal is u volk.
JESAJA 64:6-9 Contemporary Afrikaans Bible 2023 (CAB23)
Maar ons is almal soos 'n onrein ding, en al ons geregtigheid soos vuil lappe; en ons almal vervaag soos 'n blaar; en ons ongeregtighede het ons weggeneem soos die wind. En daar is niemand wat u Naam aanroep, wat hom opgewek om U aan te gryp nie, want U het u aangesig vir ons verberg en ons verteer weens ons ongeregtighede. Maar nou, HERE, U is ons vader; ons is die klei, en jy ons pottebakker; en ons is almal die werk van u hand. Moenie baie pynlik wees nie, HERE, en dink nie vir ewig aan die ongeregtigheid nie; kyk, kyk, ons bid U, ons is almal u volk.
JESAJA 64:6-9 Die Boodskap (DB)
Ons het almal geword soos ’n ding wat niemand meer wil hê nie. Alles wat ons gedink het reg is, is maar soos vuil klere. Ons almal is soos blare wat van die boom afval en saam met die wind weggewaai word. Nie een van ons het tot U gebid of U gevra om ons te help nie. U het daarom van ons padgegee en ons aan ons eie oortredings oorgelaat. U is tog ons Vader, Here. Ons is die klei waaraan U ’n vorm gegee het. U hande het ons almal gemaak. Moet tog nie so verskriklik kwaad bly vir ons nie, Here. Hou tog op om ons sonde vir altyd teen ons te hou. Hou tog in gedagte dat ons almal aan u volk behoort.
JESAJA 64:6-9 Nuwe Lewende Vertaling (NLV)
Voor U het ons almal geword soos iemand wat onrein is. Ons beste dade is soos vuil klere, soos verskrompelde blare. Deur ons sondes waai die wind ons weg. Niemand roep na U om hulp nie, niemand soek sy sterkte in U nie. U het u gesig vir ons verberg, U laat ons vergaan onder die las van ons sondes. Tog, HERE, is U ons Vader. Ons is soos klei en U is die Pottebakker. Deur u hand is ons almal gevorm. HERE, moet tog nie kwaad wees vir ons nie. Moenie ons sondes vir altyd teen ons hou nie. Ons bid tot U: Sien ons tog raak. Ons almal is tog u volk!