HOSEA 12:10-12
HOSEA 12:10-12 Bybel vir almal (ABA)
Die Here sê: “Ek, julle God die Here, het julle geken toe julle nog in Egipte was. Ek sal julle weer in tente laat woon soos daardie tyd toe julle in die woestyn was. Ek het met die profete gepraat, Ek het vir hulle gewys wat sal gebeur. Ek sal hulle nou stuur om so te praat dat die mense hulle nie kan verstaan nie. “Die mense van die land Gilead is sleg en hulle beteken niks. Hulle offer bulle in die stad Gilgal, maar Ek sal hulle altare afbreek, en die klippe van die altare sal op mekaar lê langs die koringlande.
HOSEA 12:10-12 Afrikaans 1933/1953 (AFR53)
Maar Ek is die HERE jou God van Egipteland af, Ek sal jou weer in tente laat woon soos in die dae van die huttefees. Ek het ook tot die profete gespreek, en Ek het gesigte vermenigvuldig en deur middel van die profete gelykenisse voorgedra. Was Gílead goddeloosheid — hulle het louter nietigheid geword. In Gilgal het hulle beeste geoffer; so sal dan hulle altare wees soos kliphope op die vore van die landerye.
HOSEA 12:10-12 Afrikaans 1983 (AFR83)
Maar Ek is die Here jou God van Egipte se tyd af. Ek gaan jou weer in tente laat woon soos in die woestyntyd. Ek het nog altyd met die profete gepraat, Ek het hulle baie visioene laat sien, Ek het deur die profete in gelykenisse gepraat. Gilead was ook ryk, maar hy het heeltemal tot niet gegaan. Daar is bulle geoffer in Gilgal, maar dit sal nie verhoed dat ook hulle altare soos kliphope langs die lande word nie.
HOSEA 12:10-12 Die Bybel 2020-vertaling (AFR20)
Maar Ek is die HERE jou God – al van Egipteland af. Ek sal jou weer in tente laat woon soos in die feestyd. Ek het met die profete gepraat; Ek het dit deur baie visioene gedoen, en deur profete tref Ek vergelykings. Is Gilead boos? Hulle het heeltemal tot niet gegaan. In Gilgal het Efraim selfs bulle geoffer; ook hulle altare sal kliphope word in die slote in die veld.
HOSEA 12:10-12 Contemporary Afrikaans Bible 2023 (CAB23)
Ek het ook gespreek deur die profete, en ek het gesigte vermenigvuldig en gelykenisse gebruik deur die bediening van die profete. Is daar ongeregtigheid in Gilead? waarlik, hulle is nietigheid; hulle offer bulle in Gilgal; ja, hulle altare is soos hope in die vore van die veld. En Jakob het na die land van Aram gevlug, en Israel het vir 'n vrou gedien, en vir 'n vrou het hy skape opgepas.
HOSEA 12:10-12 Die Boodskap (DB)
Die Here sê: “Ek is die Here. Ek is julle God. Ek het julle uit Egipte laat wegtrek. Ek sal julle weer in tente laat bly soos die tyd in die woestyn. Toe het Ek in my tent tussen julle gebly. Ek het met julle gepraat deur my boodskappers. Ek het hulle baiekeer dinge in drome laat sien om julle te waarsku. Ek het boodskappers met julle laat praat. Hulle het vir julle alles verduidelik met die woordbeelde en vergelykings wat hulle gebruik het. “In Gilead bid hulle tot afgode. Daardie beelde sal verdwyn. In Gilgal offer hulle bulle. Die offerplekke daar sal inmekaarval. Dit sal word soos klippe wat uit die landerye gehaal is om dit skoon te maak en op hope gegooi is.
HOSEA 12:10-12 Nuwe Lewende Vertaling (NLV)
“Maar Ek is die HERE jou God sedert jou slawerny in Egipte. Ek sal jou weer in tente laat woon soos destyds, soos tydens die woestyntyd. Ek het deur my profete gepraat, hulle baie visioene laat sien. Ek het deur die profete in gelykenisse gewaarsku.” Is Gilead vol boosheid? Hulle sal sekerlik tot niks kom nie. Offer hulle bulle in Gilgal? Hulle altare sal soos kliphope in rye langs die landerye wees.