ESEGIËL 21:1-27
ESEGIËL 21:1-27 Afrikaans 1933/1953 (AFR53)
EN die woord van die HERE het tot my gekom en gesê: Mensekind, rig jou aangesig teen Jerusalem en laat jou rede druppel teen die heiligdomme en profeteer teen die land van Israel; en sê aan die land van Israel: So spreek die HERE: Kyk, Ek het dit teen jou, en Ek sal my swaard uit sy skede trek en uit jou uitroei die regverdige en die goddelose. Omdat Ek uit jou uitroei die regverdige en die goddelose, daarom sal my swaard uit sy skede uitgaan teen alle vlees, van die suide tot die noorde. En alle vlees sal weet dat Ek, die HERE, my swaard uit sy skede getrek het; dit sal nie meer daarin terugkeer nie. Maar jy, o mensekind, sug; sug voor hulle oë met verbreking van lendene en bitterheid. En as hulle vir jou sê: Waarom sug jy? dan moet jy antwoord: Oor die tyding, want dit kom; en elke hart sal versmelt, en al die hande sal slap word en elke gees sal verstomp en al die knieë sal wegvloei soos water. Kyk, dit kom, en dit sal gebeur, spreek die Here HERE. En die woord van die HERE het tot my gekom en gesê: Mensekind, profeteer en sê: So spreek die HERE. Sê: 'n Swaard, 'n swaard is skerpgemaak en ook geskuur; om 'n slagting aan te rig, is dit skerpgemaak, om soos weerlig te wees, is dit geskuur. (Of moet ons bly wees deur te sê: Die septer van my seun verag elke hout?) En Hy het dit gegee om te skuur, dat hulle dit in die hand kan vat; dit is skerpgemaak, die swaard, en dit is geskuur om dit in die hand te gee van hom wat doodslaan. Skreeu en huil, mensekind; want dit gaan teen my volk, dit gaan teen al die vorste van Israel: aan die swaard is hulle oorgelewer saam met my volk; daarom, slaan op die heup. Want die proef is gemaak — en hoe dan as ook die septer wat verag, daar nie meer sal wees nie? spreek die Here HERE. En jy, mensekind, profeteer en slaan hand teen hand, sodat die swaard verdubbel word, tot drievoudig toe, 'n moordende swaard is dit, 'n moorddadige swaard, die grote, wat hulle omsweef. Ek het die slagbank van die swaard opgestel teen al hulle poorte, dat die hart kan smelt en die struikelblokke baie kan wees. Ag, dit is gemaak tot 'n weerligstraal, dit is glad gemaak om te slag. Bly aanmekaar, o swaard! Gaan regs, maak 'n aanval, gaan links, waarheen jou snykant ook al gerig is. So sal Ek dan ook my hand teen my hand slaan en my grimmigheid tot rus bring; Ek, die HERE, het dit gespreek. Verder het die woord van die HERE tot my gekom en gesê: En jy, mensekind, maak vir jou twee paaie waarlangs die swaard van die koning van Babel kan kom; uit een land moet altwee uitgaan; en sny 'n wegwyser uit; sny dit uit by die begin van die pad na 'n stad; jy moet 'n pad maak, dat die swaard kan kom na Rabba, van die kinders van Ammon, en na Juda, in die versterkte stad Jerusalem. Want die koning van Babel gaan staan waar die paaie uitmekaarloop, by die begin van die twee paaie, om van waarsêery gebruik te maak: hy skud die pyle, raadpleeg die huisgode, bekyk die lewer. In sy regterhand is die lot: Jerusalem, om stormramme op te stel, om die mond met geskreeu oop te maak, om die stem te verhef met krygsgeroep, om stormramme op te stel teen die poorte, om 'n wal op te werp, om forte te bou. Maar dit is vir hulle soos 'n bedrieglike waarsêery in hul oë (die plegtigste eedsweringe tog is hulle s'n!); maar hy bring die ongeregtigheid in herinnering, dat hulle gegryp kan word. Daarom, so sê die Here HERE: Omdat julle jul ongeregtigheid in herinnering bring deurdat julle oortredinge openbaar word, sodat julle sondes in al jul handelinge gesien word — omdat julle in herinnering gebring is, sal julle met die hand gegryp word. En jy, onheilige, goddelose, vors van Israel, wie se dag gekom het in die tyd van die uiteindelike afrekening — so sê die Here HERE: Die tulband moet weg, en die kroon moet af! Dit bly nie so nie: Na bo met wat nederig is! Na onder met wat hoog is! Puinhoop, puinhoop, puinhoop sal Ek dit maak. Ook dit sal nie bly nie — totdat Hy kom wat daarop reg het, en aan Hom sal Ek dit gee.
ESEGIËL 21:1-27 Die Boodskap (DB)
Die Here het toe weer met my gepraat. Hy het gesê: “Mens, kyk in die rigting van Jerusalem. En sê dan die volgende woorde oor Israel en al die plekke wat vir Israel se godsdiens opsy gesit is. Die Here sê: Ek is jou vyand, Israel. En Ek haal my wapens uit om jou mense mee dood te maak. Ek gaan die mense wat goeddoen en die mense wat sleg doen, almal doodmaak. Ja, Ek gaan nie eens die mense wat goeddoen, spaar nie. Ek gaan my wapens rig op almal in die land, van die een kant tot die ander kant van die land. Die hele wêreld sal weet en erken dat Ek die Here is. My wapens is in my hand. En Ek sal hulle nie bêre nie totdat Ek hulle klaar gebruik het. “Mens, sug swaar voor die mense. Maak asof jou hart gebreek is. Sug en kla van die môre tot die aand. As hulle dan vir jou vra hoekom jy dit doen, moet jy antwoord: Ek is ontsteld oor die verskriklike slegte nuus wat ek gehoor het. As hierdie nuus waar word, gaan julle almal net so sug. Dit sal lyk of julle harte ingee en gaan staan. Julle sal nie meer krag oorhê om eers op te staan nie. Julle knieë sal lam word en julle sal nie kan loop nie.” Die Here, die God van Esegiël, sê: “Dit kom gou! Dit gaan gebeur.” Toe sê die Here ook vir my: “Mens, praat met hierdie klomp mense en sê vir hulle: ’n Swaard word skerp gemaak vir julle! Die swaard word reggemaak om te kom vernietig. Hy sal so vinnig soos weerlig blits. Lag julle daaroor? Ander mense wat baie sterker as julle is, is deur hierdie swaard doodgemaak. Ja, die swaard word nou reeds skerp gemaak en blink gevryf. Dit word reggemaak vir die man wat die vonnis oor julle moet kom voltrek! “Mens, skree hard en huil. Huil kliphard! Want hierdie selfde swaard gaan my volk met al sy leiers kom doodmaak. Almal van hulle sal doodgemaak word. Ek sal my volk toets. Watter kans sal hulle hê as Ek hulle begin straf?” Dis die Here, Esegiël se God, wat dit vra. “Mens, sê vir hulle presies wat Ek vir jou sê. Maak ’n geraas sodat die volk vir jou kyk. En swaai dan die swaard twee, drie maal heen en weer. Wys só vir die volk hoe groot die verwoesting onder hulle gaan wees. Maak hulle bang. Laat hulle harte inmekaarkrimp van vrees, want die swaard wag by elke hek waar ’n mens sou kon uitvlug. Dit is blink gevryf om mense dood te maak. O, swaard, kap na die linkerkant. En na die regterkant. Kap waar jy wil en na wie jy wil. Ja, daardie dag sal Ek ook my hande klap, so bly sal Ek wees dat Ek my woede op julle kon afkoel oor al julle slegte dade. Ek, die Here, het met julle gepraat.” Die Here het met my gepraat. Hy het gesê: “Mens, teken ’n kaart van dié deel van die wêreld. Teken dan op jou kaart twee roetes waarlangs die koning van Babilonië kan reis om by jou land uit te kom. Hy gaan soontoe om jou volk te verwoes. Maak ’n padteken langs die pad net buite die stad Babel, waar die koning van Babilonië bly. Sit die padteken neer daar waar die pad in twee deel. Die een pad gaan Rabba toe, die hoofstad van die Ammoniete. En die ander pad gaan Juda toe, en Jerusalem toe, die hoofstad van jou volk. “Die koning van Babilonië staan nou juis by daardie vurk in die pad. Hy staan en wonder of hy Rabba of Jerusalem moet aanval. Nou gaan hy sy towenaars roep dat hulle vir hom kan kom sê wat hy moet doen. Hulle sal hulle dolosse gooi en diékant toe en daardie kant toe beduie. En dan beduie hulle vir die koning wat hulle dink hy moet doen: Gaan val Jerusalem aan! Die hele weermag maak nou hulle wapens gereed, want hulle gaan Jerusalem aanval. Die bevel is klaar gegee: Val die stad aan! Skree terwyl julle die mense van die stad doodmaak, soldate! Val die stadsmure aan totdat hulle inmekaarstort. Klim bo-oor! “Die mense van Jerusalem dink dis ’n fout. Die koning van Babilonië kan hulle mos nie aanval nie! Hulle het dan vrede met hom gemaak! Hy misgis hom seker! “Maar dan sal die koning van Babilonië die mense van Jerusalem herinner hoe hulle teen hom in opstand gekom het. Hulle het nie hulle woord teenoor hom gehou nie. Hy sal Jerusalem aanval en al die inwoners van die stad gevange neem.” Die Here, die God van Esegiël, sê vir julle: “Julle is skuldig. Julle kry nie eens skaam oor julle slegte dade nie. Wat julle ook al doen om dit weg te steek, almal kan julle slegte dade sien. Moenie eens probeer om dit weg te steek nie. Alles wat julle doen, is sleg. Nou het die tyd gekom dat julle daarvoor gestraf gaan word. “Ek praat nou met die een wat oor Israel regeer. Jy het nie opgehou om sleg te doen nie. Vandag het die dag gekom dat Ek met jou afreken oor jou slegte dade. Haal jou blink kroon af.” Die Here, Esegiël se God, sê: “Ek keer jou om. Niks in hierdie land sal meer dieselfde wees nie. Die mense wat vandag verdruk word, maak Ek môre se heersers. En vandag se ryk en magtige mense maak Ek môre se sukkelaars. Vernietiging! Ek vernietig alles! Ek vee julle land van die kaart af! En Ek herstel julle nie weer nie, tot daar ’n koning kom wat die reg sal hê om julle te straf. Ek sal die stad vir hom gee om te vernietig.”
ESEGIËL 21:1-27 Bybel vir almal (ABA)
Ek het gehoor die Here sê vir my: “Mens, jy moet na Jerusalem kyk en jy moet praat teen die gewyde plekke, jy moet my boodskap bring na die land Israel. Jy moet vir die land Israel sê: Die Here, Hy wat Here is, sê: Israel, Ek is nou jou vyand, Ek sal my swaard uit sy leersak haal en Ek sal almal in jou doodmaak, al die mense wat reg gedoen het en almal wat verkeerd gedoen het. Ek wil almal in jou doodmaak, die mense wat reg gedoen het en die mense wat verkeerd gedoen het, daarom sal my swaard uit sy leersak gaan na almal wat lewe, van die suide tot die noorde. Dan sal almal wat lewe, weet dat Ek my swaard uit sy leersak gehaal het, en die swaard sal nie teruggaan na sy leersak nie. En jy, mens, jy moet kla en huil en op die grond val, jy moet baie hartseer wees en hard kla, die mense moet dit sien en hoor. En wanneer hulle vir jou vra hoekom jy kla, dan moet jy sê: ‘Ek doen dit omdat ek iets gehoor het. Almal sal bang wees en almal se hande sal slap hang, almal sal moedeloos wees en hulle water sal afloop teen hulle knieë. Julle moet weet, dit kom, dit sal gebeur.’ ” Dit het die Here gesê, Hy wat Here is. Ek het gehoor die Here sê vir my: “Mens, jy moet my boodskap bring en vir die mense sê: Die Here sê ek moet sê dat Hy sy swaard skerpgemaak en blinkgevryf het. Hy het dit skerpgemaak om mense dood te maak, Hy het dit blinkgevryf sodat dit soos weerlig kan blink. Mag ons bly wees wanneer ons koning wys dat hy dink niemand is belangrik nie? Nee! Die Here het die swaard blink laat vryf en Hy gee dit vir iemand om dit vas te hou en gereed te wees. Die swaard is skerp en blink, en die Here gee dit vir die persoon wat die mense moet doodmaak. Mens, jy moet skree en huil. Hoekom? Want hy sal die swaard gebruik teen my volk, dit sal almal doodmaak wat regeer oor Israel. Ek gee hulle saam met my volk sodat die swaard hulle kan doodmaak. Dit is hoekom jy moet wys dat jy kwaad en ontsteld is. Dit is hoekom jy met jou hande teen jou heupe moet slaan wanneer Ek my volk toets soos 'n mens metaal in die vuur toets. Wat sal gebeur met die volk wanneer die koning nie meer belangrik is vir hulle nie?” Dit het die Here gesê, Hy wat Here is. “En jy, mens, jy moet my boodskap bring, jy moet jou hande teen mekaar slaan, jy moet met die swaard steek, twee maal, drie maal. Dit is 'n swaard wat mense laat sterf, dit is 'n swaard wat hulle van al die kante steek en wat baie mense laat sterf. Die swaard laat hulle baie bang word, dit laat baie mense val en sterf, dit maak hulle dood in al hulle poorte. Ja, Ek het die swaard gemaak om te blink, Ek het dit skerpgemaak om mense dood te maak. Swaard, jy moet die mense aanval, oral waar Ek jou stuur, na regs en na links. Dan sal Ek self ook my hande teen mekaar slaan en Ek sal nie meer kwaad wees nie.” Ek het gehoor die Here sê vir my: “En jy, mens, jy moet twee paaie gereedmaak. Die koning van Babel moet op twee paaie kom met sy swaard. Die twee paaie moet uit dieselfde land kom. Jy moet 'n padteken maak waar die pad na die stad begin. Jy moet dit doen om die pad te wys waar die koning met sy swaard kan kom, die pad na die stad Rabba van die Ammoniete of die pad na Juda, na die stad Jerusalem wat sterk mure het. Want die koning van Babel staan by die plek waar die twee paaie bymekaarkom en hy soek 'n teken wat vir hom sal wys waarnatoe hy moet gaan. Hy skud sy pyle, dit moet wys waarnatoe hy moet gaan, hy vra vir die beeldjies wat hy moet doen, hy slag 'n dier en hy kyk hoe die dier se lewer lê. En dan kry hy 'n teken, dit wys dat hy na Jerusalem moet gaan en dat hy stormramme moet gereedmaak. Hy moet vir sy soldate skree en sê hulle moet gereed wees om die mense dood te maak, hy moet skree en sê die oorlog moet begin. Hy moet stormramme by die poorte laat neersit, hy moet grond gooi teen die muur, hy moet 'n grondwal bou. Die mense in Jerusalem sal dink die teken is vals, want hulle het belowe om die koning van Babel te dien, maar hy sal vir hulle sê wat hulle verkeerd gedoen het en hoekom hy hulle wil vang.” Die Here, Hy wat Here is, het gesê: “Julle het self gewys dat julle skuldig is en opstandig was. Almal kon sien dat julle sonde doen met alles wat julle doen. Daarom sal die koning van Babel dit vir julle sê en hy sal julle vang. En jy, koning van Israel, jy is skuldig en jy sal sterf, jou laaste dag het gekom, die tyd het gekom om jou die laaste maal te straf.” Die Here, Hy wat Here is, sê vir die koning van Israel: “Jy moet jou tulband en jou kroon afhaal. Niks sal dieselfde bly soos dit nou is nie. Almal wat nie belangrik is nie, sal nou belangrik word, en almal wat belangrik is, sal nou onbelangrik word. Ek sal die stad laat afbreek, daar sal net hope klippe oorbly van die stad, net hope klippe, net hope klippe. Maar Ek sal wag totdat die man kom wat die stad moet straf. Ek sal die stad vir hom gee.
ESEGIËL 21:1-27 Afrikaans 1933/1953 (AFR53)
EN die woord van die HERE het tot my gekom en gesê: Mensekind, rig jou aangesig teen Jerusalem en laat jou rede druppel teen die heiligdomme en profeteer teen die land van Israel; en sê aan die land van Israel: So spreek die HERE: Kyk, Ek het dit teen jou, en Ek sal my swaard uit sy skede trek en uit jou uitroei die regverdige en die goddelose. Omdat Ek uit jou uitroei die regverdige en die goddelose, daarom sal my swaard uit sy skede uitgaan teen alle vlees, van die suide tot die noorde. En alle vlees sal weet dat Ek, die HERE, my swaard uit sy skede getrek het; dit sal nie meer daarin terugkeer nie. Maar jy, o mensekind, sug; sug voor hulle oë met verbreking van lendene en bitterheid. En as hulle vir jou sê: Waarom sug jy? dan moet jy antwoord: Oor die tyding, want dit kom; en elke hart sal versmelt, en al die hande sal slap word en elke gees sal verstomp en al die knieë sal wegvloei soos water. Kyk, dit kom, en dit sal gebeur, spreek die Here HERE. En die woord van die HERE het tot my gekom en gesê: Mensekind, profeteer en sê: So spreek die HERE. Sê: 'n Swaard, 'n swaard is skerpgemaak en ook geskuur; om 'n slagting aan te rig, is dit skerpgemaak, om soos weerlig te wees, is dit geskuur. (Of moet ons bly wees deur te sê: Die septer van my seun verag elke hout?) En Hy het dit gegee om te skuur, dat hulle dit in die hand kan vat; dit is skerpgemaak, die swaard, en dit is geskuur om dit in die hand te gee van hom wat doodslaan. Skreeu en huil, mensekind; want dit gaan teen my volk, dit gaan teen al die vorste van Israel: aan die swaard is hulle oorgelewer saam met my volk; daarom, slaan op die heup. Want die proef is gemaak — en hoe dan as ook die septer wat verag, daar nie meer sal wees nie? spreek die Here HERE. En jy, mensekind, profeteer en slaan hand teen hand, sodat die swaard verdubbel word, tot drievoudig toe, 'n moordende swaard is dit, 'n moorddadige swaard, die grote, wat hulle omsweef. Ek het die slagbank van die swaard opgestel teen al hulle poorte, dat die hart kan smelt en die struikelblokke baie kan wees. Ag, dit is gemaak tot 'n weerligstraal, dit is glad gemaak om te slag. Bly aanmekaar, o swaard! Gaan regs, maak 'n aanval, gaan links, waarheen jou snykant ook al gerig is. So sal Ek dan ook my hand teen my hand slaan en my grimmigheid tot rus bring; Ek, die HERE, het dit gespreek. Verder het die woord van die HERE tot my gekom en gesê: En jy, mensekind, maak vir jou twee paaie waarlangs die swaard van die koning van Babel kan kom; uit een land moet altwee uitgaan; en sny 'n wegwyser uit; sny dit uit by die begin van die pad na 'n stad; jy moet 'n pad maak, dat die swaard kan kom na Rabba, van die kinders van Ammon, en na Juda, in die versterkte stad Jerusalem. Want die koning van Babel gaan staan waar die paaie uitmekaarloop, by die begin van die twee paaie, om van waarsêery gebruik te maak: hy skud die pyle, raadpleeg die huisgode, bekyk die lewer. In sy regterhand is die lot: Jerusalem, om stormramme op te stel, om die mond met geskreeu oop te maak, om die stem te verhef met krygsgeroep, om stormramme op te stel teen die poorte, om 'n wal op te werp, om forte te bou. Maar dit is vir hulle soos 'n bedrieglike waarsêery in hul oë (die plegtigste eedsweringe tog is hulle s'n!); maar hy bring die ongeregtigheid in herinnering, dat hulle gegryp kan word. Daarom, so sê die Here HERE: Omdat julle jul ongeregtigheid in herinnering bring deurdat julle oortredinge openbaar word, sodat julle sondes in al jul handelinge gesien word — omdat julle in herinnering gebring is, sal julle met die hand gegryp word. En jy, onheilige, goddelose, vors van Israel, wie se dag gekom het in die tyd van die uiteindelike afrekening — so sê die Here HERE: Die tulband moet weg, en die kroon moet af! Dit bly nie so nie: Na bo met wat nederig is! Na onder met wat hoog is! Puinhoop, puinhoop, puinhoop sal Ek dit maak. Ook dit sal nie bly nie — totdat Hy kom wat daarop reg het, en aan Hom sal Ek dit gee.
ESEGIËL 21:1-27 Afrikaans 1983 (AFR83)
Toe kom die woord van die Here tot my: “Mens, draai jou gesig na Jerusalem toe, laat jou woorde na die heiligdomme toe vloei, tree op as profeet teen die land Israel. Sê vir die land Israel: So sê die Here: Ek is jou vyand, Ek gaan my swaard uit sy skede trek en dié wat reg doen sowel as dié wat verkeerd doen, uit jou uitroei. En omdat Ek dié wat reg doen sowel as dié wat verkeerd doen, uit jou wil uitroei, daarom word my swaard getrek teen al wat leef, van die suide af tot in die noorde. Al wat leef, sal weet dat Ek, die Here, my swaard getrek het, en dit sal nie teruggaan skede toe nie. “En jy, mens, moet kreun. Jy moet voor hulle oë 'n ineenstorting kry en bitterlik kreun. En as hulle vir jou vra hoekom jy kreun, moet jy sê: Oor die tyding wat kom; elke hart sal verstyf van angs, al die hande sal slap hang, almal sal moed verloor, water sal teen al die knieë afloop; dit kom, dit sal gebeur,” sê die Here my God. Die woord van die Here het tot my gekom: “Mens, tree as profeet op, sê: So sê die Here! Roep: “Swaard, swaard! Hy is skerpgemaak en blinkgevryf, hy is skerpgemaak vir die slagting, hy is blinkgevryf om soos weerlig te blits! Of moet ons bly wees oor die koninklike septer wat geen boom ontsien nie, my seun? 'n Mens laat die swaard blinkvryf en dit word in die hand vasgevat; dit is 'n skerpgemaakte swaard, dit is blinkgevryf om dit in die hand te sit van hom wat moet doodmaak. Skree, mens, huil! Die swaard is teen my volk gerig en teen al die leiers van Israel. Hulle is saam met my volk uitgelewer aan die swaard. Slaan van ontsteltenis jou hande teen jou heupe! “Die vuurproef is daar. En wat sal gebeur as die koninklike septer wat niks ontsien nie, nie meer daar is nie?” sê die Here my God. “Maar jy, mens, tree op as profeet, slaan jou hande inmekaar. Laat die swaard twee keer, drie keer swaai. Dit is 'n swaard wat mense doodmaak, 'n groot swaard wat doodmaak, hy deurboor mense. Hy laat moed wegsmelt, hy vermenigvuldig die gesneuweldes. Ek laat die swaard 'n slagting aanrig in al hulle stede. Hy is gemaak om te blits, hy is vasgevat vir die slagting. Wys hoe skerp jy is, kap regs en links, waar jou lem ook al heen gedraai word. Dan sal Ek ook my hande inmekaar slaan en my toorn tot bedaring bring. Ek, die Here, het dit gesê.” Die woord van die Here het tot my gekom: “Mens, jy moet vir die koning van Babel se swaard twee paaie maak om op aan te kom. Die twee paaie moet uit dieselfde land kom en jy moet 'n padwyser uitkap waar die pad na die stad toe begin. Jy moet dit uitkap en die rigting aandui waarlangs die swaard kan kom na Rabba, die Ammonietestad toe, en na Juda, na die vestingstad Jerusalem toe. Die koning van Babel staan by die kruispad waar die twee paaie begin, en hy soek na 'n teken, hy skud die pyle, hy raadpleeg sy afgodsbeeldjies, hy kyk na 'n dier se lewer. Die teken wat hy gesoek het, kom in sy regterhand: Jerusalem! Die koning van Babel gaan stormramme regmaak, die bevel gee om aan te val, oorlogskrete skreeu, die stormramme teen die poorte opstel, 'n beleëringswal opgooi, beleëringswerke bou. Die mense in Jerusalem sal dink dis 'n vals teken, want hulle het plegtige ede afgelê aan die koning van Babel. Maar hy sal hulle herinner aan hulle oortreding en hy sal hulle aanval. “Daarom,” so sê die Here my God, “het julle self gewys hoe skuldig julle is toe julle opstandigheid aan die lig gekom het en julle sondes duidelik geword het aan alles wat julle doen, julle is aan die kaak gestel en julle sal aangeval word. “En jy, regeerder van Israel wat deur jou goddeloosheid gaan sterwe, jy wie se dag gekom het, die tyd van afrekening,” so sê die Here my God: “Haal af jou tulband en jou kroon, niks bly soos dit is nie; wat onder is, moet op, en wat bo is, moet af. Puin, puin, puin maak Ek dit! Maar ook dit sal nie gebeur voordat hy kom wat die stad moet straf nie, en Ek sal die stad vir hom gee.”
ESEGIËL 21:1-27 Die Bybel 2020-vertaling (AFR20)
Die woord van die HERE het tot my gekom: “Mensekind, draai jou gesig na Jerusalem, preek driftig teen die heiligdomme en profeteer teen die land Israel. Sê vir die land Israel, ‘So sê die HERE: “Dit is Ek teen jou! Ek gaan my swaard uit sy skede trek en regverdiges en goddeloses uit jou uitroei. Omdat Ek regverdiges en goddeloses uit jou gaan uitroei, daarom sal my swaard uit sy skede kom teen al wat leef, van suid tot noord. En al wat leef, sal besef dat Ek, die HERE, my swaard uit sy skede getrek het. Dit sal nie weer teruggesit word nie.” ’ “En jy, mensekind, kla! As 'n gebroke man moet jy voor hulle oë bitterlik kla. Wanneer hulle vir jou vra, ‘Waarom kla jy?’ moet jy sê, ‘Oor 'n berig, want dit kom! Elke hart sal ineenkrimp, alle hande sal slap hang, elke gees verslae wees en alle knieë water word. Kyk, dit kom; dit sal gebeur! Dit is die uitspraak van my Heer, die HERE.’ ” Die woord van die HERE het tot my gekom: “Mensekind, profeteer en sê, ‘So sê my Heer. “Sê dan: 'n Swaard, 'n swaard wat skerpgemaak, ook blinkgevryf is! Om 'n slagting aan te rig, is dit skerpgemaak; om soos weerlig te wees, is dit blinkgevryf. “ ‘ “Of dink julle, ons sal ons verheug oor die septer van my seun? Die swaard minag elke stuk hout! Hy het dit oorgegee om dit blink te vryf; om dit in die handpalm vas te vat, is dit skerpgemaak, hierdie swaard. En dit is nou blink gevryf, om dit oor te gee in die hand van 'n moordenaar. “ ‘ “Roep om hulp en huil, mensekind! Want die swaard is teen my volk, dit is teen al die leiers van Israel gerig. Uitgelewer aan die swaard is hulle, saam met my volk. Daarom, slaan op die heup! Ja, dit is 'n toets: Wat gebeur as ook die septer wat deur die swaard geminag word, nie meer daar is nie?” Dit is die uitspraak van my Heer, die HERE.’ “En jy, mensekind, profeteer! Klap jou hande teen mekaar, sodat die swaard twee keer tref, 'n derde keer – die swaard vir onheiliges, die swaard vir die groot onheilige, wat diep in hulle indring, sodat harte sidder, en dié waaroor mens struikel, baie sal wees. Teen al hulle poorte het Ek die slagting deur die swaard gerig. Aha! Die swaard is gemaak as 'n weerlig, blink gevryf vir 'n slagting. Bewys jouself skerp, swaard! Kap regs, kap links, waarheen jou snykant ook al gerig is. Op my beurt klap Ek dan my hande teen mekaar, en bring Ek my woede tot bedaring. Ek, die HERE, het gepraat. ” Toe het die woord van die HERE tot my gekom: “Jy, mensekind, merk vir jou twee paaie af vir die swaard van die koning van Babilonië om langs te kom. Uit een land moet albei kom. 'n Wegwyser moet jy oopkap, by die begin van die pad wat na die stede lei, moet jy dit oopkap. Die paaie wat jy moet afmerk vir die swaard om langs te kom, is Rabba van die Ammoniete en Juda, die versterkte Jerusalem. Want die koning van Babilonië staan reeds by die vurk in die pad, by die begin van die twee paaie, om 'n voorteken te vra. Hy het die pyle geskud, hy het die huisgode geraadpleeg, hy het die lewer beskou. In sy regterhand is die voorteken, Jerusalem, om stormramme op te stel, om die bevel, ‘Maak dood!’ uit te roep, om 'n oorlogskreet aan te hef, om stormramme by die poorte op te stel, om 'n beleëringswal op te hoop, om beleëringswerke op te rig! Vir hulle sal dit lyk na 'n vals voorteken; hulle het tog plegtige ede afgelê! Maar hy sal skuld in herinnering roep, sodat hulle gevange geneem word. “Daarom, so sê my Heer, die HERE, ‘Omdat julle julle eie skuld opgehaal het deur julle oortredings openbaar te maak, deur julle sondes te vertoon met alles wat julle doen, omdat julle die aandag op julle gevestig het, sal julle met 'n vaste greep gevange geneem word. En wat jou betref, onheilige, goddelose leier van Israel, jy wie se dag aangebreek het in die tyd van finale straf,’ so sê my Heer, die HERE, ‘Weg met die tulband! Af met die kroon! Dit is nie soos dit was nie. Die nederige moet verhoog word en die hoë moet verneder word. Puin, puin, ja, puin maak Ek haar – ook dit het nog nooit gebeur nie – wanneer hy kom wat die vonnis moet voltrek; Ek sal die oordeel aan hom toevertrou.’
ESEGIËL 21:1-27 Contemporary Afrikaans Bible 2023 (CAB23)
En die woord van die HERE het tot my gekom en gesê: Mensekind, rig jou aangesig na Jerusalem en laat jou woord na die heiligdomme spreek, en profeteer teen die land van Israel, En sê vir die land van Israel: So spreek die HERE; Kyk, Ek het dit teen jou, en Ek sal my swaard uit sy skede trek en die regverdige en die goddelose uit jou uitroei. Aangesien Ek dan die regverdige en die goddelose van jou sal uitroei, daarom sal my swaard uit sy skede uitgaan teen alle vlees van die suide tot die noorde. Sodat alle vlees kan weet dat Ek, die HERE, my swaard uit sy skede getrek het; dit sal nie meer terugkom nie. Sug dan, jy mensekind, met die verbreking van jou lendene; en met bitterheid sug voor hulle oë. En dit sal wees as hulle vir jou sê: Waarom sug jy? dat jy moet antwoord: Ter wille van die boodskap; want dit kom, en elke hart sal smelt, en al die hande sal slap word, en elke gees sal beswyk, en al die knieë sal verswak soos water; kyk, dit kom en sal gebeur, spreek die HERE HERE. Weer het die woord van die HERE tot my gekom en gesê: Mensekind, profeteer en sê: So spreek die HERE; Sê: 'n Swaard, 'n swaard is geslyp en ook geskrap. Dit word geslyp om 'n swaar slagting te maak; dit is toegerus dat dit kan glinster: moet ons dan vrolik maak? dit verag die staf van my seun, soos elke boom. En hy het dit gegee om te bewerk, dat dit hanteer kan word: hierdie swaard is geslyp en dit is gereed om dit in die hand van die doodslag te gee. Huil en huil, mensekind, want dit sal oor my volk wees, dit sal oor al die vorste van Israel wees; verskrikkinge vanweë die swaard sal oor my volk wees; slaan dan op jou heup. Omdat dit 'n beproewing is, en wat as die swaard selfs die roede verag? dit sal nie meer wees nie, spreek die HERE HERE. Jy dan, mensekind, profeteer en slaan jou hande teen, en laat die swaard vir die derde keer verdubbel word, die swaard van die wat verslaan is; dit is die swaard van die groot manne wat verslaan is, wat in hulle skuilkamers ingaan. Ek het die punt van die swaard teen al hulle poorte gestel, sodat hulle hart kan beswyk en hulle puinhope vermenigvuldig. Ag! dit word helder gemaak, dit word toegedraai vir die slagting. Gaan op die een of ander manier na jou toe, óf aan die regterkant óf aan die linkerkant, waar jou aangesig ook al gerig is. Ek sal ook my hande teen mekaar slaan en my grimmigheid laat rus; Ek, die HERE, het dit gespreek. Die woord van die HERE het weer tot my gekom en gesê: Ook, jy mensekind, stel jou op twee weë, sodat die swaard van die koning van Babel kan kom: altwee twee sal uit een land voortkom; en kies vir jou 'n plek, kies dit aan die begin van die pad na die stad. Bepaal 'n pad, sodat die swaard na Rabbat van die Ammoniete kan kom en na Juda in Jerusalem, die verdedigende stad. Want die koning van Babel het by die skeiding van die pad gestaan, aan die begin van die twee paaie, om waarsêery te gebruik: hy het sy pyle helder gemaak, hy het geraadpleeg met beelde, hy het in die lewer gekyk. Aan sy regterhand was die waarsêery vir Jerusalem, om owerstes aan te stel, om die mond oop te maak in die slagting, om die stem te verhef met geskreeu, om rame teen die poorte aan te stel, om 'n berg te gooi en 'n fort te bou. En dit sal vir hulle wees soos 'n valse waarsêery voor hulle oë, vir die wat eed gesweer het; Daarom, so sê die HERE HERE: Omdat julle aan julle ongeregtigheid gedink het, deurdat julle oortredinge geopenbaar is, sodat julle sondes in al julle handelinge verskyn; want, sê ek, dat julle in gedagtenis gekom het, sal julle met die hand gevat word. En jy, goddelose goddelose vors van Israel, wie se dag gekom het, wanneer die ongeregtigheid 'n einde sal hê, So sê die HERE HERE: Verwyder die tulband en trek die kroon af; dit sal nie dieselfde wees nie: verhoog die geringe, en verneder die hoë. Ek sal dit omkeer, omkeer, dit omkeer; en dit sal nie meer wees nie totdat hy kom wie se reg dit is; en ek sal dit vir hom gee.
ESEGIËL 21:1-27 Die Boodskap (DB)
Die Here het toe weer met my gepraat. Hy het gesê: “Mens, kyk in die rigting van Jerusalem. En sê dan die volgende woorde oor Israel en al die plekke wat vir Israel se godsdiens opsy gesit is. Die Here sê: Ek is jou vyand, Israel. En Ek haal my wapens uit om jou mense mee dood te maak. Ek gaan die mense wat goeddoen en die mense wat sleg doen, almal doodmaak. Ja, Ek gaan nie eens die mense wat goeddoen, spaar nie. Ek gaan my wapens rig op almal in die land, van die een kant tot die ander kant van die land. Die hele wêreld sal weet en erken dat Ek die Here is. My wapens is in my hand. En Ek sal hulle nie bêre nie totdat Ek hulle klaar gebruik het. “Mens, sug swaar voor die mense. Maak asof jou hart gebreek is. Sug en kla van die môre tot die aand. As hulle dan vir jou vra hoekom jy dit doen, moet jy antwoord: Ek is ontsteld oor die verskriklike slegte nuus wat ek gehoor het. As hierdie nuus waar word, gaan julle almal net so sug. Dit sal lyk of julle harte ingee en gaan staan. Julle sal nie meer krag oorhê om eers op te staan nie. Julle knieë sal lam word en julle sal nie kan loop nie.” Die Here, die God van Esegiël, sê: “Dit kom gou! Dit gaan gebeur.” Toe sê die Here ook vir my: “Mens, praat met hierdie klomp mense en sê vir hulle: ’n Swaard word skerp gemaak vir julle! Die swaard word reggemaak om te kom vernietig. Hy sal so vinnig soos weerlig blits. Lag julle daaroor? Ander mense wat baie sterker as julle is, is deur hierdie swaard doodgemaak. Ja, die swaard word nou reeds skerp gemaak en blink gevryf. Dit word reggemaak vir die man wat die vonnis oor julle moet kom voltrek! “Mens, skree hard en huil. Huil kliphard! Want hierdie selfde swaard gaan my volk met al sy leiers kom doodmaak. Almal van hulle sal doodgemaak word. Ek sal my volk toets. Watter kans sal hulle hê as Ek hulle begin straf?” Dis die Here, Esegiël se God, wat dit vra. “Mens, sê vir hulle presies wat Ek vir jou sê. Maak ’n geraas sodat die volk vir jou kyk. En swaai dan die swaard twee, drie maal heen en weer. Wys só vir die volk hoe groot die verwoesting onder hulle gaan wees. Maak hulle bang. Laat hulle harte inmekaarkrimp van vrees, want die swaard wag by elke hek waar ’n mens sou kon uitvlug. Dit is blink gevryf om mense dood te maak. O, swaard, kap na die linkerkant. En na die regterkant. Kap waar jy wil en na wie jy wil. Ja, daardie dag sal Ek ook my hande klap, so bly sal Ek wees dat Ek my woede op julle kon afkoel oor al julle slegte dade. Ek, die Here, het met julle gepraat.” Die Here het met my gepraat. Hy het gesê: “Mens, teken ’n kaart van dié deel van die wêreld. Teken dan op jou kaart twee roetes waarlangs die koning van Babilonië kan reis om by jou land uit te kom. Hy gaan soontoe om jou volk te verwoes. Maak ’n padteken langs die pad net buite die stad Babel, waar die koning van Babilonië bly. Sit die padteken neer daar waar die pad in twee deel. Die een pad gaan Rabba toe, die hoofstad van die Ammoniete. En die ander pad gaan Juda toe, en Jerusalem toe, die hoofstad van jou volk. “Die koning van Babilonië staan nou juis by daardie vurk in die pad. Hy staan en wonder of hy Rabba of Jerusalem moet aanval. Nou gaan hy sy towenaars roep dat hulle vir hom kan kom sê wat hy moet doen. Hulle sal hulle dolosse gooi en diékant toe en daardie kant toe beduie. En dan beduie hulle vir die koning wat hulle dink hy moet doen: Gaan val Jerusalem aan! Die hele weermag maak nou hulle wapens gereed, want hulle gaan Jerusalem aanval. Die bevel is klaar gegee: Val die stad aan! Skree terwyl julle die mense van die stad doodmaak, soldate! Val die stadsmure aan totdat hulle inmekaarstort. Klim bo-oor! “Die mense van Jerusalem dink dis ’n fout. Die koning van Babilonië kan hulle mos nie aanval nie! Hulle het dan vrede met hom gemaak! Hy misgis hom seker! “Maar dan sal die koning van Babilonië die mense van Jerusalem herinner hoe hulle teen hom in opstand gekom het. Hulle het nie hulle woord teenoor hom gehou nie. Hy sal Jerusalem aanval en al die inwoners van die stad gevange neem.” Die Here, die God van Esegiël, sê vir julle: “Julle is skuldig. Julle kry nie eens skaam oor julle slegte dade nie. Wat julle ook al doen om dit weg te steek, almal kan julle slegte dade sien. Moenie eens probeer om dit weg te steek nie. Alles wat julle doen, is sleg. Nou het die tyd gekom dat julle daarvoor gestraf gaan word. “Ek praat nou met die een wat oor Israel regeer. Jy het nie opgehou om sleg te doen nie. Vandag het die dag gekom dat Ek met jou afreken oor jou slegte dade. Haal jou blink kroon af.” Die Here, Esegiël se God, sê: “Ek keer jou om. Niks in hierdie land sal meer dieselfde wees nie. Die mense wat vandag verdruk word, maak Ek môre se heersers. En vandag se ryk en magtige mense maak Ek môre se sukkelaars. Vernietiging! Ek vernietig alles! Ek vee julle land van die kaart af! En Ek herstel julle nie weer nie, tot daar ’n koning kom wat die reg sal hê om julle te straf. Ek sal die stad vir hom gee om te vernietig.”
ESEGIËL 21:1-27 Nuwe Lewende Vertaling (NLV)
Die HERE het vir my gesê: “Mensekind, kyk na Jerusalem en profeteer teen Israel en haar heiligdomme. Profeteer teen die land Israel. “Sê vir haar die HERE sê: Ek is jou vyand, Israel, en Ek is besig om my swaard te trek om jou mense daarmee dood te maak, sowel regverdiges as slegte mense. Ja, Ek spaar nie eens die regverdiges nie. My swaard tref elkeen in die land, van die suide tot die noorde. Die hele wêreld sal weet dat Ek die HERE is. My swaard is in my hand, en Ek sal dit nie terugsit voordat sy werk klaar is nie. “Mensekind, kreun voor die volk! Kreun voor hulle met ’n gebroke hart omdat jy bitter hartseer is. En as hulle jou vra: ‘Hoekom kreun jy so?’ sê vir hulle: ‘Ek kreun oor die verskriklike nuus wat ek gehoor het. Wanneer dit waar word, gaan die dapperste hart van vrees wegsmelt. Almal se krag sal verdwyn. Elke mens sal flou word. Die sterkste knieë sal bewe en so swak word soos water.’ Die oppermagtige HERE sê: Dit kom! Dis op pad!” Toe sê die HERE vir my: “Mensekind, sê vir die mense die HERE sê: “’n Swaard word skerp gemaak en blink gevryf. Dit word gereed gekry vir ’n verskriklike slagting. Dit sal blink soos weerlig! Lag julle daaroor? Ander wat baie sterker as jy is, het al voor sy mag geval! Ja, die swaard word skerp en blink gemaak. Dit word gereed gekry vir die laksman. “Mensekind, roep uit en huil, want die swaard is teen my volk gerig. Dit is gerig teen die leiers van Israel, uitgelewer om deur die swaard te sneuwel. Slaan met jou hande teen jou heupe omdat jy ontsteld is! Almal sal getoets word. Die oppermagtige HERE vra nou: Watter kans het hulle? “Mensekind, profeteer teen hulle. Klap jou hande. Vat dan die swaard, swaai dit heen en weer, twee keer, drie keer, want dit gaan mense doodmaak en hulle heeltemal deurboor. Laat hulle harte wegsmelt van skrik, want die swaard blits by al hulle poorte. Dit blits soos weerlig, blink gevryf om dood te maak. Swaard, slaan na regs, slaan na links, wie jy ook al wil tref! Ek klap ook my hande, want my woede sal afkoel. Ek, die HERE, het dit gesê.” Toe het die HERE vir my gesê: “Mensekind, teken ’n kaart met twee roetes daarop wat die koning van Babilon se swaard kan volg. En sit ’n padteken langs die pad wat uit Babilon kom, net daar waar die pad vurk. Die een pad gaan na Ammon en sy hoofstad Rabba, en die ander na Juda en die versterkte stad Jerusalem. “Die koning van Babilon staan nou by die vurk in die pad. Hy weet nie watter een hy moet aanval nie. Hy roep sy towenaars om die voortekens te lees. Hulle skud pyle, raadpleeg die gode en ondersoek ’n dier se lewer. In sy regterhand kom die teken: Draai na Jerusalem toe! Hulle beweeg met stormramme na die poorte toe. Hy gee die bevel om aan te val. Hulle bou ’n beleëringswal en torings teen die stad om oor die muur te kom. “Die mense van Jerusalem dink dis ’n fout, want het hulle nie ’n ooreenkoms met die koning van Babilon aangegaan nie? Maar die koning van Babilon herinner hulle aan hulle opstandigheid. Hy val hulle aan en neem hulle gevange. “Daarom sê die oppermagtige HERE: Weer en weer het julle gewys hoe skuldig julle is. Julle kry nie eers skaam oor julle opstandigheid nie! Julle probeer dit nie eens wegsteek nie. Waar julle gaan en wat julle doen, alles is net sonde! Daarom het die tyd gekom dat julle gestraf word. “Korrupte en slegte leier van Israel, jou dag van afrekening het aangebreek. Haal af jou kopdoek en jou kroon, sê die oppermagtige HERE. “Alles het verander. Die magteloses word nou verhoog, en die magtiges word verneder. Ek vernietig! Ek vernietig die koninkryk! En dit sal nie herstel word nie tot die een kom wat regverdig oordeel. Dan gee Ek dit oor in sy hand.”