HANDELINGE 27:39

Deel

HANDELINGE 27:39 Afrikaans 1983 (AFR83)

Toe dit dag word, kon hulle nie die land herken nie, maar hulle het 'n baai met 'n strand gesien. Hulle besluit toe om die skip daar te laat strand as hulle kon.

HANDELINGE 27:39 Die Bybel 2020-vertaling (AFR20)

Toe dit dag word, het hulle die land nie herken nie, maar hulle het wel 'n baai met 'n strand gewaar, waar hulle besluit het om die skip op die sand te laat loop as hulle kon.

HANDELINGE 27:39 Nuwe Lewende Vertaling (NLV)

Toe dit dag word, het hulle die land nie herken nie, maar hulle het ’n baai met ’n strand gesien. Hulle oorweeg toe om, indien moontlik, die skip daar te laat strand.

HANDELINGE 27:39 Bybel vir almal (ABA)

Dit het dag geword. Hulle het land gesien, maar hulle het nie geweet watter plek dit is nie. Hulle het 'n strand gesien, daar was nie rotse nie. Toe het hulle gedink hulle sal probeer om die skip op die strand te laat stop.

HANDELINGE 27:39 Afrikaans 1933/1953 (AFR53)

En toe dit dag word, het hulle die land nie herken nie; maar hulle het 'n inham met 'n strand bemerk, waarop hulle van plan was om die skip te laat loop as hulle kon.

HANDELINGE 27:39 Contemporary Afrikaans Bible 2023 (CAB23)

En toe dit dag geword het, het hulle die land nie geken nie, maar hulle het 'n sekere spruit met 'n oewer ontdek waarin hulle van plan was om, as dit moontlik was, die skip in te steek.

HANDELINGE 27:39 Die Boodskap (DB)

Teen dagbreek het almal gekyk of hulle die land kon herken, maar dit het nie bekend gelyk nie. Hulle het egter ’n baai met ’n strand opgemerk en besluit om die skip daar te laat strand.