2 TESSALONISENSE 1:2-3
2 TESSALONISENSE 1:2-3 Afrikaans 1983 (AFR83)
Genade en vrede vir julle van God ons Vader en die Here Jesus Christus! Ons moet God altyd vir julle dank, broers. En dit is ook reg, want julle geloof neem sterk toe, en sonder uitsondering word julle liefde vir mekaar altyd meer.
2 TESSALONISENSE 1:2-3 Die Bybel 2020-vertaling (AFR20)
Genade vir julle en vrede van God, ons Vader, en die Here Jesus Christus. Soos dit gepas is, moet ons God altyd oor julle dank, broers, omdat julle geloof uitermate groei, en een en almal van julle se liefde vir mekaar toeneem.
2 TESSALONISENSE 1:2-3 Nuwe Lewende Vertaling (NLV)
Mag die genade en vrede van God ons Vader en van die Here Jesus Christus met julle wees. Broers en susters, dit is gepas dat ons altyd vir God dankie sal sê vir julle, want julle geloof hou net aan groei en julle almal se liefde vir mekaar word net groter!
2 TESSALONISENSE 1:2-3 Bybel vir almal (ABA)
Ons groet julle. Ons bid dat God ons Vader en die Here Jesus Christus genadig sal wees vir julle en dat Hy vrede vir julle sal gee. Vriende, ons wil altyd vir God dankie sê oor julle, en ons moet dit doen, want julle glo meer en meer en julle almal is meer en meer lief vir mekaar.
2 TESSALONISENSE 1:2-3 Afrikaans 1933/1953 (AFR53)
Genade vir julle en vrede van God onse Vader en die Here Jesus Christus! ONS moet God altyd oor julle dank, broeders, soos dit billik is, omdat julle geloof grootliks toeneem en die wederkerige liefde van elkeen van julle almal groter word
2 TESSALONISENSE 1:2-3 Contemporary Afrikaans Bible 2023 (CAB23)
Genade vir julle en vrede van God ons Vader en die Here Jesus Christus. Ons is verplig om God altyd vir julle te dank, broeders, soos dit betaamlik is, omdat julle geloof uitermate groei en die liefde van elkeen van julle almal oorvloedig is
2 TESSALONISENSE 1:2-3 Die Boodskap (DB)
God ons Vader en die Here Jesus Christus se oorvloedige goedheid en vrede is met julle. My broers en susters, ons dank God altyd vir julle. Hoe anders? Want die wonderlikste dinge is daar by julle aan die gebeur: julle vertroue in die Here word by die dag sterker. En julle almal se liefde vir mekaar word net al hoe groter.