1 SAMUEL 3:13

Deel

1 SAMUEL 3:13 Bybel vir almal (ABA)

Ek het vir hom gesê Ek sal sy familie vir altyd straf oor die sonde waarvan hy geweet het. Want sy seuns het My nie geëer nie, en hy het nie hard met hulle geraas nie.

1 SAMUEL 3:13 Afrikaans 1933/1953 (AFR53)

En Ek sal hom te kenne gee dat Ek sy huis gaan oordeel tot in ewigheid oor die ongeregtigheid wat hy geweet het; want toe sy seuns skande oor hulleself gebring het, het hy hulle nie streng bestraf nie.

1 SAMUEL 3:13 Afrikaans 1983 (AFR83)

Ek het aan hom bekend gemaak dat Ek sy familie vir altyd gaan straf oor die ongeregtigheid waarvan hy geweet het. Ja, toe sy seuns die vloek oor hulle gebring het, het hy hulle nie bestraf nie.

1 SAMUEL 3:13 Die Bybel 2020-vertaling (AFR20)

Ek wil aan hom bekend maak dat Ek vir altyd sy huis gaan oordeel oor die sondeskuld waarvan hy geweet het. Want terwyl sy seuns God gelaster het, het hy hulle nie tereggewys nie.

1 SAMUEL 3:13 Contemporary Afrikaans Bible 2023 (CAB23)

Want Ek het hom gesê dat Ek sy huis vir ewig sal oordeel ter wille van die ongeregtigheid wat hy ken; want sy seuns het hulle belaglik gemaak, en hy het hulle nie ingehou nie.

1 SAMUEL 3:13 Die Boodskap (DB)

Ek het al vir hom gesê dat Ek sy familie vir altyd gaan straf vir die sonde waarvan hy geweet het, maar waaraan hy niks gedoen het nie: sy seuns het baie lelike dinge gedoen, maar hy het hulle nie vasgevat nie.

1 SAMUEL 3:13 Nuwe Lewende Vertaling (NLV)

Ek het hom voortdurend gewaarsku dat Ek sy gesin gaan straf oor die verkeerde dade van sy seuns. Hy het geweet dat hulle hulle skandelik gedra, maar hy het hulle nie bestraf nie.