GÉNESIS 4
4
Caín jare Abel
1Adán jembireko Eva ipurúa, jare imembɨ Caín oa, jare jei: “YandeYa jemimbota rupi ko chemembɨ kuimbae.” 2Jaɨkue rupi imembɨ ye Eva, jae kó Abel. Abel kó jae vecha omoñemuña vae, jare Caín ko jae kó rupi oparavɨkɨ vae.
3Jökorai opa ma okuakuaa reta yave, metei ara Caín güeru jemitɨ iagüe omee vaerä mbota yandeYa pe. 4Jare Abel güeru vi ivecha reta imembɨrɨpɨ ikɨra kavi vae. Jare yandeYa ipɨakatu omae Abel re jare mbota#Heb 11.4. güeru vae re. 5Ërei yandeYa mbaetɨ ipɨakatu omae Caín re jare mbota güeru vae re. Jare Caín iyarasɨ yae ete, oyekuaa jova ambuaeyee. 6Jayave yandeYa jei Caín pe: “¿Maera pa ndearasɨ? ¿Maera pa nderova ambuae aveiño? 7Reyapo yave viña ikavi vaeño, ngaraa tëi ko jökorai reï. Ërei mbaetɨ yave reyapo ikavi vaeño, eyeandu, mbaeyoa okätɨro oï nderé öke pe ndepɨɨ vaerä. Ërei nde ndepuere ko remoamɨri.”
8Metei ara Caín jei tɨvɨ Abel pe:
—Yaja yaguata#Mt 23.35; Lc 11.51; 1 Jn 3.12. kaa kotɨ.
Mombɨrɨ ma ñogüɨnoi yave, Caín opüa tɨvɨ Abel re jare oyuka. 9Jare yandeYa oparandu Caín pe:
—¿Jama pa nderɨvɨ Abel?
Caín jei:
—Mbaetɨ aikuaa. ¿Cherɨvɨ iyangarekoa pa che?
10Tumpa jei chupe:
—¿Maera pa kuae reyapo? Nderɨvɨ jugüɨgüe ndemboeko#Heb 12.24. oï cheve kuae ɨvɨ güive. 11Jáeramo, añave reikoasɨ katuta cheyepopeyu igüɨ pe jare reëta ko kuae ɨvɨ güi, echa ndepo güi kuae ɨvɨ re oyepɨyere nderɨvɨ jugüɨ. 12Reparavɨkɨ yae tëi reve ngaraa neremitɨ oñemuña kavi ndeve. Reguata reteiñota jare reiporara reve reikota ɨvɨ ambuae rupi.
13Jayave Caín ipɨatɨtɨ tuicha, jare jei yandeYa pe:
—Mbaetɨta chepuere aropɨa kuae tembiporara rere cheve vae. 14Echa añave chemombo ma reï kuae ɨvɨ güi; mbaetɨta ma chepuere ayu nderóvai. Mombɨrɨ rupi aguata reteiñota, aiporara reve ɨvɨ ambuae rupi. Jökorai kia nunga vae cheväe yave cheyukata ko.
15YandeYa jei chupe:
—Kia nunga vae ndeyuka yave, jae oiporara yae eteta ko.
Jayave yandeYa omokañɨmaa Caín, jökorai agüɨye vaerä kia nunga vae oväe yave oyuka. 16Caín ojo yandeYa ndive imiari oikoa güi, oë jókuae ɨvɨ güi; ojo oiko vaerä ɨvɨ Nod jee vae kotɨ. Jókuae ɨvɨ oï Edén güi kuaraɨ oëa kotɨ.
Caín iñemuña reta
17Caín jembireko ipurúa jare oa michia raɨ Enoc; jare omopüa tëta guasu jare ombojee taɨ, Enoc jee pe. 18Enoc pe oa taɨ Irad, Irad taɨ Mehujael, jare Mehujael taɨ Metusael, Metusael taɨ Lamec. 19Lamec jembireko mókoi, metei jee Ada, ïru jee Zila. 20Jare Ada imembɨ Jabal oa, jae ko o guakapi pegua rupi yogüɨreko vae reta iñemuñagüe, mɨmba omoñemuña vae reta. 21Tɨvɨ jee Jubal, jae ko ombaembopu jare oyemimbɨ vae reta iñemuñagüe. 22Jare Zila imembɨ oa vi Tubal-caín, jae ko ipoki oparavɨkɨ jiero pe jare jiero iyu vae pe vae; jare Tubal-caín jeindɨ jae ko Naama.
23Lamec jei jembireko Ada jare Zila pe:
“Peyeapɨsaka cheñee re:
Metei kuimbae ayuka chembopere ramo,
jare metei kunumi chenupa ramo.
24Caín iyukaa re chiu ye oyepɨta
yave, Lamec iyukaa re setenta vese chiu ko oyepɨta.”
Adán jare Eva imichia mboapɨa
25Adán jembireko imembɨ ye, jare ombojee Set, echa jei: “Tumpa omboekovia chemembɨ Abel cheve, Caín oyuka vae.” 26Jare Set pe oa vi taɨ, ombojee Enós. Jayave güive kuimbae reta omboɨpɨ oyerure yandeYa Tumpa jee re.
Tans Gekies:
GÉNESIS 4: GUABD
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
Biblia DC Guaraní Bolivia © Bolivian Bible Society, 2001.
