KAOBAK 5
5
Adam Thensilen
(1 Ld 1.1-4)
1 #
Kol 3.10 Adam thensilen doan phobü. (Ladang Mühghaüei müt yaükei haoei hao Mühghaü phatbüa yaükei. 2Haoei haoen bousu hoba yaksa yaükei, hoba haoen haükukei. Hobaje ladang haoen yaükei haoei haoen to “Müt” dogo laukei.) 3Hobaje Adam po 130 onkei, hao tegü hao phatko bousushou che bukkei, hoba haoeibü nyen Seth nyenkukei. 4Seth bukan phaia Adam po 800 kikei, hoba hao ka bousushou si yaksashou kikei. 5Hobaje Adam langkei salang sünga po 930 kian hao haikei.
6Seth po 105 onjinei hao ka Enosh pakkei; 7hoba Enosh bukan phaia Seth po 807 kikei hoba hao ka bousushou si yaksashou hapbei, 8hoba Seth langkei salang po 912 kian hao haikei.
9Ladang Enosh po 90 kikei hao ka Kanan pakkei, 10hoba Kanan bukan phaia Enosh po 815 kikei, hoba lubü bousu si yaksa shou pakkei, 11hoba Enosh langkei salang po 905 kikei hoba hao haikei.
12Ladang Kanan po 70 onkei, kheijinei haoei Mahalalel hapbei, 13hoba Mahalalel bukan phaia Kenan po 840 kikei hoba hao ka bousu si yaksa shousi pakkei, 14hoba Kanan langkei salang po 910 kikei hoba hao haikei.
15Ladang Mahalalel po 65 kikei kho chaloua hao ka Jared pakkei; 16hoba Jared bukan Mahalalel po 830 kikei hoba hao ka bousu si yaksa shousi pakkei. 17Hobaje Mahalalel langkei salang sünga po 895 kikei hoba hao haikei.
18Ladang Jared po 162 kikei hao ka Enok pakkei, 19hoba Enok bukan Jared po 800 kikei, hoba hao ka bousu si yaksa shousi pakkei, 20hoba Jared salang po 962 kikei hoba hao haikei.
21Ladang Enok po 65 kikei haoei bousushou che Methusela kikei. 22Hobaje Methusela bukan phaia Enok Mühghaü yoa po 300 paikei, hoba bousu si yaksa shousi kikei. 23Hobaje Enok salang po 365 kikei. 24#Ibr 11.5 Hobaje Enok Mühghaü yoa paikei; hoba hao akiko apbei, aieilausi Mühghaüei hao leilangkei.
25Ladang Methusela po 187 kikei, kheijinei hao ka Lamek pakkei, 26hoba Lamek bukan phaia Methusela po 782 kikei, hoba bousu si yaksa shousi pakkei; 27Methusela langkei salang pendouei po 969 kikei, hoba kho phaia hao haikei.
28Ladang Lamek po 182 kikei, haoei bousushou che kikei, 29hoba haoei hao la Noa#NOA: tetlabü Hakso nyenkukei hoba laukei, “Aieilausi Bunyubouei kao la shedsikhau kubü hangshong seneibü kümsilei hoba seneibü ikei haujembüa sen solotilabü.” 30Hobaje Noa bukan phaia Lamek po 595 kikei hoba haoei bousu si yaksa shousi shuong kikei, 31hoba Lamek langkei salang sünga po 777 kikei hoba hao haikei.
32Hobaje Noa po 500 jai lean kikei; hoba haoei shousi müt sem - Shem, Ham hoba Jafet kikei.
Tans Gekies:
KAOBAK 5: CHANGBSI
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.