Jonas 3
3
Jonas oy fare ge Dok ne suwal Ninive go
1Bage ɗiŋnedin gwan dwage Jonas fare janna ge ndwara azi, jan na go: 2«Ɗage digi, mbo suwal ga̰l Ninive ya, waage na fare ge mbi ne ya̰ mo wak zi.» 3Jonas ɗage digi, dol tene viya̰ go mbo Ninive, fare janna ge Bage ɗiŋnedin ne pal. Ninive a suwal ga̰l ɓaŋlaŋ ge be to, na mborra ne wak le may ya mbo ya le may go, her dam ataa. 4Jonas e pe mborra suwal ga̰l diŋ, he dam ɗu, ka janna go: «Gá dam ma wara-anda Ninive ba burmi uzi.»
5Naa ge ne suwal Ninive go ma hon fareba Dok ta, a wan asiyam, a kan kasigir ma bama ta, ne naa ga̰l digi ya ɗiŋ mbo ya naa jabso ta se#Mat 12:41, Luk 11:30,32.. 6Swaga ge gan ge Ninive ne, ne za̰ fare mbe no, ɗage digi ne na hool gan pal, fage na ba̰r ga̰l uzi, kan kasigir na ta, bugi tene katɗa sḭḭm zi. 7Uwale, hon wak go, a oy ge Ninive diŋ pet go: «Ne wak honna ge gan ma ne na naa ga̰l ge temel ma ne: ‹Ago naa dasana ma ne kavaar ma nama za a̰me to bat, nama mbo zam zám ko njot mam to bat. 8Ya̰ naa dasana ma ne kavaar ma nama ka̰ kasigir ma nama ta, nama fya Dok ta ne á ta, ndu ge daage na ya̰ na ya̰l kerra ne na birtiŋ kerra ma uzi. 9Tamekyala, Dok ma ɗaŋgre tene, ma gwan’a se ne pore juliliya ge na ne go, ma ya̰ nee be hunna.›»
10Swaga ge Dok ne kwa go nama ke ya go ɗe, nama ya̰ nama sone kerra ma ya uzi ɗe, Dok gwan’a se, gwan ke nama yál ge na ne jya̰ go na mbo ke nama na to.
Tans Gekies:
Jonas 3: FGN2013
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
La Bible en langue Kim © Alliance Biblique du Tchad, 2013.