Kushangumuka 5
5
Vatekulwila va Andama
(1 Miz 1:1-4)
1Eli likelyo livulu lya vatekulwila va Andama. Omo Njambi watangele vanu, wavatangele mu cifwa cendi vavenya. 2#Kus 1:27-28; 5:2; Mat 19:4; Mak 10:6 Ikeye wavatangele munalume na munakazi, co wavavezikisile, nakuvaluka ngwendi, “Vanu.” 3Omo Andama wakele na myaka 130 wakitile mwana wa munalume uje walifwile nendi, wamulukile lizina lyendi Seta. 4Munima yakukita Seta, Andama wayoyele myaka ikwavo yakupwa 800, co wakitile lalo vana vakwavo va vanalume na ava va vanakazi. 5Ikeye watsile omo wakele na myaka 930.
6Omo Seta wakele na myaka 105 wakitile mwana wa munalume lizina lyendi Inoshe. 7Ikeye wayoyele myaka ikwavo 807, co wakitile lalo vana vakwavo va vanalume na ava va vanakazi, 8co watsile omo wakele na myaka 912.
9Omo Inoshe wakele na myaka 90 wakitile mwana wa munalume lizina lyendi Kenani. 10Ikeye lalo wayoyele myaka ikwavo 815, co wakitile vana vakwavo va vanalume na ava va vanakazi, 11co watsile omo wakele na myaka 905.
12Omo Kenani wakele na myaka 70 wakitile mwana wa munalume lizina lyendi Mahalalele. 13Ikeye wayoyele myaka ikwavo 840, co wakitile lalo vana vakwavo va vanalume na ava va vanakazi, 14co watsile omo wakele na myaka 910.
15Omo Mahalalele wakele na myaka 65 wakitile mwana wa munalume lizina lyendi Njalende. 16Ikeye wayoyele myaka ikwavo 830, co wakitile lalo vana vakwavo va vanalume na ava va vanakazi, 17co watsile omo wakele na myaka 895.
18Omo Njalende wakele na myaka 162 wakitile mwana wa munalume lizina lyendi Inoke. 19Ikeye wayoyele myaka ikwavo 800, co wakitile lalo vana vakwavo va vanalume na ava va vanakazi, 20co watsile omo wakele na myaka 962.
21Omo Inoke wakele na myaka 65 wakitile mwana wa munalume lizina lyendi Matusela. 22Omo wakitile Matusela, Inoke wendele na kulitombola na Njambi a myaka 300. Co wakitile lalo vana vakwavo va vanalume na ava va vanakazi. 23Myaka yendi yayoyele yoshe yapwile 365. 24#VaHe 11:5; Yun 14 Inoke wendele na kulitombola na Njambi simbu yendi yoshe, co kuvamumwene lalo, omwo Njambi wamutwalele mwilu.
25Omo Matusela wakele na myaka 187 wakitile mwana wa munalume lizina lyendi Lameki. 26Ikeye wayoyele myaka ikwavo 782, co wakitile lalo vana vakwavo vavavalume na ava va vanakazi, 27co watsile omo wakele na myaka 969.
28Omo Lameki wakele na myaka 182 wakitile mwana wa munalume, 29wendekele ngwendi, “Mbututu ou akatuhwimisako ku vipangi vyetu vyakukaluwa ku livu eli vene lyasingile Shukulu Kalunga.” Co wamulukile lizina lyendi Nowa. 30Lameki wayoyele myaka ikwavo 595, co wakitile lalo vana vakwavo va vanalume na ava va vanakazi, 31co watsile omo wakele na myaka 777.
32Omo Nowa wakele na myaka 500 wakitile vana vatatu va vanalume, mazina avo, Shemi, na Hama, na Njafeta.
Tans Gekies:
Kushangumuka 5: MBB
Kleurmerk
Deel
Kopieer
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Faf.png&w=128&q=75)
Wil jy jou kleurmerke oor al jou toestelle gestoor hê? Teken in of teken aan
The Bible in Mbunda ©The Bible Society of Zambia, 2006