'n Gebed van Dawid.
Luister tog na my, Here, verhoor my gebed,
want ek is hulpeloos en arm.
Beskerm my, want ek is u troue dienaar,
red my, want U is my God, op U vertrou ek.
Wees my genadig, Here,
ek roep die hele dag deur na U.
Maak my bly, Here,
ek hunker na U.
U is goed, Here, U vergewe altyd weer,
U is getrou teenoor dié wat na U roep om hulp.
Luister na my gebed, Here,
gee tog ag op my smeekgebed.
Op die dag van my nood roep ek na U,
U sal my gebed verhoor.
Daar is geen god soos U nie, Here,
niks kan met u werk vergelyk word nie.
U het al die nasies gemaak;
hulle sal voor U kom buig, Here,
en aan u Naam die eer gee,
want U is groot en doen magtige dade,
U alleen is God.
Leer my u pad, Here,
ek wil wandel in u waarheid;
leer my U met toewyding dien.
Met my hele hart sal ek U prys, Here my God,
u Naam altyd eer,
want u liefde vir my was groot:
uit die dieptes van die dood het U my gered.
Bible App
Bible App for Kids
