Medheteththa Maxaafa 4
4
Qayeelenne Aabeele
1Addaamey ba machcho Hewaanira aqiin iza shaarada attuma naa yeladus; «GODAY tana maaddiin attuma naa demmadis» gashe iza Qayeele ga sunththadus. 2Qasse iza isha Aabeelekka yeladus.#4:2 Qayeele: Qayeele guussi Ibraaweta qaalan, «Qayin» geetettees. Birsheththayka, «Demmadis» guussa.
Aabeeli dorsa heenththanchcha; Qayeeley biitta goshshanchcha. 3Undenna wodeppe guye Qayeeley ba gaden mokkida kaththaafe Godaas yarsho shiishshides. 4Gido attiin Aabeeli ba dorsata giddon koyro yelettida laaqqatappe issaa ekki shukkidi ashozappe handaza yarshides; GODAY Aabeelenne iza yarshoza ekkides. 5Qayeelenne iza yarsho ekkibeenna; hessa gishshas Qayeeley keehi yiillotides; ba ayfesokka iissides.
6Histtiin GODAY Qayeele, «Ays yiillotay? Ne ayfesoy ays dhumidee? 7Ne lo7o ooththidaa gididaakko Xoossi ne yarsho ekkenneeshin? Neni lo7o ooththontta ixxiko nagaray ne karen nena naagees; nagaray nena haarana koyees; neni iza xoonana bessees» gides.
8Hessafe guye Qayeeley ba isha Aabeele, «Ane gede dembaso boos» gides. Biidi istti demban dishin Qayeeley ba isha Aabeele bolla dendidi wodhides.#Mato 23:35; Luqa 11:51; 1Yoha 3:12; 4:10; Ib 12:24
9GODAY Qayeele, «Ne ishay Aabeeli awan dizee?» gi oychchides.
Qayeeley zaaridi, «Ta erikke; ta ishaa naagizay taneyee?» gides.
10GODAY Qayeele, «Hessa ays ooththadii? Beya; ne ishaa suuththi biittafe pude taakko waassees. 11Ne kusheppe ne ishaa suuththaa ekkidi mittanaas doona doyda biittaa bolla ha7i neni qanggettadasa. 12Neni ooththiinkka biittay nees kath immenna; bete asa mala neni biitta bollan toylattana» gides.
13Qayeeley GODAA, «Ne tana qaxxayiza qixaate tani mulekka dandaykke. 14Hekko neni tana hach ha biittafe yedeththaasa; tani ne sinththafe qotettana; bete asa mala tani biitta bolla toylattana; tana demmiday oonikka wodhana» gides.
15GODAY iza, «Nena oonikka wodhenna; wodhikko ne halo tani laappun kushe kessana» gides; hessa gishshas demmiday oonikka iza wodhontta mala GODAY iza bolla malata woththides. 16Qayeeley GODAA sinththafe kezidi Edene baggafe arshey mokkiza baggara diza Noode#4:16 Noode: Noode guussi toylateth guussa. geetettiza biittan de7ides.
Qayeele Yeleta
17Qayeeley ba machcheyra aqiin iza shaarada Heenooke yeladus; he wode Qayeeley katama giigsidi he katamaa ba naaza sunththan, «Heenooke» gi sunththides. 18Heenookey Iraade yelides; Iraadey Mahuyaa7eele yelides; Mahuyaa7eeley Matusa7eele yelides; Matusa7eeley Laameeke yelides.
19Laameekey Aadonne Xiilo geetettiza nam7u machcheta dawuth ekkides. 20Aaday Yaabaale yeladus; Yaabaaley mehe haarishe yuuyi yuuyi dunkaanen diza asata aawa. 21Iza ishaa sunththi Yuubaale; Yuubaaley qasse diith diixxizanne susul7e punniza asata ubbata aawa; 22Xiilay qasse Tubaaliqayne geetettiza naa yeladus; Tubaaliqayney xarqimalappenne biratappe dumma dumma miishshata qoxxizaadde. Tubaaliqayne michcheya Naa7imo geetettawus.
23Issi gallas Laameekey ba machcheta, «Ta machcheto Aadee, Xiilee siyite! Ane tani yootizayssa ezgite. Issi asi tana wadhdhi madunththida gishshas tani iza wodhadis; ee, tani he tana madunxissida wodallaza wodhadis. 24Qayeele halo kessanaas laappun kushe koshshiko Laameeke halo kessanaas laappun tammanne laappun kushe koshshees» gides.#Mato 18:22
Seetenne Heenoose
25Addaamey ba machcheyra aqiin hara naa yeladus. Yelada «Qayeeley wodhida Aabeele gishshas Xoossi taas hara naa immides» gashe iza Seete#4:25 Seete: Seete guussi Ibraaweta qaalara immides guussa gaada sunththadus. 26Seeteykka attuma naa yelidi iza, «Heenoose» gi sunththides. Asay he wode GODAA sunth xeygidi goyno oykkides.
Tans Gekies:
Medheteththa Maxaafa 4: GM
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
The Word for the World International
