Wenía 3
3
Venenĩ aĩvõ vana tavámati ivo yoã
1Aská aatiã ronoro#3.1 Aaivo ronoro, rono wetsasemarívi, Yavé ranĩya ivo avé yoinavorasĩ keskáma, Yavé ivo Yovepa yosíka akĩ shovimakĩ. Askái nishõ, aĩvo nĩkãki. “Awesá ira avaí Yové Koĩnã, ‘wai matxi vimi wetsãchta pitsomaroa’, ira avaí?” akĩ.
2Ãwẽ askámaĩnõ, aĩvõ rono revíki. “Naa wai matxi vimi katsése nõ piá roase, 3askámẽkĩ, ‘vimi naki niá ivoro pitsomároa, meetima aká. Aa pishõro mato vopikatsa’, ivai”, akĩ.
4Aĩvo askái vanamaĩnõ, “ãwẽ yoa, mato vopitĩpa. 5Aaivo vimi pishõro, matõ vero kepẽnái, aa keská, roapa ivorasĩ tanasi, ichnárasĩ tanasi, mã amísi, iinã mato ãwẽ pãterívi”, akĩ.
6Askái ãwẽ vanamaĩnõ aĩvõ vimi saná roaka oĩki, kẽevakĩ, “pipá, yosípai tsaónoshõ”, ikĩ chinãki. Askáinã metsésho pivaikĩ, ãwẽ vene pimaóki. 7Vimi pivaí atõ vero kepẽnái. Anosho txĩto atõ shokoa tanavo. Askáki, figueira iwi pei ivo kekovaíki shãpati akávo. 8Askái atõ shokoanamãsho, yãtã niwe shokor ikarãi. Askánamãsho Yavé ivo Yové vanatachíi. Aská nĩkãinã, wai matxi, iwi nakosho onéshoavo. 9Askái atõ onémaĩnõ vene kenatachíki nĩkãki. “Ato mĩ kaai?” akĩ.
10Ãwẽ aská akatõsho, venẽ revíki. “Wai matxi txĩto nishõ mĩ oá nĩkãinã, mia rakéshoinã ẽ onéi oa”, akĩ.
11Ãwẽ askámaĩnõ, “tsoã ‘txĩto mĩ niá’, mia araí? ‘Aaivo vimi piroa’, mia ẽ achĩa ivomara mĩ pia?” akĩ.
12Ãwẽ aská akatõsho, vene vanai. “Aĩvo ea mĩ inãchna ivõ aaivo vimi ea pimaai”, 13ãwẽ imaĩnõ aĩvo nĩkãóki. “Mĩ awesa akárkĩ?” ãwẽ akátõsho revíki. “Ronõ ea parãtõsho ẽ pia”, akĩ.
14Ãwẽ aská nĩkãinã, Yavé ivo Yovepa rono tanamakĩ. “Ato mĩ aská akatõsho, mia veí netãnákatsa, mivé yoinavorasĩ#3.14 Hebraicõ vanaro yoini inátirasĩ, inátimarasĩ aká ikítõ ikíma mĩ ikatsai. Noyõ ikí nishõ askatase mai koro ãsh akí mĩ nikatsai. 15Askái aĩvonĩ ichnánanãkatsa. Minõsho revoa askásevi, aĩvomẽsho revoa yoranĩ#3.15 Hebraicõ vana “revoa” ikíro, wetsa revoa westíchta, wetsa revoa ãtsaka aká ivo anea ichnánanãókatsavo. Ãatõ mapoki mia tsewe amaĩnõ, miãro ãwẽ tae txĩtóki mĩ tsewe aokatsa”, akĩ tanamakĩ.
16Aská avaikĩ aĩvo tanamaóki. “Mĩ tooanamãsho isĩ tanai, ãwẽ pakékatsiki askásevi tanai mĩ akatsai. Askásho mĩ venẽse mĩ chinã toĩsho, mia yonoa mĩ nikatsai”, akĩ.
17Askámaĩnõ, vene tanamakĩro, “aĩvõ vana anõ akĩ vimi mĩ pia, piroa mia ẽ achĩa ivo. Ramaro vana mĩ tavámatõshõ naaivo mai shavá ma veí netãnáai, askatase mirí yomãnáki piti mĩ merámakatsai. 18Mai tsokósnamã, moshayãwa, akánamã piti merámashõ mĩ pikatsai. 19Mirí kavimai mee ikí niskã ichná akĩ, piti merámashõ mĩ pikatsai. Askái mĩ niá vopirívi mĩ enékatsa. Mai mia shoviasho, arimẽse mia maikeókatsa. Awesáma, mai mia shoviasho ã ikí”, akĩ tanamakĩ.
20Askáki, Adãone, ãwẽ aĩ, “Eva”, akĩ aneki, “ashkãsho ewa”, atõ ati chinãsho.#3.20 Hebraicõ vana “Eva” ikíro “chinãya” ikí keská ivo vana 21Aská anosho, Yavé ivo Yovepa yoini shaká õpo ashõ ato sawemakĩ. 22Askávai vanai. “Ramaro yora noke keská shoviai, roapa ivorasĩ oĩi, ichnárasĩ oĩi ma aka. Ramaro awetima akaya vimi pishõ, awetimai nimísi iinã teanõ”, ikí. 23Askáinã Eden wai matxisho ato poshakõki, arí ave piti merámanõvo iinã. 24Ato aská avaikĩ, vari oátõ, Eden wai repí “querubim” atõ aká ivo yovérasĩ, txii kewãa aká awetima akaya vimi vesomashõ ato shokõki.
Tans Gekies:
Wenía 3: YKV
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
Active: © Wycliffe Bible Translators, Inc. All rights reserved
