Matius 4
4
Pehori i tongo mpada to nabai
(Mrk. 1:12-13; Luk. 4:1-13)
1Napu ee Yesus laikeni Inoha to Nagaha rau i tongo mpada to nabai bona napehori Magau Heta. 2Nahudupi Yesus nopuaha opo mpulu eo opo mpulu mengi, naoromi tai-Na. 3Lauparia, nehupami Magau Heta hi Hia pade nangulika-'I, “Ane Ana Alatala-Ko, tudumi watu-watu ei mawali roti.”
4 #
Ul. 8:3
Yesus nampahonoi'i, “Naria laitulihi rara Buku to Nagaha, ‘Moma wuwu roti to nampakatuwu manuhia. Manuhia mui natuwu lako butu lolita Alatala.’ ”
5Napu ee Magau Heta nangkeni Yesus rau i Yerusalem pade nampopokangkore-'I i lolo wumu Hou Alatala, 6#Mzm. 91:11-12pade laiulikana-'I, “Ane Ana Alatala-Ko, pengkanawumo-Ko rau i tana, apa naria laitulihi rara Buku to Nagaha nangkambelai Iko, ‘Alatala mantudura malaeka-Na mamparade-Ko hante palera bona paa-Mu moma mambela watu.’ ”
7 #
Ul. 6:16
Yesus nampahonoi'i, “Naria mui laitulihi rara Buku to Nagaha, ‘Nemoko mampehori baraka Pue Alatalamu.’ ”
8Napu ee Magau Heta nangkeni Yesus rau i lolo bulu to nelabi kalangkona pade nampahiloika-'I humawee poparentaa i dunia hante nengila kahugiana bo karambana. 9Magau Heta ee nangulika Yesus, “Humawee lauria kuwai hi Iko purami ane madota-Ko motingkodu mepue hi aku.”
10Nehono Yesus hi hia, “Petibomoko Magau Heta! Habana naria laitulihi rara Buku to Nagaha, ‘Iko kana mepue hi Pue Alatalamu pade hi Hiako aga meturuhi.’ ”
11Lauparia, Magau Heta nampalahi Yesus, pade bahangkua dua malaeka Alatala narata nangkeni to laiparaluu Yesus.
Yesus i Galilea
(Mrk. 1:14-15; Luk. 4:14-15)
12Pangepe Yesus ane laihokomi Yohanes to Pediu, rau-'Imi i tana Galilea. 13Narata i Galilea, rau-'I i ngata Nazaret. Napu ee neongko-'Imi lako Nazaret rau-'I no'oha i ngata Kapernaum to i wiwi Rano Galilea, i pongataara to Zebulon pade to Naftali. 14Yesus rau no'oha i ria nopaganai lolita Alatala to laiparata nabi Yesaya owi, iwei,
15 #
Yes. 8:23–9:1
“Tana to Zebulon pade to Naftali,
dala rau i Rano Galilea, i dipo Ue Yordan,
to i tana Galilea, po'ohaara to moma Yahudi.
16Ilodo tau-tauna to no'oha i ria natuwu i rara kalimauana,
naupawee tempo ei laihilorami baa to nabohe.
Ilodo baraka kamatea nampabungura,
naupawee tempo ei baa ee mai nampakabaara.”
17Nopamula lako heemi Yesus noparata hi tau-tauna iwei, “Kancoromo komi lako dohami, habana namohumi tempona Alatala moparenta halaku Magau.”
Yesus nangkio ana-ana guru-Na to pamulana
(Mrk. 1:16-20; Luk. 5:1-11)
18Tempo Yesus nomako i wiwi Rano Galilea, laihilo-Na rodua tauna to ntali tuai. Hira ee mai, Simon to laikahangai mui Petrus pade tuaina to laikahangai Andreas, bulara notene jala i rano apa hira ee mai bagora nojala bau. 19Yesus nangulikara, “Maimo komi. Tuku-'Amo bona komi Kupakawali to pojala manuhia.” 20Dungku laipalahirami jalara pade rauramo nantuku Yesus.
21Napu ee Yesus nopadola pomakoa-Na pade laihilo-Na mui to ntali tuai ntanina. Hira ee mai ana Zebedeus, hangara Yakobus pade Yohanes. Bulara notampala jala rara duanga hante Zebedeus tuamara, Yesus nangkiora. 22Dungku palahirami duanga bo tuamara pade rauramo nantuku Yesus.
Yesus nopatudu pade nampakauri nadea tauna
(Luk. 6:17-19)
23Yesus noliliko i humawee ngata to i Galilea, nopatudu i hou-hou pepuea, nangkarebai Kareba Belo nangkambelai bewa Alatala noparenta halaku Magau, pade nampakauri to nohaki bo to napungku. 24Alaana, kareba nangkambelai Yesus notolele duu narata i propinsi Siria hampena laikenira hi Hia nadea to nohaki pade napepa iepera. Nariara to laipehua anudaa, to nohaki lilimpuanga, pade to napungku. Humaweera laipakauri Yesus. 25Nadea mpuu tauna nantuku-'I tempo ee mai. Tauna eera mai narata lako tana Galilea, lako Dekapolis, lako ngata Yerusalem, lako tana Yudea pade lako dipo Ue Yordan.
Tans Gekies:
Matius 4: MYL
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
