ኡመመ 19
19
በዲሰ ሶዶሚቲፊ ጎሞራ
1ኤርገሞትን ዋቀዮ ሱን ለማን ገልገለ ሰነ ሶዶም ገአን፤ ሎጥስ ከረ ሶዶሚ ዱረ ታኣ ቱሬ። እንስ ዬሮ ጀረ አርጌት፣ እሳን ስመቹፍ ከኤ እሳንት ዴሜ፤ ገድ ጄዼስ አደሳቲን ለፈት ጎምብፈሜ። 2እንስ፣ “ያ ጎፍቶተኮ፣ ማሎ መነ ገርብቸኬሰኒት ጎራቲ ሚለ ዽቀዻ ቡላ፤ በሪ በራቃን ካተኒ ከራኬሰን እት ፉፉ ደንዴሱ” ጄዼ።
እሳንሞ፣ “ህንተኡ፤ ኑ ወልተጂ ከራረ ቡላ” ጄዸኒን።
3እን ገሩ አከ መሌ እሳን ድርቅሲሴ፤ ከናፉ ጎረኒ መነሳ ሴነን፤ እንስ መጥኖ ቶልቼ ኛተ ቆጴሴፍ፤ እሳንስ ንኛተን። 4ኡቱ እሳን ህንረፍን ነሞትን ኩታሌ መጋላ ሶዶም ሁንደ ኬሳ ዹፈን ሁንድ ደርገጎትኒፊ ጃርሶሊን መነ ሰነ መርሰን። 5እሳንስ ሎጥን ዋመኒ፣ “ነሞትን ገልገለ ከነ ገረኬ ዹፈን ኤሰ ጅሩ? አከ ኑ እሳን ወጅን ጪፍኑፍ ገድ ኑ ያስ” ጄዸን።
6ሎጥስ ጀረ ሰነት ገድ በኤ በልበለ ኦፍ ዱባን ጩፌ፤ 7አከነስ ጄዼ፤ “ያ ኦቦሎተኮ፣ ዋን ሀማ ከነ ህንሆጄትና! 8ኩኖ አን እንተለን ለመ ከኔን ተኩማ ዺረ ወጅን ህንጪስን ቀበ። ለማኑ ገድ እስኒ ነንባሰ፤ እስንስ ዋን ፌተን እሳን ጎቹ ደንዴሱ። ነሞተ ከኔን ገሩ ዋን እሳን በንቲ መነኮ ጀለ ጅረኒፍ ሆማ እሳን ህንጎዽና።”
9እሳንስ፣ “በድ አሲ!” ጄዸኒን። እቱመ ፉፈኒስ፣ “ነምች ኩን ነመ ኦርማ ከን ኑ ኬሰ ጅራቹ ዹፌዸ፤ አመሞ አባ ሙርቲ ኑት ተኡ ፌዸ! ኑ ዋን ሀማ ጀረረት ሆጄትኑ ጫላ ስረት ሆጄትነ” ጄዸኒን። እሳንስ ሎጥን ሁምናን ዺበኒ በልበለ ሰነ ጨብሱ ገአን።
10ነሞትን ሱንስ ሂጠተኒ ሎጥን ሀርክሰኒ መነት ኦል ዴብሰን፤ በልበልቸስ ንጩፈን። 11ኤርገሲሞ ነሞተ በልበለ መና ዱረ ቱረን ሰነ አከ እሳን በልበልቸ ህንአርግኔፍ ጥናፊ ጉዳሳኒ ዸእቻን እጀ ጃምሰን።
12ነሞትን ለማን ሱን ሎጢን አከነ ጄዸን፤ “አት ነመ ብራ ቶኮሌ ጄቹንስ ሶዶተ፣ እልማን ዮካን እንተለን ዮካን ነመ ከንኬ ተኤ ቶኮሌ መጋላ ከነ ኬሳ ቀብዳ? አስ ኬሰ እሳን ባፈዹ፤ 13ኑ እዶ ከነ በሌሱፍ ዴምናቲ። ሰበቢ እይ ሰበሼረት እየሜ ፉለ ዋቀዮ ዱረት ጉዳ ተኤፍ፣ ዋቅን አከ ኑ እሼ በሌስኑፍ ኑ ኤርጌረ።”
14ከናፉ ሎጥ ገድ በኤ ሶዶተሳ ወረ እንተለንሳ ፉዹፍ ጅረኒን፣ “ሰበቢ ዋቀዮ መጋላ ከነ በሌሱፍ ከኤፍ፣ ደፋቲ አሲ በኣ!” ጄዼ። ሶዶንሳ ገሩ ዋን እን ቆሱ ሴአን።
15ዬሮ ቦሩን ዲመቴት ኤርገሞትን ዋቀዮ ሱን ሎጥን ጀርጀርሰኒ፣ “ኒቲኬቲፊ እንተለንኬ ለማን አስ ጅረን ፉዸዹቲ ደፊ በእ! ዮ ከና አቺ ዬሮ መጋለቲን አደበምቱት አትስ ንበዳ” ጄዸኒን።
16እን ገሩ ዱበት ሀርክፈቴ፤ ዋን ዋቀዮ እሳኒፍ ገራ ላፌፍ ነሞትን ሱን ሀርከሳቲፊ ሀርከ ኒቲሳ፣ እንተለንሳ ለማንስ ሀርከ ቀበኒ መጋለቲ ኬሳ እሳን ባሰን። 17አኩመ ገድ እሳን ባሰኒንስ ኤርገሞተ ሰነ ኬሳ እን ቶኮ፣ “ሉቡኬ ኦልፈቹፍ በቀዹ! ኦፍ ዱበ ህንምልአትን! ድሬረ እዶ ቶኮሌ ህንዻበትን! ቱሉወንት ኦል በቀዹ፤ ዮ ከና አቺ ንበዳ!” ጄዼ።
18ሎጥ ገሩ አከነ እሳኒን ጄዼ፤ “ያ ጎፍቶተኮ፣ ማሎ አከስ ምት! 19ኩኖ ገርብችኬ ፉለኬ ዱረት ፉዸተመ አርገቴረ፤ አት ሉቡኮ ኦልችቴ ገረ ላፍነ ጉዳ ነ አርግሲፍቴርተ። አን ገሩ ገረ ቱሉት ኦል በቀቹ ህንደንደኡ፤ በላን ኩን ነ አርገተ፤ አንስ ነንዱአ። 20ኩኖ፣ መጋላን እት በቀቹን ደንደአሙ ቶኮ አስ ዽኦ ጅርት፤ እሼን ጥኖዸ። አን ገረሼት ነንበቀዸ፤ እሼን ባይኤ ጥኖዸ ምቲ? አከስት ሉቡንኮ ንበራረምት።”
21ኤርገማን ሱንስ አከነ ጄዼን፤ “ኩኖ፣ አን ከዻ ከነ ሲፍ ነንዸገአ፤ መጋላ አት ዋኤሼ ዱበቱ ከነ አን ህንበሌሱ። 22ገሩ ሰበቢ አን ሀመ አት አች ጌሱት ሆማ ጎቹ ህንደንዴኜፍ ደፊ አችት በቀዹ!” ወን መጋላን ሱን ዞኣር ጄዸምቴፍስ ከኑመ።
23ዬሮ ሎጥ ዞኣር ገኤት አዱን ባቴ ቱርቴ። 24ዋቀዮ ሰሚወን ኬሳ ዋቀዮ ብራ፣ ድኚ ቦበኡ ሶዶሚፊ ጎሞራረት ሮብሴ። 25እንስ አከሲን መጋላወን ከኔኒፊ ድሬወን ሰነ ጉቱ፣ ወረ መጋላወን ሰነ ኬሰ ጅራተን ሁንዳፊ ብቅልቱ ብየ ሰና በሌሴ። 26ኒቲን ሎጥ ገሩ ኦፍ ዱበ እላልቴ ኡቱባ ሶግዳ ታቴ ሀፍቴ።
27አብረሃምስ ጉያ እት ኣኑ ገነመ ኦቦሮን ከኤ እዶ ዱራን ፉለ ዋቀዮ ዱረ ዻበቻ ቱሬ ሰነት ዴብኤ። 28እንስ ገረ መጋላወን ሶዶሚፊ ጎሞራ፣ ገረ ለፈ ድሬ ሰና ሁንዳስ እላሌ ኣረ አከ ኣረ ቦለ እብዳ ኬሳ በኡ ቶኮሳ ብየ ሰነ ኬሳ ኦል ከኡ አርጌ።
29ዋቅን ዬሮ መጋላወን ድሬ ሰና በሌሴት አብረሃምን ያደቴ፤ ከናፉ ዮሙ መጋላወን ሎጥ ኬሰ ጅራቻ ቱሬ በሌሴት ሎጥን በላ ሰነ ኬሳ ባሴ።
ሎጢፊ እንተለንሳ
30ሎጥ ዋን ዞኣር ኬሰ ጅራቹ ሶዳቴፍ እንተለንሳ ለማን ወጅን ዞኣሪ በኤ ጋረንረ ቁበቴ። እንስ እንተለንሳ ለማን ወጅን ሆልቀ ቶኮ ኬሰ ጅራቴ። 31ጋፍ ቶኮ እንተልሳ እሼን ሀንገፍት እሼ ቁጥሱዻን አከነ ጄቴ፤ “አባንኬኘ ዱሎሜረ፤ አከ በርቴ ለፈ ሁንደረ ጅሩት ዺር ኑ ወጅን ጪሱ ቶኮዩ ናኖ ከነ ህንጅሩ። 32ኮቱ ሜ አባኬኘ ዳዺ ወይኒ ኦባስኔ እሰ ወጅን ጪፍና፤ አከሲን ሰኚን አባኬኛ ለፈረት አከ ሀፉ ጎነ።”
33እሳንስ ሀልከን ሰነ አባሳኒ ዳዺ ወይኒ ኦባሰን፤ እንተል እሼን ሀንገፍት ኦል ሴንቴ እሰ ወጅን ጪፍቴ። እን ዬሮ እሼን ጪስቴ ዮካን ዬሮ እሼን ካቴ ህንቤክኔ።
34ጉያ እት ኣኑት እንተል ሀንገፍት እሼ ቁጥሱዻን አከነ ጄቴ፤ “ኩኖ አን ኤደ አባኮ ወጅን ጪሴረ። ኮቱ ኤደነስ ዳዺ ወይኒ እሰ ኦባስና፤ አትስ ኦል ሴኒ እሰ ወጅን ጪስ፤ አከስት ሰኚን አባኬኛ አከ ሀፉ ጎነ።” 35እሳን ሀልከን ሰነስ አባሳኒ ዳዺ ወይኒ ኦባሰን፤ እንተል ቁጥሱን ዸቅጤ እሰ ወጅን ጪስቴ። እን አመስ ዬሮ እሼን ጪስቴ ዮካን ዬሮ እሼን ካቴ ህንቤክኔ።
36አከሲን እንተለን ሎጥ ለማኑ አባሳኒቲፍ ኡልፋአን። 37እንተል እሼን ሀንገፍት እልመ ዴሴ መቃሳ ሞኣብ ጄቴ ሞጋፍቴ። እን አባ ሞኣቦተ ሀርኣት። 38እንተል እሼን ቁጥሱንስ እልመ ዴሴ መቃሳ ቤን-አሚ ጄቴ ሞጋፍቴ፤ እንሞ አባ አሞኖተ ሀርኣት።
Tans Gekies:
ኡመመ 19: NOCV
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
ክታበ ቁልቁሉ፣ ሂካ አመያ ሃራ™፣
ምርግ ሴራን ኤገመ © 2009፣ 2020፣ 2022 Biblica, Inc.
ኤየማን እት ፈየደሙ።
ምርግ ሁንድ አዱኛ ጉቱረት ከን ኤገሜዸ።
Holy Bible, New Oromo Contemporary Version™
Copyright © 2009, 2020, 2022 by Biblica, Inc.
Used with permission. All rights Reserved worldwide.
