ኡመመ 12
12
ዋመሙ አብራም
1 ዋቀዮ አብራሚን አከነ ጄዼ፤ “ብየኬ፣ ሰበኬቲፊ መነ አባኬቲ ዺሲቲ ገረ ብየ አን ስ አርግሲሱ ዸቅ።
2“አን ሰበ ጉዳ ስን ታስሰ፤
ስን ኤብሰስ፤
መቃኬሌ ጉዳ ነንታስሰ፤
አትስ ኤበ ታታ።
3አን ወረ ስ ኤብሰን ነንኤብሰ፤
ወረ ስ አባረን ነንአባረ፤
ሰብን ለፈራ ሁንድኑ
ከራኬቲን ኤብፈመ።”
4ከናፉ አብራም አኩመ ዋቀዮ እሰት ህሜት ከኤ ዴሜ፤ ሎጥስ እሰ ወጅን ዴሜ። አብራም ዬሮ ካራኒ በኤት ነመ ወጋ ቶርባተሚ ሸኒ ቱሬ። 5እንስ ኒቲሳ ሳራ፣ እልመ ኦቦሌሰሳ ሎጥ፣ ቀቤኘ ወልት ኩፈተን ሁንዱማፊ ነሞተ ካራንት አርገተን ሁንዱማ ቀበቴ ከነኣን ዸቁፍ ከኤ፤ እሳንስ አች ገአን።
6አብራምስ ሀመ ቅልጡ ሞሬ ከን ሼኬም ኬሰት አርገሙት ብየቲ ኬሰ ዴሜ። ዬሮ ሰነ ወር ከነኣን ብየ ሰነ ኬሰ ቱረን። 7ዋቀዮ አብራምት ሙልአቴ፣ “አን ብየ ከነ ሰኚኬቲፍ ነንኬነ” ጄዼን። ከናፉ እን አችት ዋቀዮ እሰት ሙልአቴ ሰናፍ እዶ ኣርሳ እጃሬ።
8አቺ ከኤ ገረ ጋረን ቤትኤልራ ገረ በአ ቢፍቱት አርገመኒ ዴሜ ቤትኤልን ገረ ልጠ ቢፍቱት፣ ኣይንሞ ገረ በአ ቢፍቱት ሀምብሴ ዱንካነሳ ዻበቴ። አችት ዋቀዮፍ እዶ ኣርሳ እጃሬ መቃ ዋቀዮ ዋመቴ።
9አብራም ኤርገሲ ከኤ ገረ ኔጌብት ከራሳ እት ፉፌ።
አብራም ብየ ግብጥ ኬሰት
12፥10‑20 ኩወእ – ኡመ 20፥1‑18፤ 26፥1‑11
10በረ ሰነ ቤል ብየ ሰነት ቡኤ ቱሬ፤ ቤል ሱን ዋን ሀማቴፍ አብራም አች ጅራቹፍ ጄዼ ግብጥት ገድ ቡኤ። 11እንስ ዬሮ ግብጥ ሴኑ ገኤት ኒቲሳ ሶራን አከነ ጄዼ፤ “አን አከ አት ዱበርቲ በሬዱ ታቴ ነንቤከ። 12ወር ግብጥ ዮሙ ስ አርገን፣ ‘ኩን ኒቲሳት’ ጄዸኒ ነ አጄሱ፤ ስእሞ ንሀምብሱ። 13አከ እሳን ሲፍ ጄዸኒ ሃለ ቶላን ነ እላለኒፊ አከ ሉቡንኮስ ሰበቢኬቲን ዱአ ኦልቱፍ ማሎ፣ ‘አን ኦቦሌቲሳት’ ጄዽ።”
14ዬሮ አብራም ግብጥ ሴኔትስ ወር ግብጥ አከ ሶራን ዱበርቲ ባይኤ በሬዱ ታቴ አርገን። 15ቆንዳልቶትን ፈረኦንስ ዮሙ እሼ አርገንት እሼ ጀጀኒ ፈረኦንት ህመን፤ እሼንስ መሰራ ሞቱማ ፈረኦንት ጌፈምቴ። 16ፈረኦን ሰበቢሼቲፍ ጄዼ አብራምን ሃለ ቶላዻን እላሌ፤ አብራምስ ሆሎታፊ ሎን፣ ሀሮተ ኮሮሚፊ ዸልቱ፣ ተጃጅልቶተ ዺራ ዱበርቲ፣ ጋለስ አርገቴ።
17 ዋቀዮ ገሩ ሰበቢ ኒቲ አብራም፣ ሰበቢ ሳራቲፍ ጄዼ ፈረኦኒፊ ወረ መነሳ ጅራተን ዹኩበ ሀማን ዸኤ። 18ከናፉ ፈረኦን አብራምን ኦፍት ዋሜ አከነ ጄዼን፤ “አት ማል ነት ሆጄቴ? አከ እሼን ኒቲኬ ታቴ ማሊፍ ነት ህንህምን? 19አት ማሊፍ፣ ‘እሼን ኦቦሌቲኮት’ ጄቴ፣ አከ አን ኒቱማፍ እሼ ፉዸዹ ነ ጎቴ? አመስ ኒቲንኬ ኩኖት፤ እሼ ፉዸዹ ዴም!” 20ፈረኦንስ ዋኤ አብራምረት ነሞተሳ አጀጄ፤ እሳንስ አብራሚፊ ኒቲሳ፣ ዋን እን ቀቡ ሁንደ ወጅን ጌጌሰን።
Tans Gekies:
ኡመመ 12: NOCV
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
ክታበ ቁልቁሉ፣ ሂካ አመያ ሃራ™፣
ምርግ ሴራን ኤገመ © 2009፣ 2020፣ 2022 Biblica, Inc.
ኤየማን እት ፈየደሙ።
ምርግ ሁንድ አዱኛ ጉቱረት ከን ኤገሜዸ።
Holy Bible, New Oromo Contemporary Version™
Copyright © 2009, 2020, 2022 by Biblica, Inc.
Used with permission. All rights Reserved worldwide.
