Psalms Psalm 98

Psalm 98

Hy is Verlosser van Israel

1('n Psalm.)

Sing tot eer van die HERE 'n nuwe lied; want hy het wonders gedoen: sy regterhand en sy heilige arm het hom die oorwinning behaal.

2Die HERE het Sy heil bekend gemaak; sy geregtigheid het Hy openlik laat blyk voor die oë van die nasies.

3Hy het gedink aan sy goedertierenheid en sy trou teenoor die huis van Israel; al die eindes van die aarde het die verlossing van onse God gesien.

4Maak 'n gejubel tot eer van die HERE, o ganse aarde;

5Sing tot eer van die HERE met die siter; met die siter en die stem van 'n psalm.

6Maak 'n gejubel met trompette en kornetgeluid voor die aangesig van die HERE, die Koning.

7Laat die see brul en die volheid daarvan; die wêreld en die wat daarin woon.

8Laat die strome hande klap, laat die heuwels saam jubel

9voor die aangesig van die HERE; want Hy kom om die aarde te oordeel; met geregtigheid sal Hy die wêreld oordeel en die volke met billikheid.

Tans Gekies:

Psalms Psalm 98: CAB23

Kleurmerk

Deel

Kopieer

Wil jy jou kleurmerke oor al jou toestelle gestoor hê? Teken in of teken aan

The Bible in Contemporary Afrikaans

Gewilde Bybelverse vanaf
Psalms Psalm 98