Psalms 87:1-7

Sy fondament is op die heilige berge. Die HERE het die poorte van Sion meer lief as al die wonings van Jakob. Heerlike dinge word van jou gespreek, o stad van God. Sela. Ek sal Ragab en Babel noem aan die wat My ken: kyk, Filistië en Tirus, saam met Kus; hierdie man is daar gebore. En van Sion sal gesê word: Hierdie en daardie man is in haar gebore, en die Allerhoogste self sal haar bevestig. Die HERE sal tel, as Hy die volk opskryf, dat hierdie man daar gebore is. Sela. Sowel die sangers as die instrumentspelers sal daar wees: al my fonteine is in jou.