Joël 3:9-17

Verkondig dit onder die heidene; Berei oorlog voor, wek die helde op, laat al die krygsmanne nader kom; laat hulle opkom: Smeet van julle pikke swaarde en van julle snoeimesse spiese; laat die swakkes sê: Ek is sterk. Versamel julle en kom, alle nasies, en versamel julle rondom; laat daarheen u magtiges afdaal, HERE. Laat die nasies wakker word en optrek na die dal van Jósafat, want daar sal Ek sit om te oordeel oor al die nasies rondom. Sit julle in die sekel, want die oes is ryp; kom, klim af; want die pers is vol, die vette loop oor; want hulle boosheid is groot. Menigtes, menigtes in die dal van beslissing, want naby is die dag van die HERE in die dal van beslissing. Die son en die maan sal verduister word, en die sterre sal hul glans onttrek. Ook sal die HERE uit Sion brul en sy stem uit Jerusalem verhef; en die hemel en die aarde sal bewe, maar die HERE sal die hoop van sy volk wees en die sterkte van die kinders van Israel. So sal julle weet dat Ek die HERE julle God is wat op Sion, my heilige berg, woon; dan sal Jerusalem heilig wees, en geen vreemdelinge sal meer daardeur trek nie.

Gratis leesplanne en oordenkings oor Joël 3:9-17