Psalms 96:10-13

Sê onder die nasies: “Die HERE regeer; ja, die wêreld staan vas, dit wankel nie. Hy oordeel volke met billikheid.” Laat die hemel bly wees, en die aarde juig; laat die see en alles daarin dit uitbasuin. Laat die veld en alles daarop jubel; dan sal alle bome in die bos van vreugde uitroep voor die HERE. Want Hy kom, ja, Hy kom om die aarde te oordeel; Hy sal die wêreld oordeel in •geregtigheid, en volke ooreenkomstig sy trou.